Morgunblaðið - Sunnudagur - 12.04.2020, Blaðsíða 29

ig,“ botnar Derek Smalls bassaleik-
ari pælinguna.
Dátt er fagnað á kjaftfullum
Wembley-leikvanginum.
Þá var Tufnel loksins kominn með
gítar í hönd. Allt klárt? Nei, ekki al-
veg. Ekkert rafmagn er á gripnum.
„Þið eruð aldeilis rjóð í kinnum í
dag, það verð ég að segja,“ heldur
St. Hubbins áfram. Spunameistari
vallarins. Allt í lagi með það.
Enn ekkert rafmagn. Er þetta að
byrja að vera vandræðalegt? „Viljiði
spyrja Nigel einum rómi hverju
hann er að bíða eftir?“ spyr St.
Hubbins, ugglaust byrjaður að
svitna milli tánna.
Nú var baulið farið að bera eftir-
væntingarfullt lofhjalið ofurliði.
„Einhver óskalög?“
Búúúúúú …
Allt er farið að hringsnúast í höfð-
inu á aumingja St. Hubbins á þess-
um tímapunkti en hann kaupir sér
þó smá tíma: „Eruð þið hrifin af
Guns N’ Roses?“
Jaaaaaáááááá!
„Við hittum þá að tjaldabaki og
það er smá skjálfti í þeim út af ykk-
ur. Þið verðið því að taka vel á móti
þeim. Það verður svakalega óvænt
uppákoma þegar þeir stíga á svið á
eftir; þið munuð hvorki trúa augum
ykkar né eyrum. Ég trúi ekki mín-
um, satt best að segja.“
Skyldi engan undra. Suðið í skar-
anum er að verða óbærilegt. Og St.
Hubbins í snörunni.
En þegar neyðin er stærst …
„Gaur gengur inn á bar …“
„Nei, nú er nóg komið,“ hugsar al-
mættið með sér; „ég verð að skera
þá niður úr snörunni.“
„Verði máttur!“
Hljómurinn sem gítar félaga hans
gefur skyndilega frá sér er án efa
eins og englamúsík í eyrum St.
Hubbins og engum er eins innilega
létt þegar upphafsriffið í Majesty of
Rock byrjar að hljóma. Loksins!
Til að dreifa huganum
Við hæfi er að rifja nú upp þetta
óborganlega augnablik frá minning-
artónleikunum um Freddie Mercury
vorið 1992 en ekki-rokksveitin Spin-
al Tap hefur verið svolítið í um-
ræðunni undanfarið; ekki síst fyrir
þær sakir að „heimildarmyndin“ um
Ameríkutúr þeirra, This Is Spinal
Tap, dúkkar nú reglulega upp á list-
um yfir myndir sem gott er að horfa
á til að freista þess að láta sér líða
betur og dreifa huganum á þessum
síðustu og verstu tímum. Ríkissjón-
varpið sýndi hana til að mynda fyrir
skemmstu með fororði frá engum
öðrum en Eyþóri Inga Gunnlaugs-
syni stórsöngvara; sem fílar ræm-
una í tætlur. Eins og svo margir.
Fyrir þá sem ekki þekkja til sýnir
This Is Spinal Tap líf rokkstjarna í
spéspegli og sveitin sjálf er upp-
spuni. David St. Hubbins, Nigel Tuf-
nel og Derek Smalls heita í raun og
veru Michael McKean, Christopher
Guest og Harry Shearer og hafa
dregið fram lífið sem leikarar gegn-
um tíðina. Eins svaðalega breskir og
karakterarnir eru þá eru leikararnir
allir bandarískir, nema Guest sem er
breskur í föðurættina, sonur erind-
reka gamla heimsveldisins og frjálst
að kalla sig fimmta barón Haden-
Guest. Tengdasonur Tonys Curtis í
þokkabót, giftur Jamie Lee, sem
slær hann í margra huga endanlega
til riddara.
Allir eru þeir eftirlaunamenn í
dag; komnir á áttræðisaldurinn en
This Is Spinal Tap var frumsýnd
1984. Harry Shearer fæddist sama
ár og George Harrison sem þýðir að
hann var kominn á fimmtugsald-
urinn þegar myndin var gerð. Hinir
eru aðeins yngri.
Eins og fram kemur í myndinni
hélst Spinal Tap alla tíð illa á
trymblum; þeir sáluðust allir, af
einni ástæðu eða annarri. En þó
helst af ókunnum ástæðum.
Spinal Tap sendi frá sér þrjár
áþreifanlegar breiðskífur – sem er
ekki slæmt fyrir ekki-rokkband;
This Is Spinal Tap (1984), Break
Like the Wind (1992), sem inniheld-
ur téðan smell Majesty Of Rock; og
Back From the Dead (2009).
Meðal gesta á Break Like the
Wind má nefna gítarleikarana Jeff
Beck, Joe Satriani, Steve Lukather
og Slash, að ógleymdri sjálfri Cher.
Spinal Tap kom seinast saman og
túraði árið 2009 og lék þá meðal ann-
ars á „einnar nætur heimstúr“ á
Wembley Arena og á Glastonbury-
hátíðinni. Kváðust þá á víxl vera
hættir eða ekki-hættir.
Ekki hefur spurst til þeirra síðan.
12.4. 2020 MORGUNBLAÐIÐ SUNNUDAGUR 29
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 n Tjarnargötu 17, Keflavík. S. 421 2061 n Glerárgötu 32, Akureyri. S. 462 5900 n alnabaer.is
alnabaer.is
Við erum sérhæfð í gluggatjöldum
SCREEN RÚLLUGARDÍNUR
SJÓNVARP Kvikmyndin Héraðið í
leikstjórn Gríms Hákonarsonar er á
dagskrá Ríkissjónvarpsins að
kvöldi páskadags. Myndin gerist í
litlu samfélagi og segir sögu Ingu,
kúabónda á miðjum aldri, sem gerir
uppreisn gegn kaupfélaginu á
staðnum. Hún reynir að fá aðra
bændur í lið með sér en það gengur
erfiðlega, þar sem kaupfélagið hef-
ur sterk ítök í sveitinni. Aðal-
hlutverk leika Arndís Hrönn Egils-
dóttir, Sigurður Sigurjónsson og
Sveinn Ólafur Gunnarsson.
Héraðið páskamyndin á RÚV
Arndís Hrönn Egilsdóttir í Héraðinu.
BÓKSALA Í MARS
Tekið saman af Félagi íslenskra bókaútgefenda
1 Fórnarlamb 2117 Jussi Adler Olsen
2 Brúin yfir Tangagötuna Eiríkur Örn Norðdahl
3 Andlitslausa konan Jónína Leósdóttir
4 Hvítt haf Roy Jacobsen
5 Glæpur við fæðingu Trevor Noah
6 Blekkingaleikur Kristina Ohlsson
7 Ennþá ég Jojo Moyes
8 Úlfakreppa B.A. Paris
9 Illvirki Emelie Schepp
10 Þögla stúlkan Hjorth & Rosenfeldt
11 800 fastan Michael Mosley
12 Litlar konur Louisa May Alcott
13
Konan sem datt upp
stigann – saga af kulnun
Inga Dagný Eydal
14 Keto – hormónalausnin Gunnar Már Sigfússon
15 Ketóflex 3-3-1 mataræðið Þorbjörg Hafsteinsdóttir
16
Frá sál til sálar: Ævi og
verk Guðmundar Finn-
bogasonar
Jörgen L. Pind
17 Bara þú Ninni Schulman
18 Heillaspor Gunnar Hersveinn
19 Dabók bóksala Shaun Bythell
20 Agathe Anne Cathrine Bomann
Allar bækur
Ég á minningu frá því ég var lít-
il, þar sem ég kem heim af
bókasafninu með tuttugu bækur.
Ég les strax eina fyrir kvöldmat.
Vel má vera að ég hafi með ár-
unum ýkt fjölda bóka, en sagan
er betri svona. Þrátt fyrir mik-
inn lestraráhuga hægðist með
tíð og tíma á lestr-
inum, eflaust í
nokkuð beinu hlut-
falli við aukinn
lestur námsefnis
en ég beið spennt
eftir útskrift úr há-
skóla til að geta
hafið yndislestur á
ný.
Síðust jól las ég bókina Svíns-
höfuð e. Bergþóru Snæbjörns-
dóttur og mæli eindregið með
henni. Ég sat föst
við frásögnina sem
mér fannst bæði
hrífandi og átak-
anleg. Ég mæli
einnig með bók-
unum Bókasafn
föður míns e.
Ragnar Helga
Ólafsson og Horfið ekki í ljósið
e. Þórdísi Gísladóttur fyrir þá
sem hafa áhuga á fögru orðfæri
en þær eru báðar afar fallega
ortar og áreynslulausar. Af örlít-
ið eldri bókmenntum sem ég
hafði yndi af að
lesa eru bækurnar
Fátækt fólk e.
Tryggva Emilsson
og Sögur handa
öllum e. Svövu
Jakobsdóttur. Báð-
ar eru þær ritaðar
á listilegan og
töfrandi hátt og rista djúpt við
lestur. Ég má líka til með að
nefna bókina Kláði e. Fríðu Ís-
berg, heillandi smásagnasafn
sem á vel við samtímann.
Fyrst þegar ég
hóf yndislestur á
ný setti ég mér
markmið um
fjölda bóka sem ég
læsi yfir árið. Ég
fjölgaði bókunum
svo aðeins með
hverju ári þar til nú í ár, þegar
ég snarlækkaði fjöldann niður í
fimm. Já, fimm bækur árið 2020.
Ástæðan var sú að mér fannst
lesturinn vera að breytast úr
yndislestri í kapphlaup. Fyrir
mér er lestur ákveðin fylling,
hann gefur manni svo margt. Ég
veit fátt betra en að fá að njóta
fallegra orða, ritsmíða og finnst
mikilvægt að reyna að neyta
þeirra eins og góð-
gætis, en háma
þær ekki í sig fyrir
fljótunna mettun.
Í ár ætla ég mér
loksins að lesa tvo
doðranta í róleg-
heitum en bæk-
urnar hafa setið á
náttborðinu í dágóðan tíma.
Þær eru annars vegar feminíska
ritið The Second Sex e. Simone
de Beauvoir og hins vegar Octo-
ber e. China Miéville, þar sem
greint er frá sögu og aðdrag-
anda Októberbyltingarinnar í
Rússlandi.
HEIÐUR ANNA HELGADÓTTIR ER AÐ LESA
Fátt betra en að fá að
njóta fallegra orða
Heiður Anna
Helgadóttir er
bókaunnandi.