Fréttablaðið - 28.10.2020, Blaðsíða 6

KÓPAVOGUR „Ég er búinn að vera
með lélega mætingu í haust á bæjar-
stjórnarfundi og gengst við því.
Ástæðan er sú að ég er að stunda aðra
vinnu líka,“ segir Guðmundur Gísli
Geirdal, sjómaður og bæjarfulltrúi
Sjálfstæðisflokksins í Kópavogi.
Sig urbjörg Erla Eg ilsdóttir,
bæjarfulltrúi Pírata, gagnrýnir að
Guðmundur Gísli sé við vinnu á
sjó þegar hann eigi að vera á bæjar-
stjórnarfundum. Hann hafi aðeins
mætt á einn bæjarstjórnarfund
af sjö frá því í júní. Sigurbjörg Erla
segir að hann ætti að biðjast lausnar
á meðan hann sé á sjó, slíkt séu ekki
lögmæt forföll.
Guðmundur Gísli telur það
óþarfa að biðjast lausnar. „Það
hitti svoleiðis á í haust að ég þurfti
að vera á sjó þegar það voru fundir,
ég kallaði inn ágætis varamann.
Ég myndi aldrei sleppa fundi til að
taka frí,“ segir hann.
„Ég bauð mig fram sem sjómaður
í bæjarstjórn, það vissu það allir
að ég ætlaði ekki að hætta í þeirri
vinnu til að gera bæjarfulltrúa-
starfið að aðalstarfi.“
Hann siglir frá Þórshöfn en hann
sé í góðu sambandi við aðra full-
trúa og sinni starfinu þó hann geti
ekki mætt á fundi, þá sé símasam-
bandið úti á sjó þess eðlis að erfitt
sé að vera þar á fjarfundum. Dregur
hann einnig í efa að þegar upp sé
staðið sé hann með verri mætingu
en aðrir.
„Ég viðurkenni alveg að ég þarf
á þessari vinnu að halda, ég hef
ekkert aðra vinnu og lifi ekki á 300
þúsund kalli sem bæjarfulltrúi. Nú
er ég á leiðinni í land og fer líklegast
ekki aftur á sjó fyrr en í maí, þannig
að þessir haustmánuðir skipta mig
máli,“ segir Guðmundur Gísli.
„Ef allir eru sammála því að
það megi ekki sleppa fundi vegna
vinnu þá eru skilaboðin þau að þú
getir ekki fengið sjómann í þetta
starf.“ – ab
Hlusta.is
Hljóðbókasafnið þitt
Alltaf við höndina
"beatles" by jacilluch CC 2.0
SKIPULAGSMÁL „Við ætlum fyrst
og fremst að taka þetta í rólegum
skrefum,“ segir Ásgeir Einarsson,
einn eigenda Gíslabæjar á Hellnum,
um áformaða uppbyggingu ferða-
þjónustu á jörðinni.
Eins og fram kom í Fréttablaðinu
í gær felur auglýst breyting á aðal-
skipulagi á Hellnum meðal annars
í sér að hægt verður að reisa átta 40
fermetra ferðaþjónustuhús ofan
vegar við Gíslabæ og 1.200 fer-
metra hótelbyggingu á lóð neðan
vegar. Á neðri lóðinni er þegar
heimild fyrir slíku byggingar-
magni, þótt það sé ekki skilgreint
undir gistiþjónustu.
Harðar gagnrýnisraddir eru uppi
vegna þessara áforma eins og sagt
var frá í gær. Ásgeir segir sér sýnast
athugasemdirnar að miklu leyti
byggðar á misskilningi.
„Meiningin er að byrja hægt
með smáhýsum fyrir ofan veg og
meta eftirspurnina. Þá sjáum við
hvort það er þörf á veitingum og
þess háttar og þá getum við tekið
upplýsta ákvörðun um það hvað á
að gera fyrir neðan veg,“ útskýrir
Ásgeir. Hann bendir á að skipu-
lagsvinna sé dýr og þess vegna séu
báðir reitirnir inni í myndinni.
Ásamt Kristjáni bróður sínum
og föður þeirra, Einari Ásgeirssyni,
kom Ásgeir á fót og rekur gisti-
þjónustuna Blackbeach Suites í Vík
í Mýrdal.
„Eins og flest ferðaþjónustufyrir-
tæki höfum við ekki mikið á milli
handanna og þess vegna er mikil-
vægt að gera þetta á hagkvæman
hátt,“ segir Ásgeir. Hann áttar sig illa
á því hvers vegna gefið sé í skyn að
þeir feðgar séu hluti af einhverjum
peningaöflum.
„Fólk sem þekkir okkur og las
þetta hló mikið. Við erum ekki
f járfestar heldur rekstrarmenn
sem stöndum á gólfinu allar vaktir.
Mér finnst dálítið illa þarna vegið
að verkefninu og við kannski vera
svolítið misskildir. Það eru engin
peningaöf l að fara af stað með
massífar hótelframkvæmdir. Þetta
á að byggjast upp á löngum tíma,“
ítrekar Ásgeir.
Að því er Ásgeir segir er ekkert
launungarmál að reitur fyrir neðan
veg hafi að miklu leyti verið for-
sendan fyrir kaupum þeirra á Gísla-
bæjarlandinu í fyrra.
„Þetta er f lott lóð sem þegar er
skipulögð sem verslunar- og þjón-
ustureitur. Það lá fyrir að þarna
gæti risið bygging,“ segir Ásgeir sem
aðspurður segir enn of snemmt að
ákveða nákvæmlega hvernig verði
byggt á Gíslabæ.
„Það hefur aldrei staðið til hjá
okkur að gera eitthvað sem fellur
ekki í kramið hjá fólki þarna í kring.
Það er rekstur þarna fyrir og þetta
á bara eftir að efla hann. Vonandi
verður svæðið sterkara fyrir vikið,“
segir Ásgeir.
Eftir helgi verður fjarfundur á
vegum Snæfellsbæjar um aðal-
skipulagsbreytinguna. Þar verða
hagsmunaaðilar fyrir svörum og
allir geta borið upp spurningar.
„Við hlökkum til að taka þátt og
ræða allar athugasemdir. Vonandi
finnst góð og farsæl lausn. Það var
alltaf forsendan að þetta falli vel í
byggðarlagið,“ segir Ásgeir
Blackbeach Suites þeirra feðga í
Vík í Mýrdal byggir á hótelíbúðum
og hosteli og er á sínu þriðja rekstr-
arári. „Það hefur gengið mjög vel
og við vildum endurtaka leikinn
á öðru svona skemmtilegu svæði,“
segir Ásgeir Einarsson.
gar@frettabladid.is
Hlakkar til að útskýra áform
um hótelbyggingu á Hellnum
Eigandi Gíslabæjar á Hellnum segir óvíst að hótel rísi þar, þótt það verði heimilað í aðalskipulagi. Byrja
eigi á rekstri smáhýsa og meta svo grundvöllinn fyrir frekari uppbyggingu. Hann segir gagnrýni á verk-
efnið til þessa byggða á misskilningi og hlakkar til að svara fyrir málið á fundi á vegum Snæfellsbæjar.
Hellnar eru vinsælt svæði og rómað fyrir náttúrufegurð. Land Gíslabæjar er til vinstri á myndinni. FRÉTTABLAÐIÐ/GVA
Mér finnst dálítið
illa þarna vegið að
verkefninu og við kannska
vera svolítið misskildir. Það
eru engin peningaöfl að fara
af stað með massífar hótel-
framkvæmdir.
Ásgeir Einarsson,
einn eigenda Gíslabæjar
Sjómennska ekki ástæða til að biðjast lausnar
Sigurbjörg Erla Egilsdóttir, bæjar-
fulltrúi Pírata í Kópavogi
BJÓR Danski bjórframleiðandinn
Carlsberg birti í gær fjárhagslegt
uppgjör sitt fyrir þriðja ársfjórð-
ung en þar kemur fram að bjórsala
til Kína og Rússlands er að bjarga
fyrirtækinu frá algjöru hruni vegna
kórónaveirufaraldursins.
Carlsberg er þriðji stærsti bjór-
framleiðandi heims og framleiðir
einnig önnur þekkt vörumerki
eins og Kronenbourg, Baltika og
Holsten. Carlsberg býst jafnvel við,
ef fram heldur sem horfir, að skila
hagnaði á árinu 2020, eitthvað sem
var ekkert endilega í kortunum í
upphafi COVID-faraldursins.
Í yfirlýsingu danska bjórrisans
kemur fram að bjórsala á börum og
veitingastöðum hefur farið niður
um fimmtung á þriðja ársfjórðungi
miðað við sama tíma árið 2019.
Hlutabréf í fyrirtækinu hafa fallið
um meira en 20 prósent síðan í
janúar á þessu ári. – bb
Kínamarkaður
bjargar danska
bjórrisanum
BANDARÍKIN Lögreglan í Fíladelfíu í
Bandaríkjunum skaut 27 ára gaml-
an blökkumann til bana á mánudag
eftir að hann neitaði að sleppa hníf
sem hann var með og kom ógnandi
að lögreglumönnunum. Miklar
óeirðir urðu í borginni í kjölfarið
en samkvæmt yfirlýsingu lögregl-
unnar slösuðust 30 lögregluþjónar
í óeirðunum og voru tugir óeirða-
seggja handteknir.
Talsmaður lögreglunnar sagði
að lögreglan hefði verið kölluð til
vegna Walter Wallace yngri sem
væri með hníf á götum Fíladelfíu.
Honum hafi verið skipað að sleppa
kutanum en þess í stað kom Wal-
lace askvaðandi að lögregluþjón-
unum sem skutu hann margsinnis.
Honum var ekið á sjúkrahús þar
sem hann var úrskurðaður látinn.
Blaðið The Philadelphia Inquirer
segir að mikill mannfjöldi hafi safn-
ast saman í borginni í gær og urðu
töluverðir pústrar milli mótmælenda
og lögreglunnar. Kveikt hafi verið í
lögreglubíl og rúður brotnar í versl-
unum og þær rændar. Einn lögreglu-
þjónn fótbrotnaði en aðrir slösuðust
við að fá steina og annað brak í sig.
Ættingjar Wallace hafa furðað sig
á því af hverju hann var skotinn til
bana og spyrja af hverju lögreglan
notaði ekki raf byssu. Hann hafi
verið veikur á geði og ekki gert flugu
mein. Foreldrar hans kölluðu eftir
réttlæti fyrir son sinn.
Donald Trump, forseti Bandaríkj-
anna, sagði að hann myndi senda
hermenn til Fíladelfíu ef þess þyrfti
til að koma böndum á óöldina. – bb
Miklar óeirðir í
Fíladelfíuborg
Mótmælandi og lögreglumaður
eiga samskipti. FRÉTTABLAÐIÐ/GETTY
2 8 . O K T Ó B E R 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð