Feykir - 16.05.2018, Blaðsíða 7
X18 AÐSENT : Gunnsteinn Björnsson skrifar
Er skuldahlutfall mikilvæg tala?
Umræður hafa verið í gangi um
skuldir Sveitarfélagsins Skagafjarðar
að undanförnu og hafa þær umræður
snúist um krónutölur skulda en ekki
getu sveitarfélagsins til
að standa undir þessum
skuldum eða tilurð
þeirra. Skuldahlutfall er
einmitt mælikvarði á
getu sveitarfélagsins til
að standa undir skuldum
sínum og það gerir okkar
sveitarfélag mjög vel og
má benda á, því til
staðfestingar, að í skýrslu
Íslandsbanka um fjármál
sveitarfélaganna frá 2017
segir um Sveitarfélagið
Skagafjörð: „Lítil skuldsetning og
rekstur stendur vel undir núverandi
skuldsetningu.“
Það má líka nálgast samanburð skulda
með því að framreikna skuldir sveitar-
félagsins með vísitölu í krónutölu og þá
kemur í ljós að skuldir hafa verið
svipaðar í framreiknaðri krónutölu um
langt skeið en það sem hefur breyst er
geta sveitarfélagsins til að standa undir
sínum skuldum og hvernig
þessar skuldir eru til
komnar.
Það er staðreynd að
tilurð skulda skiptir líka
miklu máli í þessu sam-
hengi en á undanförnum
árum hafa helstu fjár-
festingar sveitarfélagsins
verið í hitaveitufram-
kvæmdum í dreifbýli
Skagafjarðar en veitufram-
kvæmdir hafa langan
afskriftatíma og skila jafn-
framt tekjum til greiðslu skulda.
Það er líka staðreynd að lífeyris-
skuldbindingar sveitarfélagsins voru
árið 2010 705 milljónir en eru núna
1146 miljónir, en þessar skuldbinding-
ar eru áætluð skuldbinding vegna
greiðslu lífeyris starfsmanna sveitar-
félagsins næstu 40 árin, eigi að síður
eru þessar skuldbindingar hluti skulda
á efnahagsreikningi, þær koma þó ekki
að nema litlum hluta til greiðslu árlega.
Skuldahlutfall er því mikilvæg tala
og er okkar stefna á lista Sjálfstæðis-
flokksins í Skagafirði að halda áfram að
styrkja fjárhagsstöðu sveitarfélagsins
og lækka skuldahlutfall.
Gunnsteinn Björnsson
sveitarstjórnarfulltrúi og skipar 3. sætið
á lista Sjálfstæðisflokksins í Skagafirði
Skuldahlutfall Sveitarfélagsins Skagafjarðar
hefur lækkað hratt á líðandi kjörtímabili og er nú 117,1%.
Kiwanisklúbburinn Freyja
Gaf þrjú sjónvörp inn
á Skammtímavistun
Síðastliðinn laugardag
afhenti Kiwanisklúbburinn
Freyja Skammtímavistun
á Grundarstíg 22 á
Sauðárkróki þrjú sjónvörp
ásamt veggfestingum
sem leysa munu af hólmi
gömul túbusjónvörp sem
farin voru að skapa hættu.
Að sögn Oddnýjar Rögnu
Pálmadóttur var ágóði
konukvölds, sem haldið var
fyrr á árinu, notaður í þetta
þarfa verkefni.
Oddný Ragna segir að
stelpurnar í Kiwanisklúbbnum
Freyju hafi verið að leita að
styrktarverkefnum í vetur
þegar þetta verkefni rak á fjörur
þeirra. „Skammtímavistun
vantaði nýja flatskjái inn í her-
bergin en gömlu litlu túbu-
sjónvörpin voru farin að skapa
mikla hættu, hljóðmengun við
tilflutning þeirra í og úr her-
bergjunum á hjólaeiningunni
sem þau stóðu á, plássfrek sem
og löngu úrelt. Fengnar voru
nánari upplýsingar hjá for-
stöðumanni Skammtímavist-
unar, henni Guðrúnu Hönnu,
og þær bornar undir Freyj-
urnar. Loks var ákveðið að slá
til ef safnast myndi nægur
peningur en við erum nýr
klúbbur og því ekki til mikill
peningur,“ segir Oddný og ekki
var um annað að gera en að fara
af stað í fjáröflun. Flottar
Freyjur voru búnar að fá þá
snilldarhugmynd að halda
konukvöld og ákváðu að
tileinka kvöldið þessu verkefni
og auglýstu í takt við það.
„Konukvöldið var haldið á
Mælifelli þann 28. mars
síðastliðinn með pompi og
prakt og er mjög líklegt að þessi
skemmtun sé komin til með að
vera árlega, svo vel tókst til,
aldrei að vita,“ segir Oddný
ákveðin.
Á kvöldinu var haldin
tískusýning í samstarfi við
Skagfirðingabúð, kynningar á
ýmsum vörum sem búnar eru
til í okkar nánasta samfélagi,
happdrætti, Zumba og ball
með Hvanndalsbræðrum. Þá
fengu Freyjur veglega happ-
drættisvinninga hvaðanæva að
og styrkti Blóma-og gjafabúðin
þær um fallega innpökkun á
þeim. Veislustjóri kvöldsins var
Kristín Sigurrós Einarsdóttir.
„Það náðist svo sannarlega
að safna fyrir nýjum flatskjáum
og fyrir ágóða kvöldsins keypti
klúbburinn þrjú smart-sjón-
vörp og arma í þeim stærðum
sem Skammtímavistun óskaði
eftir,“ segir Oddný og afhenti
Kiwanisklúbburinn Freyja
flatskjáina, sem og armana,
síðasta laugardag, þann 12.
maí. Kiwanisklúbburinn Freyja
vonar að gjöfin opni ný tæki-
færi fyrir starfsemi Skamm-
tímavistunar og gestir hennar
njóti heimsóknarinnar enn
frekar og öruggar.
„Við í Kiwanisklúbbnum
Freyju viljum þakka öllum
þeim sem styrktu okkur í hvaða
mynd sem það var þannig að
gerlegt væri að framkvæma
konukvöldið“ segir Oddný
Ragna þakklát. Vill hún minna
á Facebókarsíðu klúbbsins,
Kiwanisklúbburinn Freyja, og
Instagram #kiwanisfreyjur.
Ellefu fjölskyldur
nýta sér þjónustu
Skammtímavistunar
Skammtímavistun á Sauðár-
króki er þjónusta fyrir fjöl-
skyldur fatlaðra barna og ung-
menna á vegum Sveitarfélagsins
Skagafjarðar og þjónustar allt
Norðurland vestra. Starfsemin
hófst árið 1994 og er markmiðið
að létta álagi af fjölskyldum,
veita fötluðum börnum og
ungmennum tilbreytingu og
stuðla með þeim hætti að því
að þeir geti búið sem lengst í
heimahúsum. Vistunin er
ýmist reglubundin eða veitt til
ákveðins tíma og er dvalar-
tíminn breytilegur eftir að-
stæðum hvers og eins. Flestir
nýta sér helgarþjónustu en
aðrir dvelja lengur. Einnig er
boðið upp á neyðarvistun en þá
þjónustu er hægt að sækja um
ef óvænt atvik koma upp í
fjölskyldum. Meðan á dvöl
stendur sinna gestir skamm-
tímavistunar vinnu, skóla eða
hæfingu eftir því sem við á.
Skammtímavistun flutti í
endurgert húsnæði á Grundar-
stíg 22 árið 2001sem tekur mið
af þjónustunni. Gestir koma
víða af Norðurlandi vestra, úr
Húnaþingi vestra, Austur
Húnavatnssýslu og Skagafirði.
Í dag eru það ellefu fjölskyld-
ur sem nýta sér þjónustuna.
Helstu áherslur í innra starfi er
að virkja einstaklinga til að gera
það sem í boði er í samfélag-
inu og fylgja þeim í tómstundir
og virkja félagslega þáttinn.
Skammtímavistun hefur afnot
af bíl sem Kiwanisklúbburinn
Drangey í Skagafirði gaf til
heimila fatlaðs fólks og skamm-
tímavistunar og er hann
notaður til að fara lengri og
styttri ferðir.
UMFJÖLLUN
Páll Friðriksson
Frá afhendingu sjónvarpanna sl. laugardag. F.v. Sigurlaug Lára Ingimundardóttir,
Guðrún Hanna Björnsdóttir, Sigríður Káradóttir, Oddný Ragna Pálmadóttir og
Ragnheiður Ósk Jónsdóttir. MYND:FREYJUR.
19/2018 7