Fréttablaðið - 13.10.2020, Blaðsíða 25

Betra start fyrir þig og þína
TUDOR
TUDOR er hannaður til þess að þola
það álag sem kaldar nætur skapa.
Forðastu óvæntar uppákomur.
Bíldshöfða 12 • 110 Rvk • 577 1515 • skorri.is
Mikið úrval - Traust og fagleg þjónusta
TUDOR
Veldu
öruggt
start me
ð
TUDOR
LEIKHÚS
Tæring
Hælið í samstarfi við Leikfélag
Akureyrar
Leikstjóri: Vala Ómarsdóttir
Leikskáld: Vilhjálmur B. Bragason
Leikarar: Árni Beinteinn, Birna
Pétursdóttir, Kolbrún Lilja Guðna-
dóttir, Sjöfn Snorradóttir, Stefán
Guðlaugsson, Ronja Sif Björk og
Sigríður Birna Ólafsdóttir
Leikmynda- og búningahönn-
uður: Auður Ösp Guðmundsdóttir
Ljósmyndir og vídeóverk: María
Kjartansdóttir
Frumsamin tónlist: Biggi Hilmars
Selló: Gréta Rún Snorradóttir
Hugmynd verkefnis/framkvæmd:
María Pálsdóttir
Hælið, Kristnes, Akureyri. Ung
kona horfir út um gluggann, út
í tómið. Áhorfendur horfa á úr
fjarska, í þann mund að taka skref
aftur í tímann. Tæring var frum-
sýnd í september rétt þegar verið
var að opna leikhúsin á nýjan leik,
en sýningin er samstarfsverkefni
milli Hælisins og Leikfélags Akur-
eyrar.
Upphaf lega hug my ndin að
sýningunni kemur frá Maríu Páls-
dóttur, sem fékk leik- og vand-
ræðaskáldið Vilhjálm B. Braga-
son sér til aðstoðar við að skrifa
handritið. Tæring er innblásin af
sögu berklasjúklinga sem dvöldu
á Kristneshæli á síðustu öld, alvöru
sorg og harmi. Leikstjórnin er í
höndum Völu Ómarsdóttur sem
Í snertingu við svartnættið
Síðustu augnablik nísta inn að beini, segir gagnrýnandi. MYND/AÐSEND
skapar dularfullan heim sem er
samsettur af leiknum senum, upp-
tökum og innsetningum.
Einungis tíu áhorfendur geta séð
sýninguna í einu og leiðir hjúkrun-
arfræðingur, leikinn af Kolbrúnu
Lilju Guðnadóttur, litla hópinn um
þrönga gangana, litlu herbergin og
sorgina sem virðist loða við vegg-
ina. Sál Tæringar er Birna Péturs-
dóttir sem leikur unga móður, sem
er aðskilin frá ástvinum sínum og
óviss um hvort þessi fáu skref sem
hún hefur tekið í heimi fullorðinna
verði mikið f leiri. Árni Beinteinn
leikur ungan mann sem á erfitt
með að skilja hlutskipti sitt í lífinu
og möguleg lok þess. Stefán Guð-
laugsson og Sjöfn Snorradóttir
leika minni hlutverk en fá bæði
tækifæri til að setja sitt mark á
sýninguna. Öll standa þau sig með
ágætum en gallinn er sá að ekki
er farið nægilega á dýptina þegar
kemur að karaktersköpun heldur
koma þau og fara líkt og vofur.
Mögulega er það markmiðið
en Vala vinnur sýninguna á hug-
myndum um staðbundið leikhús,
þar sem sýningin er sköpuð inn
rýmið. Kraftur Tæringar kemur
aðallega frá staðsetningunni og
þeim fordæmalausu tímum sem
við upplifum nú. En þessir tímar
eru kannski ekki eins fordæma-
lausir og við viljum halda, heldur
endurtekning á sögunni. Innviðir
hússins hafa lítið breyst og kannski
tímarnir ekki heldur. Að horfa inn í
herbergið þar sem sjúklingar voru
höggnir í lækningaskyni er eins og
að fá hnefahögg í kviðinn. Sömu-
leiðis einangrunartilf inningin
sem skapast af því að horfa út í kalt
náttmyrkrið.
Tæring er einstakt tækifæri til
að komast í návígi við sögu sem
margir eru búnir að gleyma en er
skelfilega nálæg okkur í tíma. Þrátt
fyrir vankanta á handriti er margt
í úrvinnslunni, og þá sérstaklega
einstaka svipmyndir, sem situr
sem fastast eftir. Síðustu augnablik
sýningarinnar nísta inn að beini,
þannig að lungun herpast saman.
Áhorfendur horfa á úr f jarska,
núna hinum megin við glerið.
Sigríður Jónsdóttir
NIÐURSTAÐA: Seiðmögnuð stað-
setning og ljúfsárar svipmyndir smjúga
inn að lungum.
AÐ HORFA INN Í
HERBERGIÐ ÞAR SEM
SJÚKLINGAR VORU HÖGGNIR Í
LÆKNINGASKYNI ER EINS OG AÐ
FÁ HNEFAHÖGG Í KVIÐINN.
M E N N I N G ∙ F R É T T A B L A Ð I Ð 13Þ R I Ð J U D A G U R 1 3 . O K T Ó B E R 2 0 2 0