Fréttablaðið - 19.03.2020, Blaðsíða 12

Allir Íslendingar hafa keyrt undir Hafn-arfjalli á leið sinni norður eða vestur á land. Reyndar er um fjallaklasa að ræða og nafnið Hafnarfjöll, eins og þeirra er getið í Eglu og Landnámu, því meira viðeigandi. Er talið að landnámsjörð
Skallagríms Kveldúlfssonar hafi náð suður að þessum
tignarlegu fjöllum sem kennd eru við bæinn Höfn við
sunnanverðan Borgarfjörð. Við rætur Hafnarfjalls
er Hafnarskógur, birkiskógur sem má muna sinn fífil
fegurri, aðallega vegna of beitar.
Hafnarfjöllin láta hins vegar ekkert á sjá, eins og
íbúar Borgarness geta vitnað um, en fá ef nokkur
bæjarstæði á Íslandi geta státað af öðru eins útsýni.
Þarna er þó óveðrasamt og flestir landsmenn tengja
veginn undir Hafnarfjalli við sviptivinda sem geta
lokað þjóðveginum. En veðravítið á sér aðra og
bjartari hlið því í góðu veðri eru Hafnarfjöll tvímæla-
laust með skemmtilegri gönguleiðum á suðvestur-
horni landsins.
Flestir hefja gönguna á Hafnarfjöll að norðan-
verðu, skammt frá Borgarfjarðarbrú, en einnig má
leggja til atlögu að sunnanverðu frá Ölveri. Frá bíla-
stæði norðan megin er gengið upp allbrattan hrygg
vestan megin á Hafnarfjalli. Niður af honum blasa
við svokallaðar Flyðrur, klettanef sem standa upp úr
skriðunum vestan í fjallinu, og setja sterkan svip á
Hafnarfjall. Þarna býðst einstakt útsýni yfir Faxa-
flóa, sunnanvert Snæfellsnes og Snæfellsjökul, en líka
Borgarnes og Borgarfjörð. Áfram er haldið í austur
á hæsta tindinn, Gildalshnjúk (854 m) en af honum
blasir við vestanvert miðhálendið líkt og Skessuhorn,
Skarðsheiði, Akrafjall og Esja.
Næst tekur við svipmesti tindur fjallgarðsins sem
á mörgum kortum er nafnlaus en sumir kalla Þver-
tind eða Miðtind. Af honum er haldið niður á við að
nafnlausri geil sem liggur í gegnum mikið klettabelti
og getur verið snúið að finna. Þarna verður að troðast
í gegn til að bæta við fleiri tindum sem bíða í snyrti-
legri röð og afmarka skeifulaga dalverpi. Þeirra helstir
eru Klausturtunguhóll (751 m), síðan Katlaþúfa
(778 m), Þverfell (682 m) og Tungukollur (635 m) uns
komið er niður í Innra-Seleyrargil.
Aðeins lengri en síður brött leið liggur niður í
Grjóteyrardal. Þetta er tæplega 9 km hringur
sem ætti að vera flestum fær og tekur
daginn. Helsta áskorunin er að finna
geilina í klettabeltinu og því skynsam-
legt að vera í för með staðkunnugum og
notast við GPS-ferla. En í góðu veðri
eru Hafnarfjöll himnaríki líkust og
gangan frábær skemmtun.
Í himnesku
veðravíti
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
Hafnarfjöll
séð úr vestri af
Mýrum, sjónar-
horn sem flestir
tengja við og
þá sérstaklega
snarbrattar
skriður í vestur-
hlíðunum. Upp
úr þeim standa
klettanef sem
kallast Flyðrur.
MYND/TG
Ganga eftir Hafnarfjöllum er algjör tindaveisla og útsýnið frábært. Hér er horft til suðurs. MYND/ÓMB
Útsýni til austurs af Hafnarfjalli. MYND/ÓMB
F R É T T I R ∙ F R É T T A B L A Ð I Ð 11F I M M T U D A G U R 1 9 . M A R S 2 0 2 0