Fréttablaðið - 19.03.2020, Blaðsíða 19

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga
Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli Bergmann, atli@frettabladid.is, s. 550 5657,
Jón Ívar Vilhelmsson, jonivar@frettabladid.is, s. 550 5654, Jóhann Waage, johannwaage@frettabladid.is, s. 550 5656,
Ruth Bergsdóttir, ruth@frettabladid.is, s. 694 4103,Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
NETVERSLUN WWW.BELLADONNA.IS
FLOTT FÖT, FYRIR FLOTTAR KONUR
Tískuáhuginn kviknaði þegar ég var lítil telpa. Þá vaknaði móðir mín eldsnemma
á hverjum morgni til að mála
sig, laga hárið og líta sem best
út fyrir daginn. Hún var alltaf í
háum hælum og pilsi, jafnvel yfir
háveturinn í Síberíu, þar sem
fimmtán stiga frost telst frekar
hlýtt. Ég vaknaði á sama tíma til
að fylgjast með mömmu og læra af
henni handtökin, og þegar tæki­
færi gafst stalst ég í málningar­
dótið hennar, hælaskóna og ekki
síst hárkollur og hárlengingar. Það
fannst mér rosalega spennandi og
í mínum huga leit ég út alveg eins
og Barbí,“ segir Anna Mist, sem
fæddist í borginni Omsk í Síberíu
í Rússlandi árið 1995. Hún flutti
með móður sinni til Íslands þegar
hún var tíu ára.
„Að mínu mati er heilbrigt útlit
og flottur fatastíll mikilvægt, því
útlit manns og ásýnd hefur áhrif á
viðmót fólks við fyrstu kynni. Því
getur útlit og stíll haft jákvæð áhrif
á velgengni og framfærni í lífinu,“
segir Anna Mist.
Hún talar reiprennandi fimm
tungumál, hefur mikinn áhuga á
tísku, líkamsrækt, dansi og heil­
brigðum lífsstíl og er í sambúð
með Halldóri Heiðari Hallssyni
lögmanni, sem Anna Mist segir að
sé sín helsta stoð og stytta, hafa
stutt við bakið á sér í lífsins ólgusjó
og hvatt sig áfram í hvívetna.
Mikilvægt að vera kvenleg
Anna Mist fer helst ekki úr húsi
án þess að hafa sig til. Þannig
líður henni einfaldlega betur og er
sjálfsöruggari.
„Dags daglega er stíllinn minn
látlaus og stílhreinn. Ég reyni að
vera ekki alltaf í svörtu og helst
ekki að blanda saman fleiri en
þremur litum. Á veturna er ég
oftast í buxum, skyrtu og peysu
eða ponsjó, ef það er kalt. Ég verð
þó að viðurkenna að ég fórna oft
hlýleika fyrir útlit,“ segir Anna
Mist og hlær.
Hún er einkar hrifin af hælastíg­
vélum og kápum.
„Ég legg mig fram um að vera
fín og snyrtileg hvert sem ég fer og
mér er mikilvægt að vera kvenleg
til fara. Því vel ég að klæðast
annaðhvort skyrtu eða kápu og
hælum. Skyrtur passa við flest
tilefni; í háskólann, vinnu, á fundi,
út að borða, í myndatökur, veislur,
búðir eða út að skemmta sér. Þegar
ég fer eitthvað fínt vel ég elegant og
heillandi klæðnað sem undirstrik­
ar kvenleika minn, eins og kjól
og háa hæla. Eða eins og mamma
segir alltaf: „Ef ekki í kjól við fínt
tilefni, þá hvenær?“,“ segir Anna
Mist sem klæðist rauðu þegar hún
vill stela senunni.
„Rauður kjóll dregur að sér
mikla athygli, sem og fallegir
hælaskór. Flíkur sem sýna kven­
legar útlínur líkamans vekja líka
athygli, en svo fer það eftir tilefni
og skapi hvernig ég klæði mig. Ég
vil að stíllinn minn endurspegli
heillandi útlit, sjálfstraust, sjálf­
stæða konu, vald, sterka sjálfs­
mynd og auðvitað kvenlegan
yndisþokka. Stíll segir oft mikið
til um persónuleikann, hann
getur haft áhrif á viðhorf fólks og
hvernig það tekur á móti þér.“
Mamma gaf tískuvitið
Móðir Önnu Mistar, Svetlana
Ponkratova, er og verður hennar
helsta tískufyrirmynd.
„Þegar ég var barn klæddi
mamma mig alltaf í kjól og háa
sokka, gerði á mig hárgreiðslur
á hverjum einasta degi og alltaf
með slaufu. Í dag erum við eins og
vinkonur, hún segir mér frá öllum
nýjum fötum sem hún kaupir
og gefur mér enn í dag ráð sem
tengjast tísku og útliti. Ég spyr því
mömmu alltaf álits þegar kemur
að fötum,“ segir Anna Mist og
lætur hugann reika að fyrstu tísku­
minningunni.
„Þegar ég var lítil var mamma
Glæsileg í kvenlegum, gráköflóttum kjól úr kasmírull og með svart Gucci-leðurbelti í mittið. FRÉTTABLAÐIÐ/ANTON
Í svörtum gallabuxum, ullarpeysunni Byl frá 66°N, með svarta tösku frá
Ralph Lauren og í brúnni kápu frá ítalska hönnuðinum Roberto Cavalli.
Anna Mist í svörtum gallabuxum og
hlébarðaskyrtu úr Gallery 17.
Þórdís Lilja
Gunnarsdóttir
thordisg@frettabladid.is
Í dálæti hjá Önnu Mist
Kjóll, pils eða buxur?
Kjóll
Blúnda eða leður?
Leður.
Gull eða silfur?
Gull, alltaf gull.
Doppur eða köflótt?
Köflótt í Burberry-stíl.
Háir hælar eða flatbotna skór?
Háir hælar, auðvitað.
Þröngt eða vítt snið?
Þröngt til að sýna línurnar.
Náttkjóll eða náttföt?
Náttföt sem samanstanda af
hlýrabol og stuttbuxum.
Hlébarða- eða sebrahesta-
mynstur?
Hlébarði.
Gloss eða maskari?
Ég vel maskara umfram gloss
því mér þykir náttúrulegur litur
vara minna flottur.
Framhald af forsíðu ➛
áskrifandi að tískublaði sem kom
til okkar í pósti. Ég var alltaf fyrst
til að opna pakkann og skoða. Ég
var forvitin um tískuna og fannst
blaðið mjög spennandi.“
Hennar eigið besta tískuráð til
kvenna er að vera ófeimnar við að
klæðast kjólum oftar en þó fyrst og
fremst að vera þær sjálfar.
Sjálf fylgir hún tískudrósunum
Mínu Fanney, Valeriu, Evu, Man­
úelu og Sunnevu á samfélags­
miðlum.
„En ef það ætti að banna eina
flík í tískuheiminum væru það
smekkbuxur,“ segir Anna Mist og
skellihlær. Síðast keypti hún sér
fallegan, melónubleikan kjól á
netinu.
„Hann nær upp að hálsi og niður
á hné en er samt þröngur og sýnir
vel vöxtinn. Svo eru eyrnalokkar
ómissandi skart við hvers kyns
fatnað því þeir liggja upp við and­
litið og geta breytt útlitinu mikið.“
Það dýrasta í fataskáp Önnu
Mistar eru pelskápur og 66°N­
úlpa.
„Alla pelsa og leður kaupi ég
í útlöndum. Ég lærði það líka af
mömmu og hennar reynslu úr
vetrarkuldum Síberíu að kaupa
alltaf ekta og frekar aðeins dýrari
pelsa því þeir eru hlýrri en gervi­
pelsar sem halda engum hita.“
Vill sjá tískuna árið 2050
Anna Mist er með nokkur lítil
húðflúr og eitt ívið stærra.
„Öll eru þau á ósýnilegum
stöðum og því get ég auðveldlega
valið lítinn kjól sem hylur öll húð­
flúrin ef með þarf. Ég sé ekki eftir
neinu þeirra enda fékk ég þau öll
eftir tvítugt.“
Í snyrtibuddunni er jafnan allt
sem Anna Mist þarf á að halda;
kinnalitur, sólarpúður, „high­
lighter“, varalitur og „setting
spray“.
„Af ilmvötnum nota ég aðal­
lega Chanel Gabrielle og Burberry
London. Ég elska sterka ilmi sem
endast lengi; angan sem er fersk og
pínu sæt,“ upplýsir Anna Mist.
Mætti hún bjóða einni frægri
skvísu með sér í búðaráp yrði
það Kim Kardashian eða Rebecca
Marie Gomez.
„Mér finnst Kim, Rebecca Marie,
sem er stundum köllum Becky
G, og Robyn Rihanna vera með
best klæddu stjörnum heims en af
körlunum er það Anthony Santos,
kallaður Romeo Santos.“
Hún segist óska þess að Insta­
gram og Facebook hefðu orðið til
aðeins fyrr. „Þaðan fæst svo mikill
fróðleikur um tísku og útlit í dag.
Þegar ég var unglingur vissi ég ekki
helminginn af því sem unglingar
vita um tísku og útlit í dag. Ég er
forvitin um hvernig tískan þróast í
framtíðinni og myndi eflaust stilla
tímavél á áratuginn 2040 til 2050
til að geta skyggnst inn í tískuheim
framtíðarinnar.“
Keppnis- og ævintýrakona
Fram undan eru spennandi tímar
hjá Önnu Mist.
„Á undanförnum misserum hef
ég keppt í fitness­keppnum hér
heima og ytra en þar sem langt er
í næstu fitness­keppni ákvað ég
að prófa nýja áskorun sem er Miss
Universe Iceland keppnin sem fer
fram í Hljómahöllinni 29. maí.
Það á örugglega vel við mig. Ég
hef alltaf verið upptekin af tísku
og útliti, lauk námi í naglaskóla,
Fashion Academy­skólanum, nám­
skeiðum hjá Make Up School og
hef mikinn áhuga á myndatökum,“
segir Anna Mist, sem stundar
einnig nám í ferðamálafræði við
Háskóla Íslands og mætir í ræktina
hvern dag til að undirbúa sig fyrir
næsta fitness­stórmót sem haldið
verður í Bandaríkjunum í haust.
„Ég er orkumikil og ævintýra­
gjörn og finnst gaman að vera
félagslega virk og taka þátt í sem
flestu.“
2 KYNNINGARBLAÐ FÓLK 1 9 . M A R S 2 0 2 0 F I M MT U DAG U R