Fréttablaðið - 24.01.2020, Blaðsíða 2

Veður
Suðvestan 15-25 m/s, hvassast um
landið norðvestanvert. Éljagangur,
en léttskýjað austan til á landinu.
Vestan 13-20 í kvöld. SJÁ SÍÐU 20
NÁNAR Í SÍMA 585 4000 EÐA Á UU.IS
KANARÍ
BUNGALOWS PARQUE
CRISTOBAL 3*
VERÐ FRÁ 119.900 KR.
Á MANN MIÐAÐ VIÐ 2 FULLORÐNA & 2 BÖRN
7. - 14. FEBRÚAR
Þorramatnum komið fyrir
LÖGREGLUMÁL Meðal þeirra sem
sitja í gæsluvarðhaldi vegna gruns
um skipulagða brotastarfsemi eru
menn sem hlotið hafa þunga dóma
fyrir framleiðslu og innf lutning á
fíkniefnum. Í tilkynningu lögreglu
síðastliðinn sunnudag kom fram
að sex hefðu verið úrskurðaðir í
gæsluvarðhald í þágu rannsóknar
á skipulagðri brotastarfsemi, fram-
leiðslu fíkniefna og peningaþvætti.
Fram kom í tilkynningunni að lög-
regla hefði ráðist í fjölda húsleita
og lagt hald á fíkniefni, vopn og
fjármuni.
Samkvæmt heimildum Frétta-
blaðsins er sumarbústaður við
Hafravatn meðal staða sem húsleitir
tóku til. Mun grunur leika á um að
þar hafi framleiðsla fíkniefna farið
fram.
Meðal grunaðra er einstaklingur
sem lauk nýverið afplánun í fangelsi
fyrir manndráp. Þá mun meintur
höfuðpaur í málinu hafa fengið
dóm fyrir umfangsmikil skattsvik
og aðrir tveir fengu dóma hvor í sínu
skútumálinu, annars vegar í Pól-
stjörnumálinu og hins vegar i í Pap-
eyjarmálinu sem dómur féll í fyrir
áratug. Einn hinna grunuðu fékk
nýverið þungan dóm fyrir fíkni-
efnaframleiðslu og var hann hand-
tekinn á Litla-Hrauni um helgina.
Úrskurður um gæsluvarðhald
fimm mannanna til 31. janúar var
staðfestur í Landsrétti á miðviku-
dag. Gæsluvarðhald sjötta manns-
ins er til 27. janúar. – aá
Vanir menn í
haldi lögreglu
Viðamiklar aðgerðir lögreglu leiddu
til gæsluvarðhalds sex manna.
STJÓRNMÁL Þingsályktunartillaga
forsætisráðherra um forvarnir
gegn kynferðislegu og kynbundnu
of beldi og áreitni á öllum skóla-
stigum er meðal nýrra mála á upp-
færðri þingmálaskrá ríkisstjórnar-
innar.
Þar er einnig að finna frumvarp
dómsmálaráðherra um breytingar
á lögum um aðgerðir gegn peninga-
þvætti og fjármögnun hryðjuverka
í tengslum við innleiðingu fimmtu
peningaþvættistilskipunar ESB.
Þá leggur félags- og barnamála-
ráðherra fram frumvarp til að
styrkja lagagrundvöll Gæða- og
eftirlitsstofnunar velferðarmála
og um f lutning verkefna þangað
frá Barnaverndarstofu.
Alls eru 15 ný mál á þingmála-
skránni en 26 mál detta út og
framlagningu 50 mála er seinkað
miðað við upphaf lega áætlun. Af
þeim 227 málum sem er að finna í
endurskoðaðri þingmálaskrá hafa
84 verið lögð fram. – sar
Fimmtán ný
stjórnarmál
SAMFÉLAG Þörfin á að byggja upp
úrræði fyrir heimilislausa í höfuð-
borginni er brýn en alls eru um 80
einstaklingar á biðlista. Reykja-
víkurborg tilkynnti um mitt síðasta
ár að hún hygðist reisa 25 smáhýsi
á nokkrum stöðum á höfuðborgar-
svæðinu. Erfiðlega hefur þó gengið
að f inna heppilega staði fyrir
umrædd hýsi.
Fyrst var ákveðið að reisa fimm
slík hýsi á reit við Héðinsgötu og féll
sú ákvörðun í grýttan jarðveg. Síðan
þá hefur verkefnið dregist talsvert
allt þar til að velferðarsvið Reykja-
víkurborgar valdi loks þrjár lóðir
og auglýsti væntanlegar breytingar
á deiliskipulagi.
Umræddar lóðir eru við Eski-
hlíð og Guðrúnartún, þar sem þrjú
hýsi eiga að rísa á hvorri lóð. Þá eiga
fimm hýsi að rísa við lóð á Veður-
stofuhæð.
Ekki eru allir á eitt sáttir við
þessar fyrirhuguðu framkvæmdir.
Hópur íbúa tók sig saman og skrif-
aði bréf um málið þar sem hvatt er
til þess að áætlunum borgarinnar
verði mótmælt. Í bréfinu er bent á
úrræðin sem fyrir eru í hverfinu,
Konukot í Eskihlíð og heimili fyrir
tvígreinda karlmenn við Miklu-
braut. Segir í bréfinu að íbúar verði
varir við þessa starfsemi. Víða séu
sprautur og sprautunálar í nærum-
hverfinu, til dæmis í anddyrum
blokka og húsgörðum. Lögregla og
sjúkralið séu tíðir gestir og vísað er
í nokkrar skelfilegar uppákomur.
Meðal annars morð á heimilinu á
Miklubraut fyrir nokkrum árum og
hnífsstungu sem gestur Konukots
bar ábyrgð á.
Þá eigi fjölmörg börn leið um
hverfið dag hvern til þess að sækja
æfingar hjá Knattspyrnufélaginu Val
og þriðja þunga úrræðið í hverfið sé
því afar óheppilegt.
Heiða Björg Hilmisdóttir, formað-
ur velferðarráðs, segist hafa fullan
skilning á afstöðu íbúa og að athuga-
semdirnar verði teknar til athugunar
áður en tillagan verði afgreidd. „Það
er réttur íbúa að gera athugasemdir
við deiliskipulagsbreytingar. En það
er líka mikilvægt að finna góðar
lóðir fyrir þessi litlu hús sem við
erum að koma fyrir í borginni fyrir
fólk sem vantar heimili. Við gerum
allt sem við getum til að finna góðar
staðsetningar í sátt við íbúa og
umhverfi.“ bjornth@frettabladid.is
Íbúar í Hlíðahverfi
mótmæla smáhýsum
Íbúar í Hlíðahverfi eru margir afar ósáttir við fyrirætlanir borgarinnar um að
reisa smáhýsi fyrir heimilislausa á tveimur lóðum við Eskihlíð og Veðurstofu-
hæð. Í bréfi frá hópi íbúa er bent á að tvö þung úrræði séu þegar skammt frá.
Smáhýsin eru sambærileg þessum sem eru í Seattle-borg í Bandaríkjunum.
Við gerum allt sem
við getum til að
finna góðar staðsetningar í
sátt við íbúa og
umhverfi.
Heiða Björg
Hilmisdóttir,
formaður
velferðarráðs
Í dag er bóndadagur. Hefur sú hefð myndast að makar gefi bónda sínum blóm í dag. Dagurinn er einnig fyrsti dagur þorra. Hefst þá formlega tíð
þorrablóta þar sem þjóðlegur matur er í boði, hefur sú hefð rækilega fest sig í sessi meðal landsmanna síðustu sextíu árin eða svo. Starfsmenn Nóa-
túns voru í óðaönn að koma þorramat fyrir í kjötborðinu í gær á meðan nokkrir spenntir viðskiptavinir biðu með óþreyju. FRÉTTABLAÐIÐ/ERNIR
2 4 . J A N Ú A R 2 0 2 0 F Ö S T U D A G U R2 F R É T T I R ∙ F R É T T A B L A Ð I Ð