Fréttablaðið - 16.11.2015, Side 3

www.ms.is
Til hamingju með dag íslenskrar tungu!
Þú stóðst á tindi Heklu hám
og horfðir yfir landið fríða,
þar sem um grænar grundir líða
skínandi ár að ægi blám;
en Loki bundinn beið í gjótum
bjargstuddum undir jökulrótum –
þótti þér ekki Ísland þá
yfirbragðsmikið til að sjá?
Jónas Hallgrímsson, úr kvæðinu Til herra Páls Gaimard
Hekla er nafntogaðasta eldfjall á Íslandi og þótt víðar væri leitað. Við síendurtekin gos hefur fjallið tekið verulegum
breytingum frá því að það hlaut fyrst nafn. Í elstu heimildum er það kallað Heklufell.
Hekla getur merkt kápa eða yfirhöfn. Talið er að fjallið dragi nafn af því að það klæðist hvítri snækápu fyrr en önnur
fjöll í nágrenninu og kastar henni síðar af sér að vori.
Kynntu þér söguna á bak við fjölda áhugaverðra örnefna á ms.is í tilefni dags íslenskrar tungu!
MS er stolt af því að hafa stuðlað að eflingu móðurmálsins
ásamt Íslenskri málnefnd í rúm 20 ár.