Brautin - 28.09.1977, Blaðsíða 4

BRAUTIN
Framhald úr síðasta blaði.
Æskulýðsráð beitti sér fyrir
taflkennslu í samráði við Tafl-
félag Vestmannaeyja, fyrir
börn og unglinga, og voru æf-
ingar á hverjum laugardegi frá
október og fram í apríl. MilH
50 og 60 krakkar notfærðu sér
þessa kennslu, sem var alger-
lega ókeypis. Var haldið tafl-
mót á miðjum vetri, þar sem
teflt var í tveimur „þyngdar-
flokkum" og verðlaun veitt. —
Starfinu lauk svo með fjöltefli,
þar seem tékkneski meistarinn
Alsterkom hingað og tefldi við
þá sterkustu, ásamt nokkrum
gamalreyndum kempum úr
Taflfélaginu.
Ein málverkasýning var hald-
in í húsinu á tímabilinu, yfir
litssýning á verkum Ásgríms
Jónssonar.
Æskulýðsráð beitti sér fyrir
helgarnámskeiði fyrir ökumenn
léttra vélhjóla (skellinöðru-
peeyjar) í samráði við Bind-
indisfélag ökumanna, og kom
hingað sænskur leiðbeinandi
vegna þessa. Vaknaði nokkur
áhugi meðal vélhjólamanna við
þetta og var klúbbur stofnað-
ur skömmu seinna.
Þrívegis fengu ungir áhuga-
menn um kvikmyndasýningar
að sýna í minni salnum 8 mm
kvikmyndir (eftir að gengið
hafði verið úr skugga um að
allar filmumar væru hæfar til
sýningar).
íslenska fhugunarfélagið fékk
inni í húsinu þrjú kvöld til
að kynna starfsemi sína Vest-
mannaeyingum.
Tvær jólatrésskemmtanir vom
haldnar á efstu hæðinni, og
knattspyrnufélagið Týr hélt þar
„uppskeruhátíð" sína, þar sem
verðlaun voru veitt fyrir unnin
afrek.
Undir vorið fékk megrunar-
klúbburinn Línan inni í húsinu
og hefur klúbburinn haldið
fundi vikulega og hyggst halda
því áfram, þar eð enn þykir
nokkuð vanta á, að félagskon-
ur (engir karlmenn eru í
klúbbnum hafi lækkað sig í
eðlilega og æskilega þyngd.
Þá hefur verið getið þess helsta
sem fram hefur farið í salar-
kynnum efstu hæðar Félags-
heimilisins. Að auki hafa stöku
sinnum flokkar aðkomufólks
fengið að sofa á efstu hæðinni,
en að mestu fluttist það þó í
kjallarann, eftir að búið var
að fullgera stærri salinn til
skemmtanahalds.
Aðalsalurinn
Aðalsalur Félagsheimilisins, á
miðhæðinni, var mikið notaður
á þessu tímabili. Leikfélag
Vestmannaeyja kom þar mest
við sögu, bæði með æfingar og
sýningar, en starf félagsins var
með miklum blóma, einkum
þó um haustið og framan af
vetri. Stóð félagið fyrir nám-
skeiði í leiklist, og var bæði
kennt í aðalsal og á fyrstu hæð.
Leikfélagið sýndi leikritiö
„Plógur og stjörnur" 6 sinnum
um haustið, og barnaleikritið
„Rauðhettu" 5 sinnum eftir
árarnót. Þá voru og tvær sýn-
ingar um vorið á „Margt býrí
þokunni". Alls sýndi því L. V.
13 sinnum á þessu tímabili, en
tala æfinga í salnum er að sjálf
sögðu margfalt hærri.
Þrír aðkomuleikflokkar komu
í heimsókn með sýningar. —
Leikfélag Þorlákshafnar, sem
sýndi einu sinni, Leikklúbbur-
inn í Vík í Mýrdal sömuleiðis
með eina sýningu og Leikfélag
Hreppamanna, sem sýndi þrisv
ar.
Samkór Vestmannaeyja fékk
salinn til afnota eitt kvöld
vegna plötukynningar.
Lúðrasveit Vestmannaeyja hélt
tvívegis konsert í salnum.
f janúar gekkst íslenska bind-
indisfélagið fyrir námskeiði fyr
ir þá, sem vildu hætta að
reykja, og stóð það í viku. Voru
á hverju kvöldi flutt erindi og
fengu þátttakendur í nám^keiö-
inu salinn þrívegis seinna um
veturinn.
Allmargar kvikmyndasýning-
ar voru á tímabilinu í sam-
vinnu við skólana, m. a. sýnd
kvikmynd Viðlagasjóðs, og
sömuleiðis sýndar myndir um
verklega sjóvinnu. Áhugaljós-
myndarar fengu inni eittkvöld
með kvikmyndir um nýjungar
í greininni. Þá voru tvívegis
sýningar á skyggnum „slides".
Söngflokkurinn „Vísnavinir"
hélt vísna- oð þjóðlagakvöld
einu sinni í salnum.
Félagið „Jassvakning" og á-
hugamenn um þá tónlist héldu
eina tónleika í maí.
Karlakóriin Geysir hélt eina
tónleika um mánaðamótin maí-
júní.
Tónlistarskóli Vestmanna-
eyja hélt tvívegis tónleika, jóla-
tónleika og í maí lokatónleika.
Tvívegis var salurinn feng-
inn til fyrirlestrahalds og einu
sinni fyrir aðalalfund (Herjólf-
ur hf.).
Haustið 1976 voru smíðuð létt
og færanleg borð, sem hentuðu
vel til ráðstefnuhalds, sé þeim
smeygt yfir aðra hverja sæta-
röð í salnum. Voru tvær ráð-
stefnur haldnar með þessu
nýja fyrirkomulagi. Hjálpar-
sveit skáta hélt landsþing sitt
um haustið, og Landssamband
bakarameistara sitt þing
nokkru seinna. Þótti salurinn
hæfa mjög vel til slíks ráð-
stefnuhalds og hafa nokkrir að-
ilar sýnt áhuga fyrir honum
nú í haust.
„Farfuglaheimilf
Á neðstu hæð hússins hafa
Týr, Þór og ÍBV, hvert um sig,
eitt herbergi fyrir starfsemi
sína, stjórnarfundi o. þ. h. og
Leikfélag Vestmannaeyja hef-
ur þar þrjú herbergi fyrir
sitt starf, auk geymslurýmis og
eldhúss. Af þessu húsnæði hef-
ur Æskulýðsráð lítil sem eng-
in afskipti. Á neðstu hæðinni
er lítill salur (undir senunni)
og hefur notkun hans verið
töluverð á tímabilinu. Leikfé-
lagið var þar um tima með
námskeið, karatemenn fengu
þar inni með æfingar, skátar
og íþróttamenn sýndu þar
nokkrum sinnum kvikmyndir,
og sérstaklega var salurinn vin-
sæll hjá kvenfélögum bæjarins
fyrir hlutaveltur og basara
hverskonar. Voru 5 basarar
haldnir og 4 hlutaveltur á tíma
bilinu í þessum sal.
Þá hafa líklega mest not ver-
ið af salnum vegna gistingar
ýmissa- aðkomuhópa, svo sem
skólafólks, íþróttamanna, leik-
félaga o. fl., sem hér hafa
dvalist um skamma hríð. Til-
koma hins nýja íþróttahúss
hefur mjög aukið á slíkar heim
sóknir, þar sem keppnisaðstaða
er þar góð, og sömuleiðis hafa
Eyjarnar orðið vinsæll ferða-
m.annastaöur, og mikið um að
ýmsir hópar hafi hér helgar-
dvöl.; Hefur þessi salur því
verið mjög umsetinn til svefn-
dvalar. Er þó langt í frá, að
hann sé heppilegur til slíks, lcft
ræsting léleg, nema dyr séu
opnar upp á gátt, og enginn
gluggi. Þá hafði gestagangur
þessi þó stundum truflandi á-
hrif á aðra starfsemi í húsinu.
Notkun tóbaks og áfengis var
bönnuð í þessum sal sem og
öðrum í húsinu, en misbrestur
vildi þar á verða og kom fyrir
að Bakkus gerðist allfyrirferð-
armikill meðal gesta. Hafði um
sjónarmaður hússins oft amst-
ur og ónæði af gestum, er tap-
að höfðu lyklum sínum, og áttu
í þeim og öðrum vandræðum.
Er vafasamt, að það lágmarks-
gjald, sem upp var sett fyrir
afnot af salnum hefði í öllum
tilvikum nægt til að greiða tíma
kaup vegna hlaupa og útkalla
af þeim sökum, auk ræstingar.
Sem áður segir er hæpið að
reka slíkt „farfuglaheimili"
undir sama þaki og almenna
félagsstarfsemi kaupstaðarins
og verður ekki á vetri kom-
anda, þar sem til stendur, að
Myndlistarskóli Vestmannaeyja
fái salinn til sinna afnota, til
bráðabirgða, en Tónlistarskól-
inn mun, eins og áður er getið,
flytja í Arnardrang, þar sem
Myndlistarskólinn var áður tíl
húsa.
Hér hefur verið drepið á það
helsta, sem fram hefur farið
í Félagsheimilinu á þessu níu
Framhald á 3. síðu.
ÆFINGATAFLA TÝS
í ÍÞRÓTTAHÚSINU
VETURINN 1977
Mánudagur:
17.00—17.45 3. fl. karla handkn.
17.45—18.30 4 fl. karla handkn.
18.30— 19.15 2. fl. kv. handkn.
19.15— 20.00 Mfl. karla handkn.
Þriðjudagur:
17.00—17.45 5. fl. karla knattsp.
17.45—18.30 6. fl. karla knattsp.
Miðvikudagur:
21.30— 22.15 2. fl. kv. handkn.
22.15— 23.30 Mfl. karla handkn.
Fimmtudagur:
17.00—17.45 5. fl. karla knattsp.
17.45— 18.30 6. fl. karla knattsp.
18.30— 19.15 3. fl. kv. handkn.
Föstudagur:
20.00—20.45 Mfl. karla handkn.
20.45- 21.30 2. fl. kv. handkn.
21.30— 23.30 Mfl. karla knattsp.
Laugardagur:
10.15— 11.15 Mfl. kv. handkn.
11.15— 13.00 Old boys knattsp.
Sunnudagur:
9-30—11.00 3. og 4. fl. karla kn.
TÝR
' Ekki er ráð nema í tíma
sé tekið. Við hér á BRAUT
INNI erum þegar famir
að undirbúa jólablaðið okk
ar og er ætlunin að hafa
það bæði fjölbreytt og
skemmtilegt fyrir sem
flesta aldurshópa. Viljum
við hér með óska eftir því
að þeir aðilar sem gætu lát
ið okkur í té greinar eða
annað efni í jólablaðið
hafi samband við blaðið.
★
Að gefnu tlefni vill
BRAUTIN minna félög og
aðra þá aðila í bænum, er
senda frá sér fréttatilkynn
ingar, að senda þær einn-
ig til okkar. — BRAUTIN
kemur út vikulega eins og
fleiri, og blaðið hefur lagt
meira rúm undir fréttir
en önnur blöð í bænum.
***
Augiýsið í BRAUTINNI