Morgunblaðið - 04.03.2020, Síða 8

8 MORGUNBLAÐIÐ MIÐVIKUDAGUR 4. MARS 2020VIÐTAL
Þorvaldur Gissurarson, forstjóri
ÞG verk, á verkstað við uppbygg-
ingu Hilton-hótels við Austurvöll.
fær í útboðum. Sú blanda tryggi gott sjóð-
streymi.
Flaggskipið í miðborginni
Ásamt þessum miðbæjarverkefnum byggði
ÞG verk upp Hafnartorg, gegnt fyrirhuguðum
höfuðstöðvum Landsbankans.
Hafnartorgið hefur fengið mikla umfjöllun og
birst hafa margar auglýsingar um verkefnið.
Það hefur því á vissan hátt orðið flaggskip ÞG
verk síðustu ár og um leið einkennandi fyrir
uppsveifluna sem nú er lokið. Það var eitt dýr-
asta íbúðaverkefni í sögu miðborgarinnar.
Reginn á atvinnurými á jarðhæð og kjallara
Hafnartorgs sem hefur mikið til verið leigt út.
Fasteignafélag ÞG verk á skrifstofur á efri hæð-
um tveggja skrifstofuhúsa en jafnframt byggði
félagið 70 íbúðir í fimm fjölbýlishúsum á
Hafnartorgi, við Geirsgötu og Tryggvagötu.
Íbúðirnar komu á markað í ágúst 2018 eða
eftir að umræða um erfiðleika WOW air komst í
hámæli. Íbúðirnar voru markaðssettar sem
lúxusvara og tók verðlagningin mið af því. Rætt
var um að sameina mætti tvær þakíbúðir við
Geirsgötu fyrir hátt í 300 milljónir króna.
Samhliða markaðssetningu ríflega 600 íbúða í
miðborginni varð samdráttur í ferðaþjónustu.
Atvinnuleysi jókst og neytendur urðu svart-
sýnni.
Af þessu tilefni ræddi Þorvaldur um of-
framboð nýrra íbúða í miðborginni, er hann fór
yfir stöðuna í samtali við Morgunblaðið í apríl
2019. Síðan hefur gengið á lager óseldra íbúða
og um síðustu mánaðamót var búið að selja ríf-
lega 360 nýjar íbúðir í miðborginni.
Þar af hefur ÞG verk selt um 40 af 70 íbúðum
á Hafnartorgi og eru þá meðtaldar fjórar þak-
íbúðir við Geirsgötu. Miðað við að óseldar íbúðir
kosta frá 60 milljónum má ætla að ÞG verk hafi í
nokkurn tíma átt íbúðir á lager fyrir vel á þriðja
milljarð.
Sá biðtími kostar sitt.
Um fimmtungur af umsvifunum
Þorvaldur reiknar aðspurður með að selja all-
ar íbúðirnar á Hafnartorgi í ár. Uppbyggingin á
Hafnartorgi sé um fimmtungur af umsvifum fé-
lagsins. Á öllum vígstöðvum nema Hafnartorgi
sé mikil eftirspurn eftir vörum félagsins. Sjóð-
streymið sé því gott.
„Auðvitað er alltaf dýrt að sitja uppi með
margar fasteignir eins og við höfum gert á
Hafnartorgi. Það er hins vegar ekki stór hluti af
heildarumsvifunum og hefur óveruleg áhrif á af-
komu fyrirtækisins. Áætlanir okkar hafa gengið
upp alls staðar annars staðar. Það er í sjálfu sér
ekkert óeðlilegt að áætlanir hreyfist til. Sums
staðar hefur gengið betur en vænst var en ann-
ars staðar hefur okkur miðað hægar. Ég hef
tröllatrú á Hafnartorgi. Það er stórglæsilegt
verkefni og einstök staðsetning. Við erum til-
búnir að bíða eftir því að markaðsaðstæður lag-
ist,“ segir Þorvaldur.
Að sama skapi sé viðbúið að það taki tíma að
leigja út allt skrifstofurýmið á Hafnartorgi. Nú
þegar sé búið að leigja um 65% af rými í skrif-
stofubyggingunum en laus rými eru í gyllta hús-
inu við Tryggvagötu og stórhýsinu gegnt
Austurvelli. Þetta er eitt vandaðasta skrifstofu-
húsnæði sem byggt hefur verið í miðborginni en
handan Geirsgötunnar, í Landsbankahúsinu,
verða líka þúsundir fermetra af skrifstofu-
húsnæði sem ætlað er á almennan markað.
Ásamt Hafnartorgi er ÞG verk að leggja loka-
hönd á 17.600 fermetra skrifstofuhúsnæði í
Urðarhvarfi 8 í Kópavogi. Svo umfangsmikið
verkefni hefur áhrif á allan markaðinn.
Fyrir um þrjátíu árum byggði Þorvaldur Giss-
urarson fyrsta húsið fyrir almennan markað;
parhús í Miðhúsum í Grafarvogi. Árið 1998
stofnaði hann fyrirtæki sitt, ÞG verk, en með
mikilli vinnu hefur hann byggt upp eitt stærsta
verktakafyrirtæki landsins. Íbúðirnar eru orðn-
ar vel á annað þúsund og fermetrarnir ríflega
hálf milljón af ýmiss konar húsnæði innan og
utan höfuðborgarsvæðisins. Umsvifin hafa auk-
ist jafnt og þétt og var eigið fé samstæðunnar
um 6 milljarðar króna síðustu áramót, fyrir utan
óseldar eignir.
Þorvaldur vinnur gjarnan langa vinnudaga.
Hann tekur á móti blaðamanni á skrifstofu sinni
í Lágmúla þegar klukkan er að ganga sjö á
föstudegi. Það er enginn annar á skrifstofunni.
Samtalið hefst á að ræða stöðuna á
byggingarmarkaði.
Á svipuðum slóðum og 2002
Þorvaldur segir ekki fjarri lagi að segja að
byggingariðnaðurinn sé í svipaðri stöðu og til
dæmis árið 2002, eftir að netbólan sprakk.
„Það eru blikur á lofti. Atvinnuleysi er að
aukast í greininni og verkefnastaðan er að
versna. Það er minna um verkefni á hönn-
unarstigi hjá arkitektum og verkfræðistofum.
Það vekur mann til umhugsunar enda er það
merki um að umsvifin muni þar af leiðandi
dragast hratt saman í byggingariðnaði.
Boðuð innspýting í innviðauppbyggingu hjá
hinu opinbera felur í sér tækifæri til að milda
höggið og koma í veg fyrir að ástandið versni
enn frekar. Nú er beðið eftir góðum tíðindum og
að raunverulega verði ráðist í þær fram-
kvæmdir sem rætt hefur verið um. Það er í því
samhengi rétt að benda á að ekki nægir að tala
um hlutina. Það þarf líka að framkvæma. Efna-
hagskerfið og byggingariðnaðurinn þarf virki-
lega á því að halda,“ segir Þorvaldur um ástand-
ið.
Óvissa leiðir til biðstöðu
Óvissan leiði til þess að verktakar haldi að sér
höndum.
„Það er eðlilegt að menn séu hikandi við að-
stæður sem þessar þegar óvissa er um þróun
efnahagsmála. Áhrifin hjá okkur birtast í því að
við hægjum á uppbyggingu íbúðarhúsnæðis og
bíðum með ný verkefni í atvinnuhúsnæði. Við
reiknum með og treystum að það verði líflegra
yfir opinberum framkvæmdum, eins og hefur
verið boðað um nokkurt skeið,“ segir Þorvaldur.
ÞG verk vinnur nú að tveimur stórum verk-
efnum sem félagið fékk eftir útboð.
Annars vegar uppsteypu á 16.500 fermetra
höfuðstöðvum Landsbankans við Hörpu og hins
vegar uppbyggingu Hilton-hótels við Austur-
völl. Áformað er að ljúka þeim verkefnum á
þessu og næsta ári.
Að sögn Þorvaldar hefur félagið unnið jöfnum
höndum að eigin verkum og verkum sem það
Heilsumiðstöð í Urðarhvarfi
„Stærsti leigutakinn er Orkuhúsið. Það hefur
flutt sína starfsemi [frá Suðurlandsbraut] í stór-
glæsilega aðstöðu í Urðarhvarfinu. Fleiri aðilar
í heilsutengdri þjónustu eru ýmist að innrétta
rými í húsinu undir starfsemi sína eða að semja
um leigu á rýmum. Stefnan er að húsið verði í
heild sinni að einskonar heilsumiðstöð. Það er
markmiðið,“ segir Þorvaldur.
Jafnframt er ÞG verk að ljúka öðrum áfanga
af þremur við uppbyggingu atvinnuhúsnæðis á
Dalvegi í Kópavogi. Fjallað er um það verkefni í
ramma hér á opnunni.
ÞG verk á þar lóð undir skrifstofuhúsnæði en
að sögn Þorvaldar mun félagið bíða með öll ný
verkefni þar til aðstæður skýrast í efnahagslíf-
inu.
Vogabyggðin næst
ÞG verk hefur á síðustu árum byggt íbúðir á
þéttingarreitum í miðborginni, Hafnartorgi og
Stakkholtsreit, og í Vogabyggð, í Bryggju-
hverfi, á Garðatorgi og á nýjum svæðum, á borð
við Urriðaholt. Þá hefur félagið meðal annars
byggt íbúðir á Álalæk á Selfossi sem voru á allt
öðru og lægra verðbili en til dæmis miðborg-
aríbúðirnar.
Spurður um tækifæri á íbúðamarkaði segir
Þorvaldur að félagið hafi mikil uppbyggingar-
áform í Vogabyggðinni. Félagið hyggist þannig
smíða tæplega 400 íbúðir af alls ríflega 1.100
sem verði í Vogabyggðinni fullbyggðri. ÞG verk
hefur sett á sölu fyrstu íbúðirnar í Vogabyggð,
nánar tiltekið í Skektuvogi og Dugguvogi.
Þorvaldur segir líklegt að ÞG verk muni
ljúka uppbyggingunni í Vogabyggð áður en fé-
lagið skoði aðra þéttingarreiti í Reykjavík.
Nokkurt framboð verði af slíkum reitum í borg-
inni næstu árin.
„Við sjáum tækifæri hér og þar á uppbygg-
ingarreitum. Vogabyggðin og Urriðaholtið
duga okkur þó næstu tvö árin,“ segir Þorvaldur
og vísar til þess að félagið er að byggja um 100
íbúðir við Vinastræti í Urriðaholti.
Nokkur hundruð manns skráðu sig á póst-
lista vegna íbúðanna í Urriðaholti.
Minni framlegð af íbúðum
Þorvaldur segir framlegð af smíði íbúða hafa
minnkað mikið að undanförnu. Hins vegar sé
verðið nógu hátt til að skapa hvata til að
byggja.
„Framlegð í íbúðarbyggingum hefur minnk-
að heilmikið. Hún er sveiflukennd. Þegar mikl-
ar hækkanir verða á íbúðamarkaði eykst fram-
legðin tímabundið. Hún hefur lækkað verulega
síðustu tvö árin. Það er eðli markaðarins. Hann
leitar jafnvægis,“ segir Þorvaldur.
„Eftirspurnin er mest eftir minni og ódýrari
íbúðum. Hvatinn er mestur til að byggja þær.
Það fara hins vegar ekki alltaf saman skipu-
lagsskilmálar og það sem menn mundu vilja
byggja til að uppfylla þarfir markaðarins.“
Hættumerki
en hægt að
milda höggið
Baldur Arnarson
baldura@mbl.is
Þorvaldur Gissurarson, forstjóri ÞG
verk, hefur á tveimur áratugum
byggt upp eitt stærsta verktaka-
fyrirtæki landsins. Hann segir sam-
stæðuna standa á traustum grunni.
Hægari sala íbúða á Hafnartorgi en
ætlað var hafi haft óveruleg áhrif á
félagið. Nú sé rétti tíminn fyrir opin-
berar framkvæmdir í hagkerfinu.