Safnablaðið Kvistur - 2019, Page 49

49
Safnaráð - safnasjóður · Gimli · Lækjargötu 3 · 101 Reykjavík
Sími 534 2234 · safnarad@safnarad.is · www.safnarad.is
Opnað verður fyrir
umsóknir í aukaúthlutun
safnasjóðs 2019 og
í aðalúthlutun safnasjóðs
2020 í lok október.
Fylgist með á vef safnaráðs
www.safnarad.is.
Frétt um fjárlögin:
Safnasjóður vex
Rétt um það leyti sem Kvistur fór í prent birtist
fjárlagafrumvarp ársins 2020 á vefnum. Þar kennir
að venju ýmissa grasa en það sem líklega gleður
safnmenn um land allt er umtalsverð hækkun
framlaga til safnasjóðs. Samkvæmt frumvarpinu
mun sjóðurinn hafa 250 milljónir á árinu 2020 sem
er hækkun um 100 milljónir frá árinu í ár. Kvistur
vonar að ekki hafi verið um innsláttarvillu að ræða
og sú leiðrétting sem lengi hefur verið beðið eftir
á framlögum til sjóðsins sé orðin að veruleika.
Ríkið lagði með safnalögum auknar skyldur á
herðar viðurkenndra safna án þess að leggja
þeim til fé á móti. Þessi hækkun er því mikið
fagnaðarefni og liður í að koma til móts við fjárþörf
safnanna svo þau geti staðið við skyldur sínar.