Fréttablaðið - 13.11.2020, Side 14

1 3 . N Ó V E M B E R 2 0 2 0 F Ö S T U D A G U R12 S P O R T ∙ F R É T T A B L A Ð I Ð
SPORT
Erfið veðurskilyrði stöðvuðu ekki ítalska liðið
Íslenska landsliðið skipað drengjum undir 21 árs aldri tapaði 1-2 gegn Ítalíu á Víkingsvelli í gær og er ekki lengur með örlögin í sínum höndum í
umspilinu. Liðin áttu upprunalega að mætast fyrr á árinu en því var frestað vegna kórónaveirusmita innan ítalska liðsins. FRÉTTABLAÐIÐ/VALLI
FÓTBOLTI Þjálfarateymi kvenna-
landsliðsins í knattspyrnu tilkynnir
í dag hvaða leikmenn taka þátt í
lokaleikjum liðsins í undankeppni
Evrópumótsins í knattspyrnu.
Þegar Ísland á tvo leiki er eftir er
líklegt að sex stig dugi til að f leyta
kvennalandsliðinu beint inn á EM.
Búast má við að hópurinn verði
að mestu leyti óbreyttur frá síðasta
verkefni þegar Ísland mætti Sví-
þjóð. Þjálfarateymið þarf að glíma
við þau vandræði að um þriðjungur
leikmanna liðsins sem leikur með
öðrum íslenskum liðum en Val hafa
ekki fengið að æfa síðustu vikur og
vantar því aðeins upp á leikformið.
Þegar Ísland á tvo leiki eftir geta
stelpurnar okkar enn náð nítján
stigum í F-riðli sem Svíar hafa þegar
tryggt sér toppsætið í. Þrjú stiga-
hæstu liðin í öðru sæti fá beinan
þátttökurétt á Evrópumótinu og
er afar líklegt að nítján stig dugi
íslenska liðinu til að komast beint
inn á mótið. – kpt
Næsti hópur
tilkynntur í dag
Jón Þór ásamt Söru Björk og Hlín.
KÖRFUBOLTI Íslenska kvennalands-
liðið í körfubolta mátti lúta í gras
58-94 gegn Slóveníu í Grikklandi
í undankeppni EM í gær. Íslenska
liðið átti fínar rispur framan af og
hélt í við hið sterka lið Slóvena en
þegar líða tók á leikinn skildu leiðir.
Þegar líða tók á fyrri hálfleikinn
náðu Slóvenar betri tökum á leikn-
um og leiddu með 27 stigum í hálf-
leik. Íslendingum tókst að halda í
við Slóvenana lengst af í seinni hálf-
leik en með góðri rispu undir lokin
náðu Slóvenar að bæta við forskotið.
Þrír stigahæstu leikmenn Íslands
í undankeppninni til þessa, Helena
Sverrisdóttir, Hildur Björg Kjartans-
dóttir og Sylvía Rún Hálfdánardótt-
ir, gátu ekki gefið kost á sér og var
því kjörið tækifæri fyrir aðra til að
láta ljós sitt skína. Sara Rún Hinriks-
dóttir var atkvæðamest í liði Íslands
með 23 stig en Karla Rún Garðars-
dóttir úr Kef lavík og Eva Margrét
Kristjánsdóttir úr Haukum léku
fyrstu leiki sína fyrir Íslands hönd
í gær. – kpt
Slóvenar of stór
biti fyrir Ísland
NBA Þegar tæp vika er í nýliðaval
NBA-deildarinnar í körfubolta og
tæpur mánuður í að deildin hefjist
á ný stendur Golden State Warriors
frammi fyrir áhugaverðri ákvörð-
un. Félagið endurheimtir lykilleik-
menn úr meiðslum fyrir komandi
tímabil og er með annan valrétt í
nýliðavalinu eftir hörmulegt gengi
síðasta árs. Warriors hefur ekki
fengið jafn góðan valrétt í 25 ár
og eftir þrjá meistaratitla á fimm
árum eru grunnstoðirnar til staðar
til að byggja nýtt meistaralið. Það
þarf ekki að fara lengra en tólf ár
aftur í tímann til að finna lið sem
vann meistaratitil ári eftir að hafa
dvalið í ljóslausu herbergi í kjallara
deildarinnar.
Áhrif kórónaveirufaraldursins á
nýafstaðið tímabil í NBA gerði það
að verkum að fríið sem leikmenn-
irnir fá á milli tímabila er styttra
en nokkurn tímann áður. Lið sem
fóru langt í úrslitakeppninni fá afar
stutta hvíld áður en undirbúnings-
tímabilið hefst en það verða tæpir
tveir mánuðir liðnir frá sigri Los
Angeles Lakers í úrslitunum í haust
þegar boltinn fer að rúlla á ný í
desember. Það hefur lítil áhrif haft á
stjörnur Golden State. Steph Curry,
sem hefur tvisvar verið valinn besti
leikmaður deildarinnar, kom ekk-
ert við sögu eftir októbermánuð á
síðasta ári og Klay Thompson fékk
nægan tíma til að ná sér eftir að
hafa slitið hásin sumarið 2019. Þá
hefur Draymond Green fengið níu
mánuði í hvíld eftir að hafa reynt
að bera liðið á eigin herðum í þeim
43 leikjum sem hann kom við sögu
í á síðasta tímabili. Þeir þrír áttu
það sameiginlegt að hafa leikið til
úrslita fimm ár í röð og unnið þrjá
meistaratitla en koma nú endur-
nærðir eftir góða hvíld.
Liðið varð fyrir talsverðri blóð-
töku þegar Kevin Durant ákvað að
yfirgefa skipið í fyrra. Með Durant
innanborðs virtist liðið oft óstöð-
vandi og átti fjarvera Durant og
Thompson vegna meiðsla ef laust
stóran þátt í titli Toronto Raptors
eftir sigur á Warriors. Warriors hafa
reynt að finna fjórða púslið sem
félagið telur þurfa í annað áhlaup að
meistaratitli með D’Angelo Russ ell
sem var síðar skipt út fyrir Andrew
Wiggins en hvorugur þeirra er lík-
legur til að koma liðinu yfir línuna.
Orðrómurinn að Warriors ætli sér
að gera atlögu að gríska stjörnu-
leikmanninum Giannis Antetoko-
unmpo neitar að deyja út en með
Giannis innanborðs yrði lið Warri-
ors óarennilegt.
Warriors gæti nýtt valréttinn til
að velja ungan leikmann með auga-
stað á framtíðinni en gáfulegra væri
líklegast að skipta valréttinum og
Wiggins fyrir fjórða hjólið í meist-
arakandídat. Wiggins gæti notið
sín þegar hann er utan sviðsljóss-
ins í liði Warriors en honum hefur
aldrei tekist að standa undir vænt-
ingum sem gerðar voru til hans.
Þríeykið sem ræður úrslitum um
hvort að Warriors geti gert atlögu að
meistaratitlinum er komið yfir þrí-
tugsaldurinn og á því enn nokkur ár
til að geta gert atlögu að meistara-
hring. kristinnpall@frettabladid.is
Þríeykið mætir aftur til leiks
Eftir fimm ferðir í röð í úrslit NBA-deildarinnar í körfubolta olli lið Golden State miklum vonbrigðum á
síðasta tímabili. Þríeykið sem myndar kjarna liðsins hefur fengið góða hvíld og eygir annan meistaratitil.
Curry, Green og Thompson hafa unnið þrjá titla saman og eru líklegir til afreka á næsta tímabili. FRÉTTABLAÐIÐ/GETTY
FÓTBOLTI Stjórnvöld í Englandi sam-
þykktu í gær að veita íslenska karla-
landsliðinu í knattspyrnu undan-
þágu frá ferðabanni stjórnvalda og
mætast liðin því á Wembl ey í næstu
viku. Það verður því ekkert úr því
að leikurinn verði færður en búið
var að kanna hvort leikurinn þyrfti
að fara fram í Þýskalandi.
Stjórnvöld í Englandi settu á
dögunum ferðabann frá Dan-
mörku eftir að nýtt af brigði af
kórónaveirunni fannst í minkum
þar í landi. Ísland mætir Dönum á
sunnudaginn og fá nú heimild til að
mæta Englandi á Wembley næsta
miðvikudag. – kpt
Íslenska liðið
fær undanþágu