Safnablaðið Kvistur - 2019, Side 30

30
Þegar rýnt er í hugtakið sjálfbærni,
verður safnmanninum ljóst að söfn
eru líklega þær stofnarnir sem hvað
lengst hafa unnið með sjálfbærni að
leiðarljósi, enda á safnkostur lögum
samkvæmt að varðveitast og nýtast
til framtíðar. Hægt er að rannsaka
og sýna sömu gripina aftur og aftur
í mismunandi samhengi. Hér hljóta
söfnin að vera fyrirrennarar í átt að
betra samfélagi þar sem endur-
vinnsla skiptir æ meira máli.
En þegar litið er til kostnaðar við
sýningu og varðveislu safngripa,
kemur annað upp á teninginn. Hvað
kostar að sýna og varðveita sífellt
stækkandi menningarfinn? Á kíló, á
rúmmetra, á ári, eða jafnvel öld? Af
hverju er sífellt dýrara að setja upp
sýningar og hanna góðar geymslur?
Getur varðveisla safngripa verið
sjálfbær og umhverfisvæn í takt
við kröfur nútímans? Þetta eru
spurningar sem við verðum að velta
fyrir okkur til að reyna að finna
jafnvægi á milli hlutverks safna
og reksturs þeirra. Hægt er að ná
árangri á öllum sviðum með því
að meta stöðuna og rýna í þau at-
riði sem við treystum okkur til að
breyta. Þetta er gert á sama hátt og
þegar heimili tekur af skarið um
að minnka sóun og flokka ruslið.

Sjálfbærni
í varðveislu
og forvörslu
SÖFN OG UMHVERFI
Plastumbúðir fyrir fornleifafundi
Plastumbúðir fyrir langtímavarðveislu ljósmyndafilma
• Safnað minna og grisjað
fyrirliggjandi safnkost
• Endurnýtt betur búnað sem
verður til við sýningagerð
• Lengt sýningartíma dýrra
sýninga og lagt áherslu á
að nýta þær betur með því
að skipuleggja viðburði í
tengslum við þær
• Lánað sýningar og gefið
þeim þannig framhaldslíf
• Dregið úr prentun bæklinga
og annars kynningarefnis
• Minnkað orkunotkun
með því að endurnýja
lýsingarbúnað
• Lækkað hitastig í geymslum
þar sem það á við
• Lengt tímaramma áætlun-
ar bæði á sviði sýninga og
varðveislu t.d. 5 ára plan fyrir
sýningar og 20 ára plan fyrir
varðveislu
• Verið til fyrirmyndar
og vakið athygli gesta
á aðgerðum þess í þágu
sjálfbærni
Söfnin geta til dæmis