Vísbending - 22.02.2016, Blaðsíða 4

VíSBENDING
framh. afbls. 1
Þeir geta gert samning við sam-
bandið eins og Svisslendingar eða geng-
ið í Evrópska cfnahagssvæðið og hafa þá
miklu meiri sveigjanleika en nú.
Bretland þarf ekki að senda háa
tékka til Brussel og geta nýtt pening-
ana í annað þarfara. Þeir eru þá ekki
lengur bundnir af ýmsum reglum um
vinnumarkaðinn og réttindi launafólks.
Jafnframt geta þeir losnað við margar
fáránlegar reglugerðir, t.d um ryksugur,
kaffivélar og margt fleira.
Bretar geta lokað á innflutning á
vinnuafli frá fátækum Evrópulöndum og
þurfa ekki að borga því fólki almanna-
tryggingabætur.
Loks losna þeir undan oki Evrópu-
valdsins þar sem þeir hafa lítil áhrif
og verða aftur alvöru stórveldi á eigin
forsendum.
íslendingar þekkja
það að innan Evrópska
efnahagssvæðisins
þurfa löndin að fylgja
reglum Evrópusam-
bandsins, en hafa hins
vegar engin áhrif í
raun á mótun þeirra.
Sannleikurinn
í raun er það ljóst að þegar sameigin-
legar reglur gilda á aðalmarkaðssvæði
Breta er afar ólíklegt að þeir muni geta
látið aðrar reglur gilda um sinn iðnað,
að minnsta kosti ekki um þær vörur
sem fluttar verða út. Draumur sumra
atvinnurekenda um lengri vinnuviku og
minni réttindi virðist fjarlægur í nútíma
samfélagi.
Islendingar þekkja það að innan
Evrópska efnahagssvæðisins þurfa löndin
að fylgja reglum Evrópusambandsins, en
hafa hins vegar engin áhrif í raun á mót-
un þeirra. Gengju Bretar í EES gætu þeir
orðið aðalstuðningsaðilar í stað Norð-
manna, en Cameron hefur sagt að það
sé útilokað. Þó er erfitt að taka mark á
slíkum yfirlýsingum nú, því að ef Bret-
ar segja sig úr Evrópusambandinu verða
þeir að ákveða framhaldið. Þar verða
örugglega margir kostir skoðaðir. Allir
munu þeir enda á því að Bretar verða að
taka á sig stóran hluta af þeim reglum
sem settar verða innan sambandsins án
þess að fá nokkru um þær ráðið.
Aörir sálmar
Deilurnar og rökin minna á það sem
heyrist á íslandi. Reynslan hefur sýnt að
rök skipta ekki öllu heldur móta menn
sér skoðun og fylgja henni hvað sem
staðreyndum líður. Nema Boris Johnson
sem segist fylgjandi aðild, en ætlar að
greiða atkvæði með úrsögn.
Áhrif
Fyrir utan þau atriði sem nefnd eru hér
að ofan getur útganga Breta úr Evrópu-
sambandinu haft víðtæk pólitísk og
fjármálaáhrif. Margir Bretar óttast að
London hætti að verða fjármálahöfuð-
borg Evrópu og Frankfurt taki við því
hlutverki. Erfltt er að segja til um þetta
vegna þess að London hefur haldið
styrkri stöðu sinni þrátt fyrir að Bret-
ar noti pundið en ekki evruna sem er
auðvitað megingjaldmiðill flestra íbúa í
Evrópusambandinu. London gæti haldið
áfram að vera hlekkur milli Evrópu og
Ameríku.
A myndinni á bls. 1 sést hvernig
gengi pundsins hefur þróast gagnvart
evru undafarna sex mánuði. Af henni
má sjá að frá því í nóvember hefur
pundið veikst um 11% og það ferli
heldur áfram undanfarna daga eftir að
ljóst var að mjótt yrði á munum í kosn-
ingunum um úrsögn.
Líklegt er að Skotar muni krefjast
nýrrar þjóðaratkvæðagreiðslu um sjálf-
stæði, en þeir hafa verið mun hlynntari
aðild en Englendingar. Ómögulegt er
að segja til um hver niðurstaðan yrði,
en ekki munaði miklu að aðskilnaður
yrði samþykktur þegar kosið var árið
2014.
Líklega mun staða Breta á al-
þjóðavettvangi veikjast ef þeir ganga
úr Evrópusambandinu, en þeir hafa
margir átt erfitt með að sætta sig við
það að hafa breyst úr heimsveldi í
sambandsveldis ríki í hluta af Evrópu.
Margir hafa gleymt því núna en það var
einmitt Winston Churchill sem stakk
upp á sameiningu Evrópuríkja skömmu
eftir síðari heimsstyrjöldina. Evrópu-
sambandið var upprunalega stofnað
sem friðarbandalag. Ólíklegt væri að
þjóðir sem hefðu svo nána efnahagslega
hagsmuni myndu ráðast hvert á annað.
Friður hefur haldist innan svæðisins,
en ógnin frá Rússum er að margra mati
meiri nú en verið hefur eftir að Sovét-
ríkin liðu undir lok.
Hvernig sem kosningarnar fara er
ljóst að úrslit þeirra munu hafa mikil
áhrif á framtíð Evrópu og einnig hér
á landi því að margir fylgjast spenntir
með hvernig því máli vindur fram. Ö
Varúð: Sýklar
Að undanförnu hefur verið bent
á eftirtaldar smitleiðir (áhættu)
vegna erlendra sýkla sem ekki hafa þrif-
ist á íslandi:
1. Útlendir fuglar koma til íslands. Þetta
hefúr viðgengist nokkuð lengi.
2. Údendingar koma til íslands. Þeir eru
líklega um fjórum sinnum fleiri en ís-
lendingar í ár og þykja aufúsugestir.
3. Hingað koma mýs og rottur með skip-
um, komast í land og setjast hér að.
4. Útlent grænmeti og ávextir eru flutt til
íslands. Með þeim berst stundum óværa.
5. Údendar plöntur (sjá 4).
6. Útlendingar sem hingað koma eru í
óþvegnum fötum sem geta borið með sér
sýkla.
7. Útlendingar koma á bílum til lands-
ins. Bílarnir eru ekki sótthreinsaðir. Sumir
þeirra hafa keyrt um landbúnaðarhéruð
í útlöndum skömmu áður en þeir komu
hingað.
8. Islendingar fara til útlanda. Sumir
þeirra borða þar mat, klæðast fötum og
koma heim í bílum.
9. Útlendingar sem hingað koma hafa
iðulega með sér mat (sem auðvitað er
bannað, en gerist samt).
10. Islenskir sjómenn og flugfólk hafa
gegnum tíðina smyglað inn erlendum mat
(þetta er auðvitað löngu hætt, en maður
hefúr lesið um þetta).
11. fslenskir veitingastaðir hafa boðið
upp á smyglvarning, en yfirleitt ekki aug-
lýst það mikið.
12. fslenskir kaupmenn buðu stundum í
gamla daga upp á smyglað kjöt af ýmsu
tagi.
13. Ferðamenn hafa árum saman smyglað
kjöti til landsins.
14. Sumir fslendingar dvelja langdvölum
erlendis við nám og störf. Sumir eru ár-
lega nokkra mánuði á ári erlendis, t.d. í
Suður-Evrópu eða Flórída.
15. Flugvélar lenda hér á landi á hverjum
degi eftir viðkomu í útlöndum, ósótt-
hreinsaðar.
16. ísbirnir hafa komið til landsins án
þess að fara í sóttkví.
17. Fiskar við ísland hafa sumir synt um
menguð höf í erlendri lögsögu. Sumir fara
í íslenskar ár.
Öruggast er því að borða ekkert og
hafa ekki samneyti við annað fólk. bj
Ritstjóri og ábyrgðarmaðun Benedikt Jóhannesson
Útgefandi: Heimur hf., Borgartúni 23,105 Rvík.
Sími: 512 7575.
Netfang: benedikt@heimur.is.
Prentun: Heimur. Upplag: 700 eintök.
Öll réttindi áskilin. © Ritið má ekki afrita
án leyfis útgefanda.
4 VÍSBENDING • 7.TB1. 2016