Fréttablaðið - 23.01.2016, Blaðsíða 108

„Það sem ýtti af stað þessari hugmynd
var þegar Hagaskólastelpurnar unnu
Skrekk, það var svo mikill kraftur þarna
sem mér fannst svo flott. Þá fannst mér
alveg upplagt að mynda ungar íþrótta-
stelpur,“ segir ljósmyndarinn Hulda
Sif Ásmundsdóttir um ljósmyndaverk-
efnið Just girl it.
Hulda Sif myndaði ellefu ungar
íþróttakonur fyrir verkefni í skólanum
en hún stundar nám í ljósmyndun í
Hollandi. Líkt og áður segir kviknaði
hugmyndin að efnistökunum eftir að
Hulda Sif sá siguratriði hæfileikakeppni
grunnskólanna í fyrra en þar fluttu
stúlkur úr Hagaskóla femíníska ljóða-
og dansgjörninginn Elsku stelpur.
„Ástæðan fyrir því að ég valdi að
mynda íþróttastelpur var kannski sú
að ég var sjálf í íþróttum á þessum aldri
og fannst áhugavert að taka svoleiðis
portrettmyndir.“ Stúlkurnar á myndum
Huldu Sifjar stunda allar mögulegar
íþróttir og segir hún að skilaboð Haga-
skólastúlknanna um að taka meira
pláss hafa haft áhrif á sig.
Titillinn Just girl it er vísun í slagorð
hins þekkta íþróttavörumerkis Nike,
Just do it, og skýtur Hulda Sif ekki loku
fyrir að hún muni vinna verkefnið eitt-
hvað áfram en hún hefur gaman af því
að taka portrettmyndir. „Mér finnst
ótrúlega gaman að mynda fólk og
reyna að segja sterkar sögur í gegnum
portrettmyndir.“
Og þó að hún hafi tekið hluta af
myndunum úti í Hollandi þá fór það
þó þannig að allar íþróttastelpurnar
sem hún myndaði voru íslenskar. „Það
var alveg ótrúlega þægilegt að fá þær til
þess að vera með og það var engin sem
neitaði,“ segir hún og bætir hlæjandi
við að vankunnátta hennar í hollensku
hafi sjálfsagt orsakað það að þær stúlk-
ur sem hún myndaði voru íslenskar.
Hulda Sif er nú á sínu öðru ári í ljós-
myndun við Listaháskólann í Haag en
hún hefur lokið námi við Ljósmynda-
skólann hér heima og vann hún þá
portrettseríu sem svipar ögn til Just
girl it en þá var viðfangsefnið listakon-
ur. „Þannig að þetta er kannski svona
mín lína inn í þessari femínísku orku,“
segir hún glöð í bragði um Just girl it.
gydaloa@frettabladid.is
Tækniþróunarsjóður
Náðu
lengra með
Tækniþróunarsjóði
tths.is
Hulda Sif æfði sjálf íþróttir á unga aldri og myndaði ellefu ungar íþróttakonur fyrir
ljósmyndaverkefnið Just girl it.
Hér má sjá verkefnið Just girl it eftir Huldu Sif.
Ástæðan fyrir því að ég valdi að
mynda íþróttastelpur var
kannski sú að ég var sjÁlf í
íþróttum Á þessum aldri og
fannst Áhugavert að taka
svoleiðis portrettmyndir.
hagaskólastelpurnar
kveiktu hugmyndina
Ljósmyndarinn Hulda Sif Ásmundsdóttir tók myndir af ellefu
íslenskum íþróttastelpum fyrir ljósmyndaverkefni sitt Just girl it.
2 3 . j a n ú a r 2 0 1 6 L a U G a r D a G U r60 L í f i ð ∙ f r É T T a B L a ð i ð