Morgunblaðið - 20.11.2019, Blaðsíða 24

HANDBOLTI
Kristján Jónsson
kris@mbl.is
Sigvaldi Björn Guðjónsson, lands-
liðsmaður í handknattleik, mun yfir-
gefa herbúðir norska liðsins Elver-
um næsta sumar. Sigvaldi tjáði
Morgunblaðinu í gær að hann
myndi ekki semja aftur við norska
liðið og hygðist reyna sig í sterkari
deild. Samningur hans rennur út í
sumar en í gær greindi Nettavisen
frá því að Sigvaldi gæti farið til liðs
sem hefði komist í undanúrslit
Meistaradeildar Evrópu á síðustu
árum.
„Ég mun fara en veit ekki alveg
hvert. Það kemur í ljós. Áhugi er
fyrir hendi hjá nokkrum liðum og
það er ekki vandamál,“ sagði Sig-
valdi við Morgunblaðið í gær en
sagðist ekki vera búinn að gera upp
við sig hvort hann vildi ganga frá
sínum málum fyrir eða eftir EM
landsliða í janúar.
Skoraði 18 mörk í leik
Sigvaldi átti þvílíkan stórleik í
undanúrslitum bikarkeppninnar í
Noregi á dögunum að varla eru
dæmi um annað eins hjá Íslendingi
erlendis. Skoraði þá 18 mörk gegn
Halden í leik sem Elverum vann
32:29. Hvað gekk eiginlega á?
„Það er góð spurning. Þetta var
einhvern veginn mjög steikt. Ég
klúðraði til dæmis fyrsta skotinu og
hitti ekki markið. En svo komu
mörkin jafnt og þétt og ég hafði
skorað 11 mörk að loknum fyrri
hálfleik. Þá hélt ég að þetta væri bú-
ið en andstæðingarnir héldu áfram
að leyfa mér að fara inn úr horninu
og ég hélt áfram að skora,“ sagði
Sigvaldi, sem skoraði sex mörk úr
víti en ellefu mörk komu úr horninu.
„Ég fékk tvö hraðaupphlaup í leikn-
um og klúðraði öðru þeirra.“
Hornamenn þurfa alla jafna að fá
þjónustu til að komast í marktæki-
færi gegn uppstilltri vörn. Sigvaldi
er þá væntanlega með skyttu við
hliðina á sér sem kann að „stimpla“
niður í hornið? „Hann stóð sig alla
vega í þessum leik.“
Áhorfendamet gegn PSG
Bikarúrslitaleikurinn fer fram á
milli jóla og nýárs. Verður hann
leikinn í Osló í höll sem tekur 7-8
þúsund manns. „Bikarúrslitaleik-
urinn er einn stærsti leikurinn á
hverju ári ef mið er tekið af því
hversu margir fylgjast með. Í fyrra
voru um sex þúsund manns og flott
stemning í höllinni. Við mætum
Haslum í úrslitum og það verður
gaman því það hefur verið rígur á
milli liðanna í mörg ár. Áhuginn á
handboltanum í Noregi er töluverð-
ur. Á heimaleikjum hjá okkur eru
yfirleitt 1.500 til 1.600 manns,“ sagði
Sigvaldi en áhorfendamet var slegið
á leik hjá Elverum í vetur.
„Þegar við mættum PSG á heima-
velli í Meistaradeildinni var leik-
urinn færður frá okkar heimavelli,
sem tekur um tvö þúsund manns. Í
staðinn var spilað í Lillehammer og
þar var sett norskt áhorfendamet en
höllin tekur 12.500 manns.“
Vildi koma sér á kortið
Í Meistaradeildinni er Elverum í
riðli með stórliðum eins og Barce-
lona, PSG og Flensburg en þar eru
einnig Pick Szeged, Celje, Zagreb
og Álaborg. Margir íslenskir leik-
menn eru í þessum liðum eins og
handboltaunnendur þekkja.
„Já, þetta er geggjuð reynsla fyr-
ir mig og liðið í heild enda virkilega
gaman að spila á móti bestu liðum
Evrópu. Þessi lið eru svo taktísk og
handboltinn er í öðrum gæðaflokki
en hér í Noregi. Maður bætir sig
þegar maður mætir slíkum and-
stæðingum. Elverum hefur einnig
þénað vel á þessu. Þegar ég fór frá
Árósum til Elverum vonaðist ég eft-
ir að ná að sýna mig meira, meðal
annars með það í huga að komast í
landsliðið. Það hefur gengið mjög
vel og þessi félagaskipti voru full-
komin fyrir mig því ég er orðinn
miklu betri leikmaður,“ sagði Sig-
valdi ennfremur en hann er orðinn
fyrirliði Elverum.
„Geggjuð reynsla að spila á
móti bestu liðum í Evrópu“
 Nægur áhugi á kröftum Sigvalda Björns  Mun yfirgefa Elverum í sumar
Ljósmynd/Elverum
Marksækinn Hornamaðurinn Sigvaldi Björn Guðjónsson fer oft á vítalínuna í leikjum Elverum.
24 ÍÞRÓTTIR
MORGUNBLAÐIÐ MIÐVIKUDAGUR 20. NÓVEMBER 2019
Landslið Íslands í knattspyrnu
karla, skipað leikmönnum 19 ára og
yngri, tryggði sér í gær sæti í milli-
riðlakeppni EM eftir frækinn sigur,
4:2, á landsliði Albaníu í leik sem
fram fór í Belgíu. Albanar komust
yfir, 2:0, í fyrri hálfleik áður en ís-
lenska liðið sneri við taflinu svo um
munaði í síðari hálfleik.
Atli Barkarson, Ísak Snær Þor-
valdsson, Andri Lucas Guðjohnsen
og Karl Friðleikur Gunnarsson
skoruðu mörkin fjögur.
Dregið verður í milliriðla 3. des-
ember en leikið verður í vor.
Sneru við taflinu
og fara í milliriðil
Á skotskónum Atli Barkarson opn-
aði markareikning landsliðsins.
Landsliðsframherjinn í knatt-
spyrnu Kolbeinn Sigþórsson fór
meiddur af velli í leik Íslands og
Moldóvu á útivelli í undankeppni
EM 2020 á sunnudaginn var. Um
ökklameiðsli er að ræða og verður
Kolbeinn frá næstu 4-6 vikurnar.
Hann yfirgaf leikvanginn á hækj-
um en meiðslin eru ekki eins alvar-
leg og óttast var í fyrstu. Kolbeinn
skaddaði liðbönd í ökkla. Hann
sendi frá sér yfirlýsingu á Insta-
gram í gærkvöld þar sem hann
þakkar sænsku félagsliði sínu, AIK,
og íslenska landsliðinu.
Frá keppni í fjórar
til sex vikur
Morgunblaðið/Hari
Úr leik Kolbeinn Sigþórsson er með
sködduð liðbönd í öðrum ökkla.
KNATTSPYRNA
Undankeppni EM U19 karla
Albanía – Ísland........................................2:4
 Mörk Íslands: Atli Barkarson 51., Ísak
Snær Þorvaldsson 67., Andri Lucas Guð-
johnsen 74., Karl Friðleifur Gunnarsson 78.
 Belgía fékk 9 stig, Ísland 6, Grikkland 3,
Albanía 0. Belgía og Ísland í milliriðla.
Vináttuleikur U20 karla
England – Ísland.......................................3:0
Undankeppni EM karla 2020
C-RIÐILL:
Holland – Eistland ....................................5:0
Þýskaland – Norður-Írland......................6:1
Lokastaðan:
Þýskaland 8 7 0 1 30:7 21
Holland 8 6 1 1 24:7 19
Norður-Írland 8 4 1 3 9:13 13
Hvíta-Rússland 8 1 1 6 4:16 4
Eistland 8 0 1 7 2:26 1
 Þýskaland og Holland komin á EM. N-
Írland og Hvíta-Rússland í umspil.
E-RIÐILL:
Wales – Ungverjaland ..............................2:0
Slóvakía – Aserbaídsjan ...........................2:0
Lokastaðan:
Króatía 8 5 2 1 17:7 17
Wales 8 4 2 2 10:6 14
Slóvakía 8 4 1 3 13:11 13
Ungverjaland 8 4 0 4 8:11 12
Aserbaídsjan 8 0 1 7 5:18 1
 Króatía og Wales komin á EM. Slóvakía
og Ungverjaland í umspil.
G-RIÐILL:
Pólland – Slóvenía .....................................3:2
Lettland – Austurríki................................1:0
N-Makedónía – Ísrael...............................1:0
Lokastaðan:
Pólland 10 8 1 1 18:5 25
Austurríki 10 6 1 3 19:9 19
Slóvenía 10 4 2 4 16:11 14
N-Makedónía 10 4 2 4 12:13 14
Ísrael 10 3 2 5 16:18 11
Lettland 10 1 0 9 3:28 3
 Pólland og Austurríki komin á EM. Ísr-
ael og N-Makedónía í umspil.
I-RIÐILL:
Belgía – Kýpur ..........................................6:1
San Marínó – Rússland.............................0:5
 Þorvaldur Árnason dæmdi leikinn.
Skotland – Kasakstan ...............................3:1
Lokastaðan:
Belgía 10 10 0 0 40:3 30
Rússland 10 8 0 2 33:8 24
Skotland 10 5 0 5 16:19 15
Kasakstan 10 3 1 6 13:17 10
Kýpur 10 3 1 6 15:20 10
San Marínó 10 0 0 10 1:51 0
 Belgía og Rússland komin á EM. Skot-
land í umspil.
Undankeppni EM U21 karla
1. riðill:
Ítalía – Armenía ........................................6:0
Írland – Svíþjóð .........................................4:1
Staðan: Írland 16, Ítalía 13, Ísland 9, Sví-
þjóð 6, Armenía 3, Lúxemborg 0.
Vináttulandsleikir karla
Japan – Venesúela.....................................1:4
Brasilía – Suður-Kórea.............................3:0
Króatía – Georgía......................................2:1
HANDKNATTLEIKUR
Bikarkeppni karla, Coca Cola-bikarinn:
Varmá: Afturelding – KA ..........................19
Laugardalshöll: Þróttur – ÍBV ............19.30
Dalhús: Fjölnir – Fram..............................20
Höllin Akureyri: Þór Ak. – Selfoss ......20.30
KÖRFUKNATTLEIKUR
Úrvalsdeild karla, Dominos-deildin:
Höllin Akureyri: Þór Ak. – Stjarnan ...18.30
Úrvalsdeild kvenna, Dominos-deildin:
Blue-höllin: Keflavík – Snæfell ............19.15
Í KVÖLD!
HANDBOLTI
Grill 66-deild kvenna
Stjarnan U – HK U .............................. 30:30
Staðan:
Fram U 9 9 0 0 304:212 18
FH 9 7 1 1 247:198 15
Selfoss 9 6 2 1 207:188 14
Grótta 9 6 1 2 224:200 13
ÍR 9 5 0 4 225:221 10
Valur U 9 4 1 4 242:231 9
ÍBV U 9 4 1 4 228:225 9
Stjarnan U 9 3 1 5 228:251 7
HK U 9 2 1 6 224:255 5
Fylkir 9 2 0 7 169:194 4
Fjölnir 9 2 0 7 206:250 4
Víkingur 9 0 0 9 205:284 0
Spánn
Barcelona – Sinfin............................... 45:21
 Aron Pálmarsson skoraði ekki mark fyr-
ir Barcelona.
Ungverjaland
Dabas – Pick Szeged........................... 22:40
 Stefán Rafn Sigurmannsson lék ekki
með Pick Szeged.
Danmörk
Aarhus – Skjern................................... 29:33
 Elvar Ö. Jónsson skoraði sjö mörk fyrir
Skjern og Björgvin P. Gústavsson varði 10
skot. Patrekur Jóhannesson þjálfar liðið.
Mauricio Pochettino mátti í gær-
kvöld axla sín skinn sem knatt-
spyrnustjóri enska úrvalsdeildar-
liðsins Tottenham. Þetta gerist
aðeins tæplega hálfu ári eftir að
Pochettino stýrði liðinu alla leið í úr-
slitaleik Meistaradeildar Evrópu.
Pochettino tók við Tottenham af
Tim Sherwood árið 2014 og hefur
náð góðum árangri með liðið, þrátt
fyrir takmarkað fjármagn til leik-
mannakaupa. Hápunkturinn var úr-
slitaleikur Meistaradeildarinnar á
síðustu leiktíð. Þar þurfti liðið að
sætta sig við 0:2-tap fyrir Liverpool.
Frammistða Tottenham hefur
valdið vonbrigðum á leiktíðinni. Um
þessar mundir situr Totthenham í
14. sæti ensku úrvalsdeildarinnar
eftir 12 leiki með aðeins 14 stig, þar
af þrjá sigurleiki. Þá féll liðið úr leik
í enska deildabikarnum eftir óvænt
tap fyrir Colchester úr D-deildinni.
Pochettino var orðaður við stjóra-
starfið hjá Manchester United og
Real Madrid í sumar. Þá lögðu for-
ráðamenn Tottenham allt í sölurnar
til að fá Argentínumanninn til að
vera áfram hjá félaginu. Pochettino
skrifaði undir fimm ára samning við
Tottenham fyrir rúmu ári. sport@-
mbl.is
Stutt á milli hláturs og
gráts hjá Pochettino
AFP
Sagt upp Mauricio Pochettino mátti taka pokann sinn í gærkvöld.