Vesturbæjarblaðið - Jun 2016, Page 14

14 Vesturbæjarblaðið JÚNÍ 2016
„Já – ég hef góða nágranna,“
sagði Snorri Baldursson líffræðin-
gur og rithöfundur þegar tíðin-
damaður leit til hans á Ásvallagö-
tuna á dögunum. Þar átti hann
við bræðurna og kaupmennina í
Kjötborg þá Gunnar og Kristján
Jónassyni en hann býr á hæðinni
fyrir ofan þessa heiðursmenn
sem sett hafa svip á Vestur -
bæinn um áratugi. Snorri hélt
á dögunum ljósmyndasýningu
í Gallerí Vest við Hagamel sem
hann nefndi “Elocharis” en það er
ættkvíslarheiti vatnajurtarinnar
vatnsnálar (Eleocharis palustris, á
fræðimáli). Snorri hlaut Íslensku
bókmenntaverðlaunin í flokki
fræðirita árið 2014 fyrir bók
sína Lífríki Íslands – vistkerfi
lands og sjávar. Bókina prýða
um 150 ljósmyndir Snorra auk
fjölda mynda annarra ljósmyn-
dara. Snorri hefur starfað sem
þjóðgarðsvörður í Vatnajökul-
sþjóðagarði en er nú í leyfi frá
því starfi. Hann vinnur að gerð
annarrar bókar – bókar um
Lakagíga sem hann segir að vonir
standi til að komi út á þessu ári
en vinnur einnig að verkefni
fyrir Vatnajökulsþjóðgarð við að
koma garðinum á heimsminjaskrá
UNESCO.
Fyrst var Snorri spurður um
ljósmyndunina. Er hún hluti
af áhuga hans á náttúrunni og
rannsóknum hans á náttúru Íslands
og skrifum um hana. Hann kveðst
lengi hafa fengist við ljósmyndun
þó með hléum. „Upp úr fermingu
eignaðist ég Pentax myndavél.
Minnir að ég hafi keypt hana
fyrir hluta af fermingarpeningu-
num. Ég tók mikið af myndum á
hana en hún týndist í Breiðafirði-
num í frægri bátsveltu sem varð
í vísindaför 1978. Eftir það varð
nokkurt hlé á ljósmynduninni en
áhuginn var ávallt til staðar sem
varð til þess að ég tók hana síðar
upp aftur. Þegar ég fór að vinna að
bókinni um lífríki Íslands á fyrsta
áratug aldarinnar fann ég fljótt
að það vantaði myndefni og sá
að ég gæti nýtt mér áhuga minn á
myndatökunni og þá reynslu sem
ég hafði viðað að mér í gegnum
tíðina.“
Lítið fjallað um vistfræði
þurrlendis á prenti
En hvað varð til þess að Snorri
tók sér starfshlé og fór að vinna
að þessari viðamiklu bók. „Ég
var búinn að ganga nokkuð lengi
með þessa hugmynd án þess að
hafa fundið mér tækifæri til þess
að koma henni í framkvæmd. Ég
stundaði mastersnám í líffræði og
vistfræði í Bandaríkjunum og fór
síðan að kenna. Þá komst ég að
því að lítið var um kennsluefni í
þessum fræðum og þurfti að tína
það saman héðan og þaðan. Þetta
sýndi mér þörfina fyrir að taka
saman á einn stað það helsta um
lífríki og vistfræði Íslands en síðan
varð ekkert úr þessu hjá mér. Þetta
var um 1980 þannig að ég svaf á
hugmyndinni í um aldarfjórðung.
Upp úr aldamótunum sá ég
bækur sem höfðu verið skrifaðar
um vistfræði bæði Færeyja og
Grænlands en ekkert sambærilegt
heildstætt verk var til um vistfræði
Íslandi. Þá sá ég að ég yrði að
láta reyna á þetta – hvort ég gæti
komið þessari gömlu hugmynd
minni í framkvæmd. Ég sótti um og
fékk leyfi frá störfum hjá Náttúru-
fræðistofnun Íslands þar sem ég
starfaði þá og hóf í framhaldi af
því að safna saman gögnum um
þetta efni. Ég komst fljótt að því
að þó margt hafi verið skrifað um
vatnalíf, gróðurfar og fugla, vantaði
heildstæða umfjöllum um ýmis
vistkerfi, einkum á þurrlendi. Ég
var sex ár að vinna bókina. Þótt
mér gengi nokkuð vel að fá styrki
til verksins þá gat ég ekki unnið
eingöngu við það og ýmis önnur
verkefni kölluðu á. Bókin kom svo
út á árinu 2014.“ Snorri viðurken-
nir að mikla vinnu hafi þurft að
leggja í gerð bókarinnar og hann
tók verulegan hluta af myndunum
sjálfur. „Já – ég tók um 60% af
öllum myndum í bókinni en eftirlét
öðrum að annast mjög sérhæfðar
myndatökur á borð við myndir
sem teknar eru neðansjávar eða
ofan í vötnum og af fuglum og
skordýrum.“
Myndefnið af vatnagróðri
„Nei – sýningin í Gallerí Vest
tengist ekki bókinni – ekki með
beinum hætti og það eru ekki
myndir úr henni sem ég var að
sýna þótt myndefnið sé tengt.
Ég hef verið búsettur austur
í Skaftárhreppi undanfarin ár
og heillaðist af skemmtilegum
vatnagróðri sem ég fann þar í
litlu vatni. Myndefni sýningarin-
nar er allt úr þessu litla vatni og
myndirnar eru að mestu náttúr-
legar þótt þeim sé aðeins rennt í
gegnum photshop myndvinnslu-
forrit til þess að skerpa liti þeirra
svo þær taki sig betur út á stórum
flekum á veggjum sýningarsalarins.
Vatnajökulsþjóðgarður á
heimsminjaskrá
Þótt Snorr i sé í f r í i f rá
þjóðgarðsvörslu er hann í lausa-
mennskustarfi á vegum Vatna-
jökulsþjóðgarðs. „Já það er stefnt
að því að koma þjóðgarðinum á
heimsminjaskrá UNESCO. Þetta er
heilmikil vinna og vanda þarf vel
til verka vegna þess að það fer ekki
hvað blettur sem inn á þá skrá.
Lögð verður sérstök áhersla á þá
sérstöðu sem felst í því að hluti
garðsins er á flekaskilum þar sem
tvo fleka jarðskorpunnar rekur
í sundur. Undir flekaskilunum er
möttulstrókur sem dælir heitri
kviku úr iðrum jarðar upp til
yfirborðs og ofan á öllu saman
er jökull sem reglulega bráðnar í
eldsumbrotum. Og jökullinn hefur
auk þess verið að koma og fara í
gegn um tíðina. Hvergi í heiminum
fer allt þetta þrennt saman, þótt
heitir reitir, flekaskil og jöklar
finnist víða. Það er samspil þessara
kerfa, elds, íss, vatns og andrúms-
lofts sem við leggjum áherslu á
í tilnefningunni og fjölbreytilegar
afurðir þess á yfirborði.“
Ég heillaðist af þessum vatnagróðri
Snorri Baldursson líffræðingur og rithöfundur.
- segir Snorri Baldursson líffræðingur og rithöfundur sem sýndi ljósmyndir í Gallerí Vest nýverið
og hyggur nú á bókskrif um íslenskt gróðurfar
Ert
 þú
 í
 söluhugleiðingum?
Við
 erum
 til
 þjónustu
 reiðubúin
-­‐örugg
 fasteignaviðskipti
Myndin er tekin af myndröð Snorra á sýningunni í Gallerí Vest.
Nesvegur 100
Símar 562-1070, 896-4243
Opið virka daga kl. 10 - 18:30
MIKIÐ ÚRVAL SPENNANDI FISKRÉTTA
VERIÐ VELKOMIN
FERSKUR FISKUR
DAGLEGA
www.borgarblod.is