Feykir - 14.08.2019, Blaðsíða 8

Ef það er um það bil þannig
að maðurinn í núverandi mynd
sinni hafi komið fram fyrir fáum
milljónum ára, ekki tekið sér
fasta búsetu og hafið ræktun
lands fyrr en fyrir 10.000 árum
og ekki innleitt tækni né hafið
eiginlega auðlindanýtingu og
orkubrennslu í stórum stíl fyrr en
undir 1800 þá verður að segjast
að allt hefur verið að gerast á
síðustu 200 árum eða svo.
Áætlað hefur verið að fjöldi
manna gæti hafa verið um 5
milljónir fyrir 10.000 árum og
líklega á bilinu 3 til 600 milljónir
við Kristsburð fyrir um 2000
árum. Líklegt er talið að fjöldi
manna hafi verið um 1 milljarður
um 1800 og mannskepnan
ekki svo mjög farin að hafa áhrif
á umhverfi sitt. Núna réttum
219 árum síðar erum við 7,7
„Maður og náttúra, nýtilkominn sambúðarvand“
Hörður Ríkharðsson kennari í Blönduskóla og fyrrum Alþingismaður.
MYND: ÚR EINKASAFNI
Hörður Ríkharðsson
ÁSKORANDINN bladamadur@feykir.is
milljarðar og stærsta viðfangsefni
samtímans er að ná tökum á
þeim áhrifum sem við höfum á
umhverfi okkar. Tvöhundruð ár er
ofboðslega skammur tími í sögu
mannsins að ekki sé talað um í
sex milljarða ára sögu alheimsins.
Mér finnst að fólk ætti að gefa sér
tíma til að hugleiða þennan stutta
tíma og þennan mikla fjölda.
Ótrúlegt er að heyra stundum sagt
að hitt eða þetta hafi nú löngum
verið svona eða hinsegin þegar
staðreynd er að fyrir augnabliki
þá voru mjög fáir menn á jörðinni
og eiginlega ekkert um að vera.
Tvöhundruð ár af stanslaust
vaxandi auðlindanýtingu og
kolefnalosun virðist vera á
örskömmum tíma að gjörbreyta
lífsskilyrðum okkar. Ég tel það
stærstu skyldu allra manna að
staldra við og hugleiða þessi
mál og lesa sér til í hverri viku.
Vonandi er þessi vandi ekki svona
mikill og vonandi eru lausnir
handan við hornið, en á meðan
ekki er sýnt fram á hvoru tveggja
verður að virkja alla. Skylda
upplýstra, menntaðra og ríkra
þjóða er meiri en annarra.
Allt annað mál – um páskana
fór ég til New York og sá að enn
er verið að byggja 65 hæða hús
á Manhattan eyju. Við ókum í
tvo og hálfan tíma upp í sveit í
Connecticut, þar var enginn að
byggja og sumir á förum. Alltaf
jafn erfitt að skilja þetta, hvar sem
maður er í heiminum. Furðuleg
skepna, mannskepnan.
Ég skora á Sigríði B Aadnegard
skólastjóra á Húnavöllum að
skrifa grein.
Réttir Food Festival 2019
Spennandi matarhátíð á
Norðurlandi vestra
Næstkomandi föstudag hefst í fyrsta skiptið matarhátíð sem kallast Réttir - Food Festival og
fer fram á ýmsum stöðum á Norðurlandi vestra. Gestum verður boðið upp á skemmtilega
upplifun og fræðslu um mat og menningu á svæðinu. Fjölmargar uppákomur verða þá tíu
daga sem hátíðin stendur, allt frá Laugarbakka í Miðfirði, út í Fljót í Skagafirði.
Veitingahúsaeigendur og framleiðendur á svæðinu standa að hátíðinni en Þórhildur María
Jónsdóttir, umsjónarmaður Vörusmiðju BioPol á Skagaströnd, er í forsvari. Feykir leitaði til
hennar með nokkrar spurningar varðandi hátíðina.
„Með Réttir food festival langar
okkur að beina sviðsljósinu að
öllum þeim kræsingum, sem
framleiðendur og veitingamenn
á Norðurlandi vestra eru að
töfra fram hér árið um kring.
Þetta langar okkur að kynna
fyrir gestum svæðisins og ekki
síður heimafólkinu,“ segir
Þórhildur. Þema hátíðarinnar
og aðalinntakið er að vörurnar
séu framleiddar og/eða fram-
reiddar á Norðurlandi vestra en
með því kynnast gestir allri
gróskunni í matvælaframleiðslu
svæðisins, gömlum hefðum
hennar en einnig framsæknum
nýjungum.
Hverjir standa að verkefninu?
„Þetta er samstarfsverkefni
Ferðamálafélaganna þriggja í
Húnaþingi vestra, A-Hún. og
Skagafirði og hlaut það styrk úr
Uppbyggingarsjóði sóknar-
áætlunar landshlutans.
En svo eru það auðvitað
veitingastaðirnir og fram-
leiðendurnir, sem með sínum
fjölbreyttu viðburðum bera
matarhátíðina uppi þegar á
hólminn er komið.“
Þórhildur segir aðspurð um
hennar aðkomu að verkefninu
vera á þá leið að í gegnum störf
hennar tengdum ferðaþjónustu
hafi hún alltaf dáðst að
fjölbreytninni í veitinga-
mennskunni á svæðinu og í
gegnum starfið í Vörusmiðjunni
hefur hún fengið enn betri
yfirsýn yfir þá frábæru
framleiðendur, sem eru að gera
flotta hluti. „Þetta fannst mér
þurfa að draga fram og þá væri
hátíð, sem þessi rétti
vettvangurinn. Við hvetjum
fólk til að notfæra sér þetta
stórkostlega tækifæri til að
kynnast öllu því besta í
matarflórunni okkar. Svo er um
að gera að sækja viðburði sem
víðast og kynnast um leið
svæðinu og fólkinu.“
Inni á heimasíðunni rettir.is
eru viðburðum raðað eftir
tímasetningu og þar geta gestir
fengið nánari upplýsingar og
bókað sig inn á viðburðina á
einfaldan hátt. Verðlagning er
mjög hófleg og jafnvel nokkrir
viðburðir fólki að kostnaðar-
lausu. /PF
Evrópubikarkeppni landsliða í frjálsíþróttum
Jóhann Björn og félagar
sigruðu í 4x100m
Evrópubikarkeppni landsliða í frjálsíþróttum fór fram um
helgina þar sem keppt var í fjórum deildum: Ofurdeildinni,
1., 2. og 3. deild. Íslendingar kepptu í 3. deild ásamt tólf
öðrum liðum, og fór sú keppni fram í Skopje í Norður-
Makedóniu 10.-11. ágúst. Keppt var í tuttugu greinum í
karlaflokki og tuttugu greinum í kvennaflokki og voru þrír
Skagfirðingar meðal þátttakenda, tveir keppendur og einn
þjálfari.
Ísak Óli Traustason keppti í
110m grindarhlaupi og lang-
stökki, og Jóhann Björn
Sigurbjörnsson keppti í 100m
hlaupi og 4x100m boðhlaupi,
báðir liðsmenn UMSS.
Sigurður Arnar Björnsson,
verkefnastjóri landsliða FRÍ
og aðalþjálfari frjálsíþrótta-
deildar Tindastóls, var í
fylgdarteymi liðsins. Eftir að
serbneska sveitin var dæmd
úr leik varð ljóst að
Íslendingar stóðu efstir og
keppa því í 2. deild næst.
„Þegar lokið var keppni í
helmingi greina í Evrópu-
bikarkeppninni, 3. deild, var
staða efstu liða þessi: 1. Serbía
230 stig, 2. Ísland 222 stig og
3. Bosnía-Herzegovína 206
stig. Tindstælingarnir í hóp-
num stóðu sig vel.
Jóhann Björn Sigurbjörnsson
var í sigursveit Íslands í
4x100m boðhlaupi, og varð í
4. sæti í 100m hlaupi. Ísak Óli
Traustason endaði í 4. sæti í
110m grindahlaupi og 6. sæti
í langstökki“. /PF
Sigursveitin í 4x100m. Juan Ramon, Jóhann Björn, Kolbeinn Höður og
Ari Bragi. MYND: FRÍ
8 30/2019