Morgunblaðið - Sunnudagur - 15.03.2020, Qupperneq 20

20 MORGUNBLAÐIÐ SUNNUDAGUR 15.3. 2020
LÍFSSTÍLL
Fallegar vörur
fyrir heimilið
Sendum
um
land allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Wave stólar
Fáanlegir í mörgum litum
Verð: 12.900 kr.
Berglind hefur hefur lengi haft áhuga ásnyrtivörum og lærði förðunarfræði áð-ur en annað tók yfir. Blaðamaður fékk
að forvitnast um uppáhaldssnyrtivörur Berg-
lindar.
Berglind leggur mikið upp úr því að hugsa
um raka húðarinnar og næra hárið vel. Einnig
er svefn algjört lykilatriðið að hennar mati.
„Ég reyni aðallega að viðhalda eðlilegum
raka húðarinnar sem getur reyndar verið mikil
áskorun á þessum árstíma. Ef rakinn er í lagi
þá gengur allt annað vel upp. Það sama gildir
um hárið, að það sé vel nært. Ef ég er með ljót-
una þá klikkar ekki að lita augabrúnirnar og
skella á mig brúnkukremi. Annars er góður
svefn lykillinn að því að líta vel út – snyrtivör-
ur geta aldrei gert það sem góður nætursvefn
færir manni,“ segir Berglind þegar hún er
spurð að því hvernig hún hugsi um útlitið.
Hvernig málar þú þig dagsdaglega?
„Ég set á mig rakakrem, farða, kinnalit,
augnskugga, „eyeliner“, skyggingu og gloss
eða varalit.“
En þegar þú ferð eitthvað spari?
„Sama rútína nema þá nota ég dekkri augn-
skugga eða breikka „eyeliner-línuna“, geri
skyggingu og svo elska ég rauðan varalit.
Hann er svona mitt einkennismerki.“
Hvað tekur það þig langan tíma að gera þig
til?
„Ætli ég sé ekki svona 15 mínútur að skella
hversdagsfarðanum á en ef ég er að fara eitt-
hvað fínt að þá finnst mér voða gaman að dúll-
ast aðeins við þetta. Þá getur þessi athöfn al-
veg léttilega farið upp í klukkutíma með ljúfri
tónlist, góðri vinkonu og jafnvel prosecco – já
svei mér þá.“
Hvenær byrjaðir þú að mála þig?
„Ég hafði mjög snemma áhuga á förðun. Ég
og vinkona mín lékum okkur að því að setja á
okkur mjög litríka augnskugga og kinnaliti.
Ætli við höfum ekki verið um 12-13 ára gaml-
ar. Hefði nú verið gaman að eiga myndir af
því, en það var frekar skrautlegt. Svo hélt
áhuginn áfram og ég endaði á að fara og læra
förðunarfræði og það kom alveg til greina að
vinna við það. Svo varð þó ekki og leiðir mínar
lágu í staðinn í matarbransann þar sem
sköpunarkrafturinn fékk notið sín.“
Hvernig hugsar þú um húðina?
„Mér finnst gott að nota kókosolíu sem ég
nota sem rakakrem og einnig til að fjarlægja
farða og þrífa húðina. Svo er góð rakabomba á
andlitið sem ég nota frá SkinCeuticals sem
heitir Moisturize Hydrating B5 gel. Gefur húð-
inni fallegan ljóma. Ég ætti líklega að drekka
meira vatn og minna af rauðvíni, en það hefur
ekki alveg gengið eftir. Annars á ég það til að
fá kuldaexem og Ása Regins gaf mér það frá-
bæra ráð að fá mér daglega matskeið af hamp-
fræjum eða hampfræolíu. Þau hjálpa til við að
halda exeminu í skefjum.“
Ilmolíuböð og dekur
Hvað gerir þú til að dekra við þig?
„Mér finnst voða huggulegt að liggja í óhóf-
lega heitu ilmolíubaði og setja á mig andlits-
maska. Svo fer ég stundum í meira dekur til
Evu frænku sem er snyrtifræðingur á snyrti-
stofunni Kopar í Garðabæ. Hún lumar alltaf á
einhverju sniðugu fyrir mig og ég kem alltaf
„gordjöss“ út frá henni. Það sama get ég sagt
um hana Hrafnhildi hjá Portinu sem sér um að
halda hárinu á mér fallegu. Þetta er drauma-
teymið mitt!“
Hvað finnst þér skipta máli að eiga í snyrti-
buddunni?
„Góðan farða, maskara og rauðan varalit
sem ég nota líka sem kinnalit.“
Uppáhaldssnyrtivörurnar?
„Það eru nokkrar vörur sem ég kaupi aftur
og aftur eins og Esteé Lauder Double Wear-
farðann. Þrátt fyrir að hafa prufað þá marga
er þessi farði alltaf í uppáhaldi. Tarte-
hyljararnir eru algjör snilld og svo er Better
Than Sex eyelinerinn sá besti sem ég hef pruf-
að. Já og svo verð ég að fá að nefna Born to
Glow highlighter-pallettuna frá NYX en ég fæ
alltaf fyrirspurnir um það hvernig ég fæ svona
fallegan gljáa þegar ég nota hana.“
Hvað dreymir þig um að eignast í snyrti-
budduna?
„Ég væri alveg til í að eignast gott ilmvatn.
Ég á enn eftir að finna ilminn fyrir árið 2020.“
Morgunblaðið/Kristinn Magnúss
Berglind notar
Born to Glow
frá NYX.
Rauði varaliturinn fer líka á kinnarnar
Berglind Guðmundsdóttir,
eigandi uppskriftasíðunnar
GulurRauðurGrænn&Salt, er
þekkt fyrir breitt bros og
rauðan varalit.
Guðrún Selma Sigurjónsdóttir
gudrunselma@mbl.is
Berglind notar ekki bara
kókosolíu í matreiðsluna
heldur einnig á andlitið.
Rakabomba
frá Skin
Ceuticals.
Berglind
elskar rauð-
an varalit.
Berglind notar „eyel-
iner“ bæði hversdags
og við fínni tilefni.
Berglind Guðmunds-
dóttir hefur lengi haft
áhuga á förðun.
Berglind not-
ar farða frá
Estée Lauder.