Feykir - 14.06.2017, Blaðsíða 2
Á ferðum mínum eftir trampólíni Skagafjarðar ber
ýmislegt fyrir augun. Kannski ná ekki allir að átta sig á
hvað við er átt þegar talað eru um trampólín en þá á ég við
þjóðveginn sem ég hossast og hendist eftir á hverjum
morgni, nývöknuð og varla búin að ná mér niður eftir
kapphlaupið við stóra vísinn á klukkunni.
Hann er þeirri ónáttúru
gæddur að hleypa alltaf á stökk
um það bil sem ég hef lokið við
að nudda stírurnar úr augunum
og áður en blóðið er farið að
renna á vökuhraðanum um
æðarnar. Ég þarf að vísu að
hristast aftur heim á Hofsós
seinni partinn en þá er stóri
vísirinn búinn að ná sér niður
og lullar bara fetið.
En þar sem ég hoppa þetta og
skoppa næ ég nú samt sem áður
að festa augu á ýmsu sem fyrir augun ber. Ég hef til dæmis
mjög gaman af því að kíkja á fuglalífið sem er nokkuð
fjölbreytilegt, sérstaklega við Héraðsvötnin. Þar hafa meðal
annarra álftahjón búsetu og við bíðum spennt eftir ungum
úr eggjunum sem þar er legið á.
En það eru fleiri fuglar á ferð en þeir fleygu. Allmargir
furðufuglar láta fyrir berast á hinum ólíklegustu stöðum
kringum þjóðveginn. Það virðist vera nokkuð sama hvar er
slóði, þeim finnst bara ekkert athugavert við að planta sér
þar og taka sér gistingu. Honum Jóni ferjumanni ætti til
dæmis alls ekki að leiðast, enda er hann með heilt plan í
kringum sig, ég held bara að hann hafi selskap flestar nætur.
Ég hef bara mestar áhyggjur af að hann eigi óhægt um vik
með að þrífa hjá sér klósettin, blessaður.
Fríða Eyjólfsdóttir, blaðamaður
LEIÐARI
Það sem fyrir augun ber
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Heildarafli vikunnar á Norðurlandi vestra í síðustu viku var 323.040 kg sem skiptist þannig
á hafnir: Á Skagaströnd var landað tæpum 63 tonnum úr 22 bátum, á Sauðárkróki bárust
rúmlega 256 tonn á land af ellefu skipum og bátum og tveir bátar lönduðu fjórum tonnum á
Hofsósi. Engu var landað á Hvammstanga. /FE
Aflatölur 4. júní – 10. júní 2017 á Norðurlandi vestra
22 bátar lönduðu á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Víðir EA 423 Handfæri 339
Alls á Skagaströnd 62.801
SAUÐÁRKRÓKUR
Badda SK 113 Grásleppunet 380
Gammur II SK 120 Grásleppunet 575
Hafey SK 10 Handfæri 261
Klakkur SK 5 Botnvarpa 118.288
Kristín SK 77 Handfæri 134
Maró SK 33 Handfæri 791
Már SK 90 Handfæri 715
Málmey SK 1 Botnvarpa 134.181
Steini G SK 14 Grásleppunet 244
Tara SK 25 Handfæri 154
Vinur SK 22 Handfæri 438
Alls á Sauðárkróki 256.161
HOFSÓS
Ásmundur SK 123 Landbeitt lína 1.260
Hóley SK 132 Grásleppunet 2.818
Alls á Hofsósi 4.078
SKAGASTRÖND
Auður HU 94 Handfæri 1.348
Beggi á Varmalæk HU 219 Handfæri 714
Blíðfari HU 52 Handfæri 1.183
Bogga í Vík HU 6 Handfæri 2.220
Dagrún HU 121 Grásleppunet 1.130
Dísa HU 91 Handfæri 1.061
Geiri HU 69 Handfæri 949
Guðbjörg GK 666 Lína 16.345
Guðrún Ragna HU 162 Handfæri 687
Hafdís HU 85 Handfæri 1.657
Húni HU 62 Handfæri 739
Jenný HU 40 Handfæri 1.656
Kambur HU 24 Handfæri 1.505
Katrín GK 266 Línutrekt 1.882
Lukka EA 777 Handfæri 633
Maggi Jóns HU 70 Handfæri 1.472
Már HU 545 Handfæri 336
Ólafur Magnússon HU 54 Grásleppunet 3.285
Óli á Stað GK 99 Lína 21.027
Svalur HU 124 Handfæri 1.239
Sæunn HU 30 Handfæri 1.394
Vel heppnaður íbúafundur á Borðeyri
Sótt um að Borðeyri verði skilgreint sem verndarsvæði í byggð
Þann 1. júní sl. var haldinn
íbúafundur á Borðeyri þar sem
kynntur var undirbúningur
Húnaþings vestra að umsókn
um að gamli þorpskjarninn á
Borðeyri yrði skilgreindur sem
verndarsvæði í byggð.
Í upphafi fluttu Guðný
Hrund Karlsdóttir, sveitarstjóri
Húnaþings vestra, og Vilhelm
Vilhelmsson, doktor í sagn-
fræði, kynningu á verkefninu.
Að því loknu svaraði Vilhelm
fyrirspurnum ásamt Sólveigu
Huldu Benjamínsdóttur, for-
stöðumanni safna í Húnaþingi
vestra en hún á veg og vanda
að umsókninni. Kom þar fram
að yrði Borðeyri skilgreind
sem verndarsvæði í byggð
mætti líta á það sem opinbera
Fjölnet
Breyting á eignarhaldi
Þann 1. apríl sl. keyptu
félagarnir Pétur Ingi Björns-
son og Sigurður Pálsson
tölvufyrirtækið Fjölnet af
Tengli, sem er dótturfélag
Kaupfélags Skagfirðinga,
tæki og viðskiptavild.
Fyrirtækið er með starfsemi á
Sauðárkróki og í Reykjavík
þar sem Sigurður er búsettur.
Að sögn þeirra félaga verð-
ur starfsemin óbreytt, sem er
hýsing og rekstur tölvukerfa
ásamt internetþjónustu. Auk
þess stendur viðskiptavinum til
boða að kaupa GSM- og
heimasímaáskriftir, sem er
nýjung. Starfsmenn eru sex
talsins, fjórir á Sauðárkróki og
tveir í Reykjavík.
„Fjölnetið er eitt elsta inter-
net- og hýsingarfyrirtæki
landsins, stofnað árið 1999.
Pétur byrjaði hjá Fjölneti árið
2006, Sigurður kom inn þegar
við opnuðum í Reykjavík fyrir
rúmum tveimur árum síðan en
hýsingarsalurinn er á Krókn-
um,“ segja Pétur og Sigurður og
benda á að Fjölnet gefi sig út
fyrir að vera með persónulegri
þjónustu við viðskiptavini um-
fram allt. /PF
viðurkenningu á merkilegri
sögu staðarins og hefði þýð-
ingu fyrir menningarsögu
landsins í heild. Verkefnið á
við gömlu húsin niðri á eyrinni
en ekki húsin úti á grundinni
og uppi á hæðinni. Þarna
standa elstu húsin sem þegar
eru friðuð, s.s. Riishús eða
orðin eða að verða umsagnar-
skyld hús, það er byggð 1925
eða eldri. Fornleifaskráning
fyrir staðinn er nú þegar til en
gera þarf húsaskráningu og fá
eins áreiðanlegar heimildir og
hægt er um hvert hús. Eftir
það verður gert varðveislumat.
Fari svo að umsóknin verði
samþykkt er ekki leyfilegt að
rýra varðveislugildi verndar-
svæðisins sem leggur óneitan-
lega kvaðir á húseigendur á
svæðinu en á móti kemur að sá
möguleiki opnast að sækja í
opinbera sjóði um styrki til
viðhalds og endurbóta á hús-
unum. Verndarsvæði fá lógó
sem notuð eru til að vísa á
staðinn og kallar viðurkenn-
ingin á aukna athygli ferða-
manna.
Á fundinn mættu um 20
manns. Fundargestir voru al-
mennt áhugasamir um verk-
efnið og var fjölmörgum
spurningum beint til kynning-
araðila. Annar íbúafundur er
fyrirhugaður með haustinu þar
sem Vilhelm mun kynna vinnu
sína. /FE
Voicestjarna, varðeldur og
vegleg barnadagskrá
Jónsmessuhátíð á Hofsósi
Jónsmessuhátíðin á Hofsósi
verður haldin nú um helgina og
stendur mikið til. Dagskráin
hefst með Jónsmessugöngu en
að þessu sinni verður gengið
frá Stafnshóli um Axlarveg
niður á þjóðveginn við Miðhús.
Á dagskrá eru margir fastir
liðir. Má þar nefna hina
sívinsælu kjötsúpu sem félagar
í Félagi eldri borgara á Hofsósi
framreiða af alkunnri snilld og
kvöldvakan er á sínum stað á
föstudagskvöldi þar sem
Voicestjarnan Hrafnhildur Ýr
Víglundsdóttir er meðal gesta.
Á eftir leika Þórunn og Halli
fyrir dansi.
Á laugardag verður mynda-
sýning, knattspyrnumót,
dráttarvélaakstur, grillveisla
og tjaldmarkaður svo eitthvað
sé nefnt ásamt metnaðarfullri
dagskrá fyrir börnin. Einnig
ætla nokkrir gestrisnir íbúar
að bjóða heim í morgunkaffi
og á laugardagskvöld verður
nú varðeldur og brekkusöngur
í Kvosinni þar sem Raggi og
Rúnar Páll munda gítarana.
Hljómsveit kvöldsins sér svo
um að setja lokapunktinn á
hátíðina á laugardagskvöldið
með stórdansleik í Höfðaborg.
Þetta er í 15. sinn sem
Jónsmessuhátíðin er haldin á
Hofsósi. Hefur hún jafnan ver-
ið vel sótt og lukkast vel. /FE
2 23/2017