Morgunblaðið - 04.03.2020, Page 4

4 MORGUNBLAÐIÐ MIÐVIKUDAGUR 4. MARS 2020FRÉTTIR
Ertu að gera upp gamalt hús
?
VIÐ BYGGJUM Á LANGRI HEFÐ
Líttu við – sjón er sögu ríkari
Eigum úrval af alls kyns járnvöru.
Hurðahúnar, glugga- og hurðalamir,
stormjárn, læsingar, emeleruð skilti,
bátasaumur og spíkerar allar stærðir o.fl.
Laugavegi 29 • sími 552 4320
www.brynja.is • verslun@brynja.is
Opið virka daga frá 9-18 og laugardaga frá 10-16 Stofnað 1919Vefverslun brynja.is
Áfengisgeirinn er spennandi og fjöl-
breytilegur en samkeppnin líka hörð
og margt sem gerir rekstrar-
skilyrðin erfið. Nýjasta útspil Vín-
ness var að lækka verðið á belgíska
verðlaunabjórnum Stella Artois um
31% í tilefni af 31 árs afmæli bjórs-
ins á Íslandi.
Hverjar eru helstu áskoranirnar í
rekstrinum þessi misserin?
Við, eins og væntanlega flest önn-
ur fyrirtæki, finnum fyrir niður-
sveiflu hagkerfisins undanfarna
mánuði, fækkun ferðamanna og
minnkandi eftirspurn Íslendinga.
Þetta er að gerast á sama tíma og
keppinautum hefur fjölgað verulega
en á síðasta ári var ÁTVR í við-
skiptum við 103 fyrirtæki. Þetta er
ótrúlegur fjöldi framleiðenda og inn-
flytjenda á þessum litla markaði og
samkeppnin mikil. Boðað verkfall
BSRB gæti falið í sér miklar áskor-
anir fyrir okkur. Verkfall starfsfólks
Tollstjóra mun hafa lamandi áhrif á
flestan innflutning ásamt því að vín-
búðir ÁTVR verða lokaðar að ein-
hverju leyti.
Hvert væri draumastarfið ef þú
þyrftir að finna þér nýjan starfa?
Alþingismaður. Þetta er kannski
ekki draumastarf allra en ég hef
alltaf haft mikinn áhuga á stjórn-
málum. Þegar ég var yngri hafði ég
mjög gaman af rökræðum við fólk,
ekki endilega til þess að hafa rétt
fyrir mér, heldur bara rökræðnanna
vegna. En almennt þá líður mér vel í
umhverfi sem inniheldur fjölbreytta
flóru fólks og hugmynda. Það getur
vel verið að ég eigi einhvern tímann
eftir að fara í þá baráttu.
Hvaða kosti og galla sérðu við
rekstrarumhverfið?
Umhverfi áfengissölu á Íslandi er
þannig að við erum með ofurtolla,
einkasölurétt ríkisins á smásölu í
gegnum ÁTVR og auglýsingabann.
Þetta fyrirkomulag gerir það að
verkum að samkeppnin er nánast
einungis bundin verðhliðinni. Tollar
á áfengi eru komnir út fyrir öll vel-
sæmismörk, en tollar og gjöld geta
hæglega numið 1.800% ofan á inn-
kaupsverð vöru.
Fyrirtæki á þessum markaði hafa
svo þurft að búa við það að árlega
eru flutt frumvörp á Alþingi sem
miða að því að gerbreyta starfsum-
hverfi fyrirtækjanna. Mikil orka
hefur farið í að meta hvert frumvarp
fyrir sig og skoða hvernig breyt-
ingum fyrirtækið þyrfti að taka til
að geta fótað sig í nýjum raunveru-
leika. Eins og gengur og gerist þá
hafa sum þessara frumvarpa verið
ágæt en önnur slæm.
Boðað frumvarp um netsölu á
áfengi gerir ráð fyrir því að ríkisfyr-
irtækið ÁTVR verði með einkarétt á
áfengissölu á ákveðnum sviðum en
stundi samkeppnisrekstur við
einkaaðila á öðrum sviðum. Þetta
hljómar óþægilega líkt því starfsum-
hverfi sem keppinautar Íslands-
pósts hafa þurft að búa við und-
anfarin ár. Til þess eru vítin að
varast þau og a.m.k. ég hræðist
verulega hvernig samkeppni við rík-
ið muni þróast á næstu árum verði
frumvarpið samþykkt. Afrekaskrá
hins opinbera í samkeppnisrekstri
er hræðileg, svo vægt sé til orða tek-
ið.
Mín skoðun er sú að annaðhvort
höldum við okkur við núverandi fyr-
irkomulag áfengissölu eða göngum
alla leið og gefum þetta frjálst hvort
sem það er í netsölu eða í smá-
vöruverslunum. Á sama tíma væri
nauðsynlegt að afnema bann við
áfengisauglýsingum enda mikilvægt
að geta haft áhrif á kauphegðun
neytenda og auðvitað vöruval smá-
salans.
SVIPMYND Birkir Ívar Guðmundsson, framkvæmdastjóri Vínness
Gæti hugsað sér að gerast alþingismaður
Morgunblaðið/Árni Sæberg
Birkir efast um að boðað frumvarp um netsölu á áfengi sé til bóta.
NÁM: Framhaldsskólinn í Vestmannaeyjum, 1996; Tækniháskóli Ís-
lands, alþjóða markaðsfræði B.Sc, 2001; Háskólinn í Reykjavík,
MBA, 2016.
STÖRF: Fróði hf., markaðsstjóri 2000-2002; Nýsköpunarmiðstöð Ís-
lands, verkefnastjóri 2002-2004; Morgunblaðið, sérfræðingur í
markaðsrannsóknum 2004-2006; TuS N-Lübbecke, atvinnumaður í
handbolta 2006-2008; Byr sparisjóður, sérfræðingur í áhættustýr-
ingu 2008-2011; Íslandsbanki, sérfræðingur í viðskiptabankaþjón-
ustu og greiningum, 2011-2013; Vínnes, framkvæmdastjóri frá 2013.
ÁHUGAMÁL: Ég fylgist ágætlega með íþróttum, þá aðallega enska
boltanum, handbolta og svo golfi sem hefur verið mitt helsta áhuga-
mál síðustu árin.
FJÖLSKYLDUHAGIR: Kvæntur Kristínu Ólafsdóttur og á dæturnar
Sögu Hlíf og Adelu Björt.
HIN HLIÐIN