Feykir - 07.03.2018, Blaðsíða 2

Í þau skipti sem ég hef farið til annarra landa í lengri tíma
en skottúr yfir helgi hafa þrír hlutir verið mér ofarlega í
huga við heimkomuna. Það er að fá almennilegt íslenskt
vatn að drekka, góðan íslenskan fisk að borða og í þriðja
lagi að geta andað að mér tæra og heilnæma íslenska
loftinu. Þetta þrennt, vatnið,
fiskurinn og loftið, er eitthvað
sem alls ekki er sjálfsagt að sé
þokkalegt í öðrum löndum.

Ég verð því að segja að mér brá
í brún í ljósaskiptunum í
fyrrakvöld þegar ég ók leiðina
sunnan úr Keflavík í átt að
höfuðborgarsvæðinu. Ég kleip
mig í handlegginn og nuddaði
augun í von um að mig væri að
dreyma. En því miður var ekki
svo. Yfir öllu lá blátt mengunarský sem teygði sig langt
suður á Vatnsleysuströnd og mengunin var svo mikil að
fljótlega fór ég að finna afleiðingar hennar í vitunum, þó
svo að ég sé, að því er ég best veit, blessunarlega laus við
öndunarfærasjúkdóma. Ekki tók svo betra við í Hvalfjarðar-
göngunum þar sem súrnaði í augum og sveið í nefi, þrátt
fyrir að komið væri fram á kvöld og umferð ekki mikil.
Við Íslendingar verðum að fara að vakna upp og átta
okkur á að við þurfum að gera eitthvað í málunum. Við
getum ekki endalaust haldið áfram að hugsa sem svo að við
séum svo fá að það sem við gerum af okkur skipti engu
máli. Hin margnefndu kolefnisspor eru ekki eitthvert
„húmbúkk“ sem ofstækissinnaðir umhverfisverndarsinnar
hafa fundið upp.
Ég veit að ég er ekki ein um að finnast það öfugsnúið að
flytja þurfi sömu vöruna margar ferðir milli landshluta,
fram og til baka, áður en hún hafnar á borði neytenda. Með
fækkun sláturhúsa er kjötið flutt, lifandi og dautt, langar
leiðir áður en hægt er að bjóða það til sölu. Sama má segja
um fiskinn. Ég veit ekki hvort það gildir enn að bjórinn,
sem framleiddur er á Akureyri, þurfi að flytja suður um
heiðar til Reykjavíkur áður en smásöluverslanir á
Norðurlandi fá hann í hillur sínar.
Er ekki eitthvað öfugsnúið við þetta kerfi? Við flytjum
inn og spreðum olíu til allra þessara flutninga og kvörtum
yfir vondum vegum sem Vegagerðin hefur ekki efni á að
viðhalda. Það er dagljóst að það hlýtur að vera hægt að
draga umtalsvert úr flutningum hér innanlands, bara með
smá skipulagi og hagsýni að leiðarljósi.
Tilgangslaus innflutningur á matvælum sem við Íslend-
ingar framleiðum sjálf og gætum vel framleitt meira af er
svo annað og ekki betra dæmi um það hvað þjóð sem
básúnar á tyllidögum hvað hún sé umhverfisvæn og græn
getur verið ótrúlega ósamkvæm sjálfri sér.
Fríða Eyjólfsdóttir, blaðamaður
LEIÐARI
Á bláu skýi
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Tíu bátar lönduðu á Skagaströnd í síðustu viku
en það eru helmingi fleiri en í vikunni þar á
undan.
Samanlagður afli þeirra var ríflega 63 tonn. Á
Sauðárkróki lönduðu fimm skip og bátar og var
afli þeirra 352,6 tonn. Hvorki var landað á
Hofsósi né á Hvammstanga. Heildarafli síðustu
viku á Norðurlandi vestra var 415.782 kíló. /FE
Aflatölur á Norðurlandi vestra 25. febrúar – 3. mars 2018
Ríflega 350 tonnum landað á Króknum
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Alda HU 112 Lína 2.876
Auður HU 94 Landbeitt lína 5.065
Bergur sterki HU 17 Landbeitt lína 3.922
Dagrún HU 121 Þorskfiskinet 1.139
Hafrún HU 12 Dragnót 751
Katrín GK 266 Landbeitt lína 13.393
Onni HU 36 Dragnót 14.046
Ólafur Magnússon Þorskfiskinet 1.657
Sæfari HU 212 Landbeitt lína 7.282
Særún EA 251 Lína 13.017
Alls á Skagaströnd 63.148
SAUÐÁRKRÓKUR
Drangey SK 2 Botnvarpa 118.068
Fannar SK 11 Landbeitt lína 3.165
Kaldi SK 121 Rauðmaganet 228
Málmey SK 1 Botnvarpa 207.463
Sigurborg SH 12 Rækjuvarpa 23.710
Alls á Sauðárkróki 352.634
Mette og Karl frá Torfunesi sigruðu
Gæðingafimi Meistaradeildar KS
Bændur á Syðri-Hofdölum fengu
Landbúnaðarverðlaunin
Búnaðarþing 2018
Að Hofdalabúinu standa þau
Ingibjörg Aadnegard, Trausti
Kristjánsson, Ingibjörg Klara
Helgadóttir og Atli Már Trausta-
son en bændurnir í Nesi í
Höfðahverfi í Grýtubakkahreppi
eru þau Sigurlaug Sigurðardóttir
og Ari Laxdal.
Til gamans má geta þess að
Sigurlaug Sigurðardóttir er
ættuð úr Skagafirði, frá Brúna-
stöðum í Lýtingsstaðahreppi.
Verðlaunin eru þakklætis –
og virðingarvottur frá land-
búnaðarráðherra til bænda og
íslensks landbúnaðar. Landbún-
aðarverðlaunin hafa verið veitt í
20 ár og alltaf við setningu
Búnaðarþings.
Fjölmörg mál voru á dagskrá
Búnaðarþings, sem lauk í gær,
m.a. um endurskoðun búvöru-
samninga, yfirvofandi innflutn-
ing á hráu kjöti, tollamál búvara,
upprunamerkingar á mat og
eftirlit með þeim, menntun í
landbúnaði, loftslagsmál og
endurheimt votlendis, lífrænan
landbúnað og fleira. /PF
Við setningu Búnaðarþings, í Súlnasal Hótel Sögu sl.
mánudagsmorgun, voru veittar tvær viðurkenningar vegna
Landbúnaðarverðlauna 2018; Hofdalabúið á Syðri-Hofdölum í
Skagafirði og Nes í Höfðahverfi í Grýtubakkahreppi.
Frá afhendingu Landbúnaðarverðlauna 2018. MYND:GUÐRUN LÁRUSDÓTTIR
Fyrsta mót Meistaradeildar
KS var haldið á Sauðárkróki
miðvikudagskvöl í síðustu
viku þar sem keppt var í
gæðingafimi. Í forkeppni
sáust margar ágætar
sýningar og nokkuð
fjölbreyttar útfærslur.

Þær bestu voru mjög góðar og
skemmtilegar áhorfs, segir í
tilkynningu frá Meistaradeild-
inni. „Það er ljóst að ef knapar
koma vel undirbúnir til leiks þá
er þessi keppnisgrein mjög svo
áhorfendavæn. Þar þarf allt að
spila saman, góð útfærsla æf-
inga, góður hestur og síðast en
ekki síst góð tónlist sem hæfir.“
Öll þau sem komust í úrslit
áttu framúrskarandi sýningar.
Úrslitin voru spennandi þar
sem flestir knapar voru að bæta
sig frá forkeppni, en það fór svo
að Mette Mannseth hélt sæti
sínu og sigraði enda vel að því
komin með sinn vel þjálfaða
hest, Karl frá Torfunesi.
Það var svo lið Hrímnis sem
sigraði liðakeppnina.
Í kvöld fer svo fram slak-
taumatölt svo spennan heldur
áfram í reiðhöllinni á Sauðár-
króki. /PF
Mette Mannseth og Karl frá Torfunesi voru efst eftir forkeppni og sigruðu svo í úrslitum
í gæðingafiminni. MYND: MEISTARADEILD KS
2 10/2018