Hugur og hönd - 01.06.2016, Blaðsíða 39

með vorum við komnar með ákveðinn
ramma til að vinna með.
Sigríður skrifaði textann í bókinni um
þessar konur og þegar hann er lesinn
sést hve íslenskar konureru og hafa verið
sterkir persónuleikar. Mér finnst saga
þessara kvenna ekki síður mikilvæg en
það listahandverksem eftirþærliggur.
Að gefa út bók er ekki hrist fram úr erm-
inni. Ég sóttist eftir því að fá styrki til að
geta gefið bókina út. Ég leitaði til fyr-
irtækja, stofnana og félagasamtaka
í Skagafirði og var mér alls staðar vel
tekið. Þegar ég útskýrði fyrir mönnum
að égværi að gefa út bók um skagfirska
rósavettlinga kom oft skrýtinn svipur á
fólkogþásérstaklegakarlmennogégvar
spurð „er hægt að skrifa bók um það?“ Já
það er hægt að skrifa bók um vettlinga
eins og dæmin sanna. Ég er afskaplega
stolt af því að hafa með útgáfu þessarar
bókar náð að varðveita handverk sem
afskaplega fáir kunnu. Ég veit að tvær
kynslóðir til viðbótar af afkomendum
Ragnheiðar hafa lært þetta handverk
og halda merkjum formæðra sinna á
lofti. Þá er takmarkinu náð. Einnig var
það alltaf markmið mitt með útgáfu
þessarar bókar að hún væri sjálf skag-
firskt handverk en bókin er að öllu leyti
unnin í Skagafirði. Það var prentsmiðjan
Nýprent á Sauðárkróki sem sá um
prentun bókarinnar. Ég er að vinna að
þýðingu bókarinnará ensku ogvonasttil
þess að hún komi út nú í vor.
Skagfirskir rósavettlingar sem hér um
ræðir eru slík listasmíð að mér fannst
ófært annað en að fleiri fengju að
njóta þess að sjá svo fallegt handverk.
Greinilegt er að þær konur sem unnu
þessa vettlinga hafa verið snillingar
í tóvinnu. Vinnubrögð sem þessi eru
hverfandi og því við hæfi að grípa tæki-
færið og vekja athygli á sérstöðu þessa
handverks og reyna að fanga tíma sem
erað líða.
Ég á mikið að þakka þeim sem hjálp-
uðu mér við útgáfu bókarinnar og þá
sérstaklega Sigríði Sigurðardóttur sem
skrifaði textann í bókinni. Einnig starfs-
fólki Nýprents á Sauðárkróki. Án allra
þeirra sem aðstoðuðu mig á einn eða
annan hátt hefði þessi bók aldrei orðið
aðveruleika.
39