Feykir - 14.06.2017, Blaðsíða 4

2. deild : Fyrsti sigur Stólanna
Ragnar Þór með þrennu
Tindastólsmenn gerðu góða
ferð á Egilsstaði sl. laugardag
þar sem þeir mættu liði
Hattar í sjöttu umferð 2.
deildar. Stólarnir höfðu enn
ekki unnið leik í deildinni,
reyndar verið fjári óheppnir,
en lið Hattar hafði unnið einn
leik, gert þrjú jafntefli og
tapað einum áður en
Stólarnir komu í heimsókn.
Gestirnir gerðu sér lítið fyrir
og stungu af með öll stigin en
Ragnar Þór Gunnarsson gerði
öll mörk Tindastóls í 1-3 sigri.
Lið Tindastóls hafði gert
jafntefli í fyrstu tveimur
leikjum sínum í deildinni en
tapaði síðan þremur í röð, þar
af tveimur á lokamínútum
leikjanna. Það var því kominn
tími til að boltinn skoppaði
fyrir okkar menn. Leikurinn
fór þó ekki vel af stað fyrir
Króksarana því Petar Mudresa
kom heimamönnum yfir á 10.
mínútu. Ragnar Þór jafnaði
síðan metin í uppbótartíma
fyrri hálfleiks og liðin því með
sitt markið hvort í hálfleik.
Tindastólsmenn komust
síðan yfir á 81. mínútu leiksins
og Ragnar bætti við þriðja
marki sínu sex mínútum síðar
og grjótharður 1-3 sigur þar
með staðreynd.
Mikilvægur sigur og Stól-
arnir klóruðu sig úr fallsæti.
Næst mæta strákarnir liði
Vestra frá Ísafirði sem er í öðru
sæti deildarinnar og hafa á að
skipa sterkum hópi. Leikurinn
fer fram á Króknum á sjálfan
þjóðhátíðardaginn og hefst kl.
14:00. /ÓAB
4. deild karla D riðill
Feðgar í baráttunni
Strákarnir í Drangey heim-
sóttu Mídas á Víkingsvöll sl.
sunnudag en þurftu að láta í
minni pokann þar sem
Mídaspiltar skoruðu þrjú
mörk gegn einu okkar
manna.
Óskar Þór Jónsson kom
heimamönnum yfir strax á 2.
mínútu og tveimur mínútu
síðar jók Sigurjón Björn
Grétarsson muninn í 2-0. Það
var ekki fyrr en í uppbótar-
tíma fyrri hálfleiks sem Ágúst
Friðjónsson setti mark fyrir
Drangey en þrátt fyrir ágætan
leik komust Drangeyingar
ekki nær. Það voru hins vegar
Mídasmenn sem juku mun-
inn enn frekar þegar Þór
Steinar Ólafsson skoraði á 4.
mínútu uppbótartíma leiksins
og lokatölur 3-1.
Það er ekki á hverjum degi
sem feðgar spila saman í liði í
Íslandsmóti en það gerðu þeir
Jóhann Daði og Gísli Sig-
urðsson hinn margreyndi
markvörður Stólanna á síð-
ustu öld. Samkvæmt skráðu
leikjaferli KSÍ lék Gísli síðast
fyrir Tindastól í 1. deild gegn
Þór þann 24.08.2001 en það ár
spilaði hann fjóra leiki.
Að sögn Jóhanns Daða
stóð pabbi gamli sig vel í
leiknum enda var hann með
nokkrar góðar markvörslur.
En hvernig skyldi það vera að
leika með pabba sínum? „Það
er bara ótrúlega gaman.
Gaman að sjá svipinn á leik-
mönnum í Mídas þegar
maður sagði: -Vel gert pabbi!“
Leikurinn var mjög góður,
að mati Jóhanns. „Þeir byrj-
uðu betur en svo tókum við
yfirhöndina í leiknum en
náðum því miður ekki að setja
fleiri mörk þrátt fyrir nokkuð
góð færi til þess.“ /PF
Gísli og Jóhann Daði kátir í leikslok MYND: ÚR EINKASAFNI.
Norðurlandamót unglinga U23
Ísak Óli með silfur
Skagfirðingurinn Ísak Óli
Traustason vann til silfurverð-
launa í tugþraut á Norður-
landamóti unglinga U23 í
fjölþrautum sem fram fór í
Kuortane í Finnlandi um helg-
ina. Fimm íslenskir keppendur
voru þátttakendur í mótinu.
Að loknum fyrri deginum
voru tveir Íslendingar, og
jafnframt Skagfirðingar, í
tveimur efstu sætunum í
tugþraut, þeir Tristan Freyr
Jónsson úr ÍR sem var á
toppnum og Ísak Óli úr UMSS
sem fylgdi fast á eftir honum.
Tristan Freyr þurfti að hætta
keppni en Ísak Óli, sem keppti í
flokki 20-22 ára karla, stóð sig
frábærlega í þrautinni og var
heildarstigafjöldi hans 6.397
stig. Til hamingju með árang-
urinn Ísak Óli. /FE
Ísak Óli með silfrið. MYND: FRÍ
ÍÞRÓTTAFRÉTTIR Fleiri íþróttafréttir á Feykir.isF
Arnar Geir kom, sá og sigraði
Minningarmót um Friðrik J. Friðriksson
Opna minningarmót Friðriks J.
Friðrikssonar læknis á
Sauðárkróki var haldið á
Hlíðarendavelli laugardaginn
10. júní sl. Keppnisfyrirkomu-
lagið var höggleikur með
forgjöf í einum opnum flokki
og komu keppendur víðsvegar
að af landinu.
Á heimasíðu Golfklúbbs
Sauðárkróks segir að keppnin
hafi farið fram í ljómandi
góðu veðri á frábærum
Hlíðarendavelli sem skartaði
sínu fegursta.
Veitt voru verðlaun fyrir
sex efstu sætin og einnig voru
veitt nándarverðlaun fyrir að
vera næst holu á 6/15 holu
eftir upphafshögg og einnig
næst holu á 9/18 í öðru höggi.
Arnar Geir Hjartarson var
sigurvegari dagsins en hann
sigraði í mótinu sjálfu og fór
einnig heim með bæði
nándarverðlaunin.
Þeir sem unnu til
verðlauna voru þessi:
1. Arnar Geir Hjartarson GSS 70
2. Jón Jóhannsson GÓS 71
3. Árný Lilja Árnadóttir GSS 71
4. Hjörtur Geirmundsson GSS 72
5. Sigríður Elín Þórðardóttir GSS 74
6. Bergur Rúnar Björnsson GFB 75
Heildarúrslit mótsins er að
finna á www.golf.is. /PF
Verðlaunahafar mótsins: Sigríður Elín, Árný Lilja, Bergur Rúnar, Jón Jóhannsson,
Arnar Geir og Hjörtur Geirmundsson. MYND: GSS
1. deild kvenna
Tap gegn Þrótti
Stelpurnar í Tindastól þurftu
að sætta sig við enn eitt tapið
í 1. deildinni sl. föstudag er
þær heimsóttu Þrótt Reykjavík.
Fyrsta og eina mark leiksins
kom á 71. mínútu þegar Micha-
ela Mansfield setti boltann í net
Stólanna.
Tindastóll situr á botni
deildarinnar þegar fimm um-
ferðir eru búnar en ætla sér
klárlega að sækja stig á morgun
en þá kemur Víkingur úr
Ólafsvík í heimsókn. Víkingur
er sæti ofar en Tindastóll með
eitt stig. /PF
4. deild karla C riðill
Á toppnum þrátt fyrir tap
Kormákur/Hvöt laut í gervigras í Kórnum sl.
sunnudag er þeir heimsóttu Ými í Kópavoginn.
Það byrjaði þó ágætlega hjá norðanmönnum því
þeir komust yfir eftir að Sigurður Bjarni
Aadnegard skoraði úr víti á 23. mínútu.
Það var Birkir Örn Arnarsson markvörður
Ýmis sem gerði sig sekan um að fella Hlyn Rafn
Rafnsson innan vítateigs. En það var hetja
Ýmismanna, Samúel Arnar Kjartansson sem sá
um að stigin þrjú fóru ekki yfir heiðar með því að
skora tvennu, fyrst á 57. mínútu og svo þeirri
86. Lokatölur 2-1.
Þrátt fyrir tap situr Kormákur/Hvöt á toppi
deildarinnar með 9 stig, jafnmörg og Ýmir og
Léttir. /PF
Hafðu samband!
Hafðu samband í síma 455 7176
eða sendu Feyki póst á feykir@feykir.is
4 23/2017