Fréttablaðið - 18.08.2020, Side 6

Við förum nú á fullt
að greiða úr þessum
mistökum og koma mal­
bikinu á réttan stað.
Gísli H.
Halldórsson,
bæjarstjóri
Árborgar
HVÍTA-RÚSSLAND Alexander Lúka­
sjenskó, forseti Hvíta­Rússlands,
segist vera reiðubúinn til að gera
breytingar á stjórnarskrá landsins
sem myndu draga úr völdum hans.
Staða hans fer versnandi en hann
segist ekki ætla að gera breytingar
undir þrýstingi frá mótmælendum.
Mikil ólga hefur verið í landinu
forsetakosningunum þann 9. ágúst,
en forsetinn er sakaður um stórfelld
kosningasvik. Mótmæli gegn forset­
anum undanfarna daga eru talin þau
fjölmennustu frá því að lýðveldið var
endurreist í byrjun 10. áratugarins.
Lúkasjenkó heimsótti í gær ríkis­
rekna verksmiðju en hingað til hefur
hann sótt mikinn stuðning til slíkra
vinnustaða. Verkamenn gerðu hins
vegar hróp að forsetanum og kröfð­
ust þess að hann segði af sér.
Til marks um vaxandi óþol gagn­
vart forsetanum hafa um 300 starfs­
menn ríkisfjölmiðilsins farið í verk­
fall og segjast ekki lengur geta unnið
fyrir áróðursvél hans.
Reuters­fréttastofan segir að
Lúkasjenkó hafi tvisvar rætt við
Vladímír Pútín Rússlandsforseta
um helgina. Rússar eiga hagsmuna
að gæta þar sem olíu­ og gasleiðslur
til Evrópu fara um Hvíta­Rússland.
ESB hefur hótað Lúkasjenkó refsi­
aðgerðum vegna ofbeldis öryggis­
sveita gegn mótmælendum. Reu­
ters greinir frá að ESB hyggist senda
skilaboð til Pútíns um að skipta sér
ekki af framgangi mála en Rússar
hafa sagst tilbúnir að veita hernað­
araðstoð ef Hvíta­Rússland yrði fyrir
utanaðkomandi ógn. – sar
Staða Alexanders Lúkasjenkó veikist
ESB hefur hótað refsi­
aðgerðum vegna ofbeldis
öryggissveita gegn mótmæl­
endum.
Frá fjölmennum mótmælafundi í
höfuðborginni Minsk. MYND/GETTY
1 8 . Á G Ú S T 2 0 2 0 Þ R I Ð J U D A G U R6 F R É T T I R ∙ F R É T T A B L A Ð I Ð
Eftir áralanga þróun og prófanir
höfum við náð markmiði okkar.
Við höfum búið til eina
þróuðustu dýnu heims
Simba tvinndýnan er gerð úr einstakri
samsetningu 2500 keilulaga gorma
og móttækilegs minnissvamps.
Fáðu betri svefn
– sama hvert svefnmynstur þitt er.
Komdu og kynntu þér Simba
í næstu Dormaverslun eða á
www.simba.is
V
A
RA
ÁRSINS 2018
B
R
E T L A N
D
HEILSUDÝNUR
Kjörin heilsudýna ársins á
meðal 10.637 þátttakenda í
neytenda könnun KANTAR
TNS í Bretlandi
SIMBA STÆRÐIR VERÐ
Dýna 80 x 200 cm 79.990
Dýna 90 x 200 cm 89.990
Dýna 90 x 210 cm 94.990
Dýna 100 x 200 cm 94.990
Dýna 120 x 200 cm 104.990
Dýna 140 x 200 cm 114.990
Dýna 160 x 200 cm 134.990
Dýna 180 x 200 cm 149.990
Dýna 180 x 210 cm 159.990
Dýna 200 x 200 cm 169.990
SIMBA
DÝNURNAR
HENTA BÆÐI Í
HEFÐBUNDIN OG
STILLANLEG
RÚM
Afgreiðslutími Rvk
Mánudaga til föstudaga kl. 11–18
Laugardaga kl. 11–17
www.dorma.is
Holtagörðum, Reykjavík
Smáratorgi, Kópavogi
Dalsbraut 1, Akureyri
Skeiði 1, Ísafirði
SUÐURLAND Íbúum á Stokkseyri
brá í brún við að sjá að búið var að
koma fyrir mörgum bílförmum af
malbiksúrgangi frá Selfossi í gryfju
nálægt hesthúsunum í bænum.
Þangað fara íbúarnir gjarnan með
garðaúrgang. Bæjarstjóri segir að
um leið mistök sé að ræða og mal­
biksúrgangurinn verði fjarlægður.
Malbik er spilliefni því í því er
oft umtalsvert af tjöru og olíu.
Vegagerðin mælist til þess að
þessi úrgangur sé endurunninn
að því leyti sem hægt er. Í skýrslu
frá árinu 2019 segir: „Niðurstöður
greiningarinnar eru þær að það er
umhverfisvænast og efnahagslega
besti kosturinn að endurnota mal­
biksúrgang í bundin slitlög. Ef ekki
er hægt að endurnota malbiksúr­
gang í bundið slitlag skal íhuga
möguleika þess sem burðarlag.
Forðast skal að nota malbiksúr­
gang sem landfyllingu, þó er það
vænlegri kostur en að urða hann.“
Björgvin Tómasson, orgelsmiður
og íbúi á Stokkseyri, var í gönguferð
á sunnudag, þegar hann sá malbikið
og blöskraði aðkoman. Segir hann
töluverða umræðu vera í þorpinu
um þessi vinnubrögð og hann
sjálfur óttist um vatnsbólið norðan
við þorpið. „Okkur finnst stundum
hérna niður í þorpunum að þeim á
Selfossi finnist þeir hærra settir en
við og allt í lagi að koma með ruslið
og draslið hingað,“ segir Björgvin.
Vísar hann þar á meðal í auglýs­
ingaherferðina „Selfoss, þar sem
lífið á sér stað“ sem sveitarfélagið
kemur að. Áherslan sé á Selfoss en
ekki Árborg sem heild.
Í hádeginu í gær þegar Björgvin
kom aftur til þess að taka ljósmynd­
ir var maður á jarðýtu að grafa yfir
bikið.
Gísli H. Halldórsson bæjarstjóri
segir engar heimildir hafa verið til
staðar til að fara með úrganginn á
þennan stað og því sé um mistök
að ræða. Hafi Heilbrigðiseftirlitið
þegar haft samband við sviðsstjóra
umhverfis­ og mannvirkjasviðs
vegna þessa. Hvorugur þeirra hafi
hins vegar haft vitneskju um þetta
fyrr.
„Við förum nú á fullt að greiða úr
þessum mistökum og koma mal­
bikinu á réttan stað,“ segir Gísli. Hin
rétta leið sé til dæmis að af henda
Gámafélaginu úrganginn sem
síðan fer í endurvinnslu eða endur­
nýtingu eftir úrvinnslu.
Spurður hvernig svona gerist
segir Gísli að sennilega hafi þeir
sem sáu um framkvæmdina vitað
af þessari gryfju og ákveðið að fara
með efnið þangað. „Það er þá sam­
bandsleysi og eitthvað sem þarf að
leiðrétta til að það gerist ekki aftur,“
segir hann. Tryggt verði að menn
þekki verkferlana í framtíðinni.
kristinnhaukur@frettabladid.is
Losuðu malbiksúrgang
frá Árborg á Stokkseyri
Starfsmenn sveitarfélagsins Árborgar losuðu marga bílfarma af malbiks­
úrgangi frá Selfossi í gryfju við Stokkseyri sem íbúar nota fyrir garðaúrgang.
Bæjarstjóri segir að um leið mistök sé að ræða og verkferlar verði áréttaðir.
Jarðýta var komin á staðinn við Stokkseyri þar sem malbiksúrgangurinn var losaður. MYND/BJÖRGVIN TÓMASSON