Austri - 25.03.1993, Blaðsíða 2

2
AUSTRI
Egilsstöðum, 25. mars 1993.
Útgefandi: Kjördæmissamband framsóknarmanna á Austurlandi.
Skrifstofa Austra Lyngási 12, 700 Egilsstaðir,
pósthólf 73, sími 97-11984, fax 97-12284.
Ritstjóri og ábyrgðarmaður: Jón Kristjánsson.
Útgáfustjóri: Sólveig Dagmar Bergsteinsdóttir.
Blaðamenn: Arndís Þorvaldsdóttir og Marinó Marinósson.
Auglýsingar: Sími 97-11984, Sigrún Lárusdóttir.
Áskrift: Sími 97-11984, Svanfríður Kristjánsdóttir.
Áskrift kr. 95 pr. blað. Lausasöluverð kr. 120.-
Prentun: Héraðsprent sf. Egilsstöðum.
Austri kemur út á fimmtudögum.
Aðsent efni þarf að hafa borist fyrir kl. 10:00 föstudaga.
Austri er aðili að samtökum bæjar- og héraðsfréttablaða.
stjómin
bíður
Ástandinu í efnahags og kjaramálum er best lýst með
einu orði, biðstöðu. Þann tíma virðast vinnuveitendur
nota vel til þess að mála það dökkum litum og halda
því jafnframt fram að það þurfi að lækka launin, ef
nást eigi jafnvægi í efnahagsmálum.
Á undanfömum árum hefur ríkisvaldið ætíð lagt sitt
af mörkum til þess að stuðla að samningum á vinnu-
markaðinum. Ovissa sú sem það veldur að hafa alla
kjarasamninga lausa í þjóðfélaginu veldur því að for-
svarsmenn fyrirtækja halda að sér höndum. Ekki
dregur úr, þegar því fylgir að staða efnahagsmála er
máluð svo dökkum litum sem nú er.
Atvinnumálin hafa verið og eru mál málanna í þess-
um kjarasamningum. Aðilar vinnumarkaðarins hafa
skilað tillögum til ríkisstjórnarinnar um þau mál, sem
byggjast á vinnu starfshópa á vettvangi þeirra. Engin
marktæk viðbrögð hafa komið frá stjómvöldum, þrátt
fyrir að forsætisráðherra bæði um nokkurra daga frest
til þess að svara. Síðan eru liðnar tvær vikur og ekk-
ert hefur gerst.
Það er ljóst að það er fráleitt að hefja nú umræðu um
launalækkanir í þjóðfélaginu. Það er útilokað að þeir
sem hafa innan við fimmtíu þúsund krónur á mánuði
geti tekið slíkt á sig. Hins vegar á að ræða í fullri al-
vöru kjarajöfnun í þjóðfélaginu við þær aðstæður sem
nú eru. Launamunur er gífurlegur, og þar við bætist
að fjármagnseigendur raka saman skattfrjálsum tekj-
um. Stjómvöld hreyfa ekki hönd eða fót til kjarajöfn-
unar t.d. í formi hátekjuskatts eða skatts á fjár-
magnstekjur utan tímabundinn hátekjuskatt sem for-
sætisráðherra sagði að væri aðeins sálfræðilegt trikk.
Stjórnvöld hlusta einnig á kenningar atvinnurekenda
um launalækkanir í þjóðfélaginu án þess að hafast
neitt að. Við þessar aðstæður verða kjarasamningar
ekki gerðir. Meðan svo er drepur óvissan allt at-
vinnulíf í dróma.
Framsóknarflokkurinn hefur lagt fram tillögur um
brýnar aðgerðir í efnahagsmálum. Þar má meðal ann-
ars nefna tillögur um tafarlausa lækkun vaxta, aðgerð-
ir til kjarajöfnunar, auknar opinberar framkvæmdir til
atvinnusköpunar, aðstoð við fjárhagslega endurskipu-
lagningu arðvænlegra fyrirtækja og að álögur sem nú-
verandi ríkisstjóm hefur lagt á sjávarútveg og ferða-
þjónustu verði felldar niður. Einnig er lagt til að um-
framorka verði boðin á lágu verði til fyrirtækja,
vinnsla sjávarafla innanlands verði aukin, og bundnu
fjármagni í Seðlabankanum verði að hluta varið til at-
vinnuuppbyggingar. Þá er lagt til að jöfnunargjald
verði lagt á ríkisstyrktar og niðurgreiddra erlendar
iðnaðarvörur.
Það skortir ekki tillögur um aðgerðir. Það skortir á
að ríkisstjórnin vilji vinna af afli að lausn aðsteðjandi
vanda. Hún bíður. J.K.
Námskeið fyrir afgreiðslufólk
í verslunum og þjónustufyrir-
tækjum á Héraði
BRIDDS
Briddsfélag Reyðarfjarðar og
Eskifjarðar
Urslit í 9. og síðustu umferð í
sveitakeppni félagsins urðu sem
hér segir:
Aðalsteinn - Jóhann 18-12
Sproti/Icy - Jónas 20-10
Böðvar - Magnea 24-6
Slökkvitæki - Óttar 16-14
Síðustu umferðimar vom spilaðar
með útsláttar fyrirkomulagi.
Lokastaða, 5 efstu sveitimar:
1. Aðalsteinn Jónsson
2. Jóhann Þórarinsson
3. Sproti/Icy
4. Jónas Jónsson
5. Slökkvitækjaþjónustan
Alls tóku 8 sveitir þátt í mótinu.
Menntaskólinn á Egilsstöðum vill
gjaman efla atvinnu og stuðla að
blómlegu mannlífi á Héraði. Yfir
sumartímann sækja innlendir og er-
lendir ferðamenn okkur heim og
nágrannar okkar á Austurlandi
sækja hingað þjónustu allt árið. því
er mikilvægt að íbúar Egilsstaða og
þá sérstaklega afgreiðslufólk í
verslunum og þjónustufyrirtækjum
sé meðvitað um mikilvægi góðrar
þjónustu og lipurlegrar framkomu
við viðskiptavini. Innan Mennta-
skólans hefur komið upp sú hug-
mynd að bjóða fyrirtækjum á Hér-
aði upp á stutt námskeið þar sem
fjallað yrði um mannleg samskipti,
hreinlæti, klæðnað og fleira sem
gagnast gæti þeim sem hafa bein
samskipti við viðskiptavinina. Hér
er ekki síst verið að hugsa um sum-
arafleysingafólk, sem eftir svona
námskeið er meðvitaðra um ábyrgð
sína gagnvart fyrirtækinu og mikil-
vægi ánægðra viðskiptavina fyrir
það. En auðvitað ætti námskeiðið
einnig að gagnast fastráðnu starfs-
fólki. Um er að ræða tveggja
kvölda námskeið sem haldið verður
fljótlega eftir páska ef næg þátttaka
fæst. kosnaður verður í lágmarki og
skipt milli fyrirtækja sem þátt taka.
Skólinn vonast eftir góðum undir-
tektum þannig að af geti orðið.
Upplýsingar veita kennslustjóri, á-
fangastjóri og aðstoðarskólameist-
ari. Fréttatilkynning
Menntaskólinn á Egilsstöðum.
Hofshreppur:
Álftin er komin til landsins
Frá Fellabridds
18. mars spiluðu 14 pör.
Efstu sætin:
1. Bjami Ag - Kristmann 202 st.
2, - 3. Petra - Ingibjörg 176 st.
2.- 3. Guðný - Sigurður 176 st.
4. Sigurlaug - Sveinn 174 st.
Spiluð voru gefin spil frá sænskum
meistaramótum svokölluð Taps
spil, og fyrirgjöfin öðru vísi. Með
mið af því urðu í 5 efstu sætum:
1. Heiða - Svandís 1436 st.
2. Guðný - Sigurður 1430 st.
3. Gunnlaugur - Sigurjón 1424 st.
4. Sigurlaug - Sveinn 1390 st.
5. Bjami Ag. - Kristmann 1343 st.
Firmakeppni B.F. 1. Birkitré
(Jón B. Stef. Ólafur) 2. Táp og Fjör 63 st.
(Þorvaldur, Hafliði) 3. Ferðamiðstöð Austurl. 54 st.
(Bjami,Kristmann) 4. Tannlæknastofan 46 st.
(Pálmi, Sigurjón) 5. Arverk 37 st.
(Sigurþór, Þorsteinn) 6. Egilsstaðabær 34 st.
(Reynir, Unnar) 27 st.
Nú þegar vorið nálgast fara fuglar
senn að koma til landsins. Til að fá
nánari fréttir af komu fugla, sló blaða-
maður á þráðinn til Hálfdáns Bjöms-
sonar á Kvískerjum í Hofshreppi, til
að forvitnast um hvort nokkuð sé farið
að sjást til farfugla. Hálfdán er ásamt
bræðrum sínum landskunnur fræði-
maður og hefur fylgst með komu fugla
til landsins í gegnum árin. Mjög mik-
ið er um að farfuglar komi að landinu
frá svæðinu frá Skeiðarársandi að
Alftir. Austramynd: SE.
Höfn. Hálfdán sagði að lítið sem ekk-
ert af fuglum væri komið. Sem væri
kannski bara gott því enn er snjór yfir
öllu. Hann sagðist ekki eiga von á
eiginlegri komu fugla fyrr en í lok
mars og í byrjun apríl. Þó væm álftir,
skúmar og lómar farnir að sjást, en
Hálfdán sagðist varla telja skúma og
lóma til farfugla. “Lómamir vom
komnir í kringum 6 mars, skúmamir
komu upp að landinu 10 mars og álft-
imar komu 14 mars og var þar um þrjá
hópa að ræða” sagði Hálfdán. Enn-
fremur sagði hann að t.d. gæsin kæmi
í kringum 25 mars, skógarþrösturinn
kæmi oftast í kringum 28 mars. Fugl-
ar koma mjög mikið til landsins í suð-
austanátt að sögn Háldáns, og þá
kæmu hópamir mjög ört, bæði gæsir,
vaðfuglar og spörfuglar, og stundum
þá svo margir í einu að hann hefði
ekki undan að telja hópana, svo ört
kæmu þeir. Væru fuglamir svona frá
5 fuglum til 100 í hverjum hóp, gæsir
væm oftast kringum 30 í hóp. MM
Leiðrétting
í frétt sem birtist í 11. tbl. um
afhendingu á íbúðum fatlaðra á
Fáskrúðsfirði, var missagt í
myndatexta að annar íbúanna,
Erla væri Geirsdóttir. Hið rétta
er að Erla er Helgadóttir. Beðist
er velvirðingar á þessum mis-
tökum.

Xýsköptin er nauðsyn
Fundur á Egilsstöðum
Ræðumenn verða Jón Sigurðsson,
iðnaðarráðherra
og fulltrúar frá Iðnlánasjóði, Iðntæknistofnun
og Iðnþróunarsjóði.
Fundurinn er öllum opinn en höfðar einkum til
þeirra sem láta sig varða atvinnumál á Austur-
iandi. Fjallað verður um aðgerðir og verkefni til
að styðja við frumkvæði i nýsköpun og auknum
atvinnutækifærum.
Fundartimi: 25. mars 1993 kl. 20:00
Fundarstjóri: Hermann Níelsson
Staður: Menntaskólinn á Egilsstöðum
JÍj§ IÐNAÐARRÁÐUNEYTIÐ
(j]) IÐNLÁNASJÓÐUR
lóntæknistof nun ■ ■
IÐNÞRÓUNARSJÓÐUR