Feykir - 08.02.2017, Qupperneq 1

06
TBL
8. febrúar 2017
37. árgangur : Stofnað 1981
Frétta- og dægurmálablað
á Norðurlandi vestra
„
BLS. 6–7
BLS. 9
Oddný Árdal er með
ýmislegt á prjónunum
Handgerðar
jólagjafir
BLS. 10
Feykir spjallar við Rúnar
og Sesselju, skeifnasmiði á
Skagaströnd
Smíða Helluskeifur
af miklum móð
Vörumiðlun er
Framúrskarandi fyrirtæki
Vöruflutningar eru
grundvöllur búsetu
á landsbyggðinni
BÍLAVERKSTÆÐI
Hesteyri 2 550 Sauðárkrókur Sími 455 4570
Við þjónustum bílinn þinn!
Alhliða bílaviðgerðir fyrir fólksbíla,
vörubíla og dráttarvélar. Réttingar og sprautun.
Á mánudaginn færðu þau Selma Hjörvarsdóttir og Tómas
Árdal björgunarsveitinni Skagfirðingasveit á Sauðárkróki
veglegan styrk. Tilefnið var að tíu ár eru liðin frá því að þau
hófu rekstur í ferðaþjónustu. Þrír fulltrúar sveitarinnar veittu
styrknum viðtöku og sögðu hann koma sér afar vel í starfi
sveitarinnar.
Þau Selma og Tómas reka tvö fyrirtæki á Sauðárkróki,
annars vegar er það Spíra ehf. sem rekur Arctic Hotels, en
undir því eru gististaðirnir Hótel Mikligarður, gistiheimilið
Mikligarður og Hótel Tindastól. Hins vegar Stá ehf., sem
rekur veitingastaðina Ólafshús, Kaffi Krók og skemmti-
staðinn Mælifell. Þau segja að sú hugmynd hafi kviknað að
fagna tíu árunum með því að láta Skagfirðingasveit njóta
góðs af.
Því var ákveðið að öll sala á Kaffi Krók eftir klukkan 17
sl. fimmtudag rynni óskipt til Skagfirðingasveitar. Kokkarn-
ir á staðnum töfruðu fram glæsilegt hlaðborð, auk þess sem
hefðbundinn matseðill var í boði. /KSE
Selma og Tómas fagna 10 árum í rekstri
Færðu Skagfirðingasveit
styrk í tilefni afmælisins
Tvær bifreiðar skullu saman á mótum
Skagfirðingabrautar og Ártorgs sl.
föstudag. Skemmdust bílarnir nokkuð
og var annar þeirra fjarlægður með
kranabíl.
Ökumaður og farþegi annars bílsins
voru fluttir til skoðunar á sjúkrahús en
ekki fengust nánari upplýsingar um
líðan þeirra.
Samkvæmt lögreglunni á Sauðár-
króki fór skemmtanahald vel fram um
helgina í Skagafirði en áætla má að vel á
annað þúsund manns hafi verið á þorra-
blótum á Sauðárkróki þar sem Króksblót
fór fram, Hofsósi en þar skemmtu sveit-
ungar fyrrum Hóla- og Viðvíkurhrepps
sér og svo í Varmahlíð þar sem hinn
forni Seyluhreppur hélt sitt blót. /PF
Lögreglan á Norðurlandi vestra
Harður árekstur á Sauðárkróki
BORGARTEIGI 5 550 SAUÐÁRKRÓKUR & 571 5455 / 899 5227 / 691 6227
Smurþjónusta – Dekkjaþjónusta – Bremsuviðgerðir
Pústviðgerðir – Almenn bifreiðaþjónusta
Selma og Tómas afhentu fulltrúum Skagfirðingasveitar, Baldri Inga Baldurssyni, Steinunni Valdísi Jónsdóttur og Brynjari Loga Steinunnarsyni, styrk til
sveitarinnar. MYND: KSE
Frá slysstað sl. föstudag.
MYND: ÞURÍÐUR HARPA