Feykir - 22.03.2017, Blaðsíða 6
Krækjur tryggðu sér
deildarmeistaratitil í blaki
í 5. deild um helgina en
mótið fór fram í Ásgarði
í Garðabæ. Allir leikir
helgarinnar unnust hjá
Krækjunum og enduðu
þær með 41 stig í
heildina af 42 mögulegum
í vetur og leika því í 4.
deild á næsta tíabili.
Á laugardag léku Krækjur þrjá leiki. Fyrsti leikur var gegn
Aftureldingu E og vannst hann 25-16 og 25-9. Annan leik gegn
HK D unnu Krækjur 19-25 og 14-25 sem og gegn Haukum 13-25
og 19-25. Á sunnudeginum var leikið gegn Hamri B og vannst sá
leikur 25-14 og 25-17. /PF
Árið 2008 flutti ég frá
náttúruperlunni Skagafirði
til menningarbæjarins
Árósa í Danmörku. Á þeim
tíma þráði ég að kynnast
bæjarlífinu, menningunni,
læra reiprennandi dönsku og
leggja stund á læknisfræði
við Háskólann í Árósum.
Óskir mínar voru ekki lengi
að uppfyllast og háskólaárin
voru alveg frábær tími.
Hugurinn leitaði aftur á móti
oft í Skagafjörðinn og gerir
það enn. Enda eru aðal
áhugamálin enn þau sömu
og árið 2008; fjallganga og
skíðasport. Og já, já, auðvitað
þurfti ég að velja Danmörku,
þar sem hæsta fjallið er fjórfalt
minna en Molduxi.
Skíðasvæði Tindastóls er
það skíðasvæði sem hefur
verið oftast opið í vetur á öllu
landinu. Skíðaiðkun skipaði
stóran sess á uppvaxtarárum
mínum í Skagafirði. Man ég
vel eftir gamla skíðasvæðinu.
Diskalyftan þar sem vírinn
var annaðhvort vel grafinn
undir snjó eða lengst upp
í lofti. Maður var því ýmist
kengboginn eða hékk eins og
þvottur til þerris á vírunum.
Þar lærði ég að skíða, tók
lyftuna upp á topp og brunaði
niður. Í byrjun treysti ég á
að pabbi myndi grípa mig
þegar ég kæmi niður, enda
ekki búin að læra að stoppa.
Eftir góðan skíðadag var
ekkert betra en heitt kakó
og skúffukaka með rjóma í
skálanum. Í minningunni stóð
gamla skíðasvæðið alltaf fyrir
sínu. Vegna snjóleysis fór
opnunardögum fækkandi,
þá var oft lagt í ferðir lengra
upp í fjall með troðara eða
snjósleðum. Meðal annars á
svæðið þar sem skíðasvæðið
er núna. Þessar ferðir voru
ævintýralegar og þegar nýja
skíðasvæðið var opnað var
draumurinn loksins orðinn að
veruleika. Glæný lyfta, löng
brekka með miklum bratta
efst og aflíðandi breiðum
flata í lokin. Á svæðinu
eru endalausir möguleikar
og er það upplagt bæði
fyrir byrjendur og lengra
komna, hvort sem fólk er
á svigskíðum, Telemark,
snjóbretti eða gönguskíðum.
Uppbyggingin heldur hægt og
rólega áfram á skíðasvæðinu.
Á síðustu árum er búið að
byggja skemmuna, koma
barnatöfrateppinu upp og
nýlega er búið að leggja
slitlag á veginn uppeftir. Það
verður gaman að fylgjast með
skíðasvæðinu í framtíðinni og
er tilhlökkunin alltaf jafn mikil,
ár hvert, að komast í fjallið.
- - - - - -
Sara Björk skorar á Ingu
Birnu Friðjónsdóttur að
skrifa næsta pistil
Sara Björk Sigurgísladóttir brottfluttur Skagfirðingur
Minningar frá skíðasvæðinu
ÁSKORENDAPENNINN
UMSJÓN palli@feykir.is
ÍÞRÓTTAFRÉTTIR Fleiri íþróttafréttir á Feykir.isF
Stefán Vele-
mir hreppti
titilinn
Íþróttamaður USAH
Hundraðasta ársþing USAH
var haldið fyrir skömmu á
Húnavöllum. Var það vel
sótt en auk þingfulltrúa voru
mættir gestir frá UMFÍ og
ÍSÍ auk annarra gesta. Gekk
þingið vel fyrir sig að vanda.
Á þinginu var tilkynnt
um val sambandsins á
Íþróttamanni ársins 2016 og
varð Stefán Velemir, Umf.
Fram á Skagaströnd, fyrir
valinu. Stefán er kúluvarpari
sem m.a. þríbætti Íslands-
met U23 í kúluvarpi innan-
húss á árinu og komst í 5.
sæti Íslendinga í kúluvarpi
innanhúss. Þá er Stefán
farinn að nálgast topp 100 á
heimslista í karlaflokki í
kúluvarpi innhúss. Þá voru
einnig afhent Hvatningar-
verðlaun USAH en þau
hlaut knattspyrnudeild
Hvatar. /FE
Sigursælar Krækjur. MYND: VALA HRÖNN
Ársþing UMSS
Arnrún Halla nýr formaður
Á ársþingi UMSS sem haldið
var í Ljósheimum í Skagafirði
á dögunum var Arn-
rún Halla Arnórs-
dóttir kjörin nýr
formaður sambands-
ins. Tekur hún við
af Þórhildi Sylvíu
Magnúsdóttur.
Á þinginu veitti
Viðar Sigurjónsson,
starfsmaður ÍSÍ,
knattspyrnudeild Tindastóls
viðurkenningu fyrir Fyrir-
myndarfélag ÍSÍ en knatt-
spyrnudeildin hlaut hana fyrst
árið 2012. Núna var viðurkenn-
ingin endurnýjuð og staðfest
áfram.
Haukur Valtýsson, formað-
ur UMFÍ, sæmdi þrjá ein-
staklinga starfsmerki UMFÍ en
það voru þau Frið-
björg Vilhjálmsdóttir,
Ingimar Ingimarsson
og Símon Gestsson,
sem öll hafa starfað
innan hestamannafél-
aganna þriggja í
Skagafirði og eru nú
undir sameiginlegu
merki Skagfirðings.
Símon Gestsson gat því miður
ekki tekið á móti viðurkenningu
sinni.
Aðrir í stjórn UMSS eru:
Gunnar Þór Gestsson, Sígríður
Fjóla Viktorsdóttir, Þorvaldur
Gröndal og Þórunn Eyjólfs-
dóttir meðstjórnandi. /PF
Mynd af Facebook-síðu Stefáns.
Blak
Krækjur deildarmeistarar
Úrslitakeppnin í körfunni :: Tindastóll–Keflavík
Keflvíkingar komnir
með góða stöðu
Úrslitakeppni Dominos-
deildarinnar hófst í síðustu
viku og þegar þetta er
skrifað hefur lið Tindastóls
spilað tvo leiki í rimmu sinni
við Keflvíkinga og tapað
báðum.
Tindastóll - Keflavík 102-110
Fyrst mættust liðin í Síkinu
og var um hörkuleik að ræða.
Keflvíkingar höfðu frum-
kvæðið framan af leik og voru
yfir, 36-42, í leikhléi. Stólarnir
sýndu góðan leik og geggjaða
baráttu í þriðja leikhluta og
voru yfir, 59-56, þegar fjórði
leikhluti hófst. Þá náðu
gestirnir tíu stiga forystu en
enn og aftur komust Stólarnir
inn í leikinn og Pétur jafnaði
af vítalínunni þegar 17
sekúndur voru eftir. Stólarnir
unnu síðan boltann og Pétur
var hársbreidd frá því að
tryggja Stólunum sigurinn.
Því var framlengt og jafnt var
enn að lokinni fyrstu fram-
lengingu en Stólarnir urðu
fyrir blóðtöku í byrjun ann-
arar framlengingar þegar
Hester fékk sína fimmtu villu
og Keflvíkingar kláruðu
dæmið.
Keflavík - Tindastóll 86-80
Liðin mættust öðru sinni í
Keflavík sl. sunnudag. Kefl-
víkingar náðu yfirhöndinni í
öðrum leikhluta, komust 15
stigum yfir en Stólarnir
minnkuð bilið fyrir hlé,
staðan 45-38. Keflvíkingar
létu forystuna ekki af hendi í
síðari hálfleik en Stólarnir
náðu að minnka í eitt stig í
þriðja leikhluta og svo í tvö
stig þegar 40 sekúndur voru
til leiksloka. Það dugði ekki.
Þriðji leikur liðanna er í
kvöld, í Síkinu, og verða Stól-
arnir að sigra. Ef það hefst
ekki þá eru Tindastólsmenn
komnir í sumarfrí. /ÓAB
Grettismenn vel stemmdir í Síkinu. MYND: ÓAB
6 12/2017