Feykir - 27.02.2019, Síða 8

Hrefna og Iðunn að gera það sem þeim þykir skemmtilegast. MYND AÐSEND
SVEITARSTJÓRNARFULLTRÚINN
Hrefna Jóhannesdóttir oddviti Akrahrepps
Umhverfismálin mér alltaf ofarlega í huga
Hrefna Jóhannesdóttir, oddviti
Akrahrepps, býr á Silfrastöðum
í fríríkinu Akrahreppi í Skaga-
firði. Hún er menntaður
skógfræðingur (M.Sc) frá
landbúnaðarháskólanum
að Ási í Noregi og sinnir
starfi skipulagsfulltrúa
Skógræktarinnar meðfram
skyldustörfum hreppsstjórans.
Þá er hún stórvirkur skógar-
bóndi á Silfrastöðum. Hrefna er í
sambúð með Johan W. Holst, og
eiga þau tvö börn, Jan Eskil (f.
2005) og Iðunni (f. 2007).
Hrefna er sveitarstjórnarfulltrúi
Feykis þessa vikuna.
Hvenær og hvernig vaknaði
áhugi þinn á pólitík? -Þeir sem
þekkja mig vita að ég hef aldrei
haft neinn sérstakan áhuga á
pólitík, ekki þannig lagað. Ég
hins vegar hef alltaf haft áhuga á
því að stuðla að því að samfélagið
í kringum mig dafni og þróist.
Hvernig kom það til að þú tókst
sæti á lista í síðustu sveitar-
stjórnarkosningum? -Í Akra-
hreppi er óhlutbundin kosning.
Ég nota tækifærið og þakka
sveitungum mínum traustið.
Hefur þú áður tekið þátt í
sveitarstjórnarkosningum?
-Nei.
Hvaða máli værir þú líkleg til
að beita þér fyrir á kjör-
tímabilinu? -Ég mun beita mér
fyrir þeim hagsmunamálum
sem skipta íbúa Akrahrepps
mestu máli en við héldum
íbúaþing í nóvember sl. til þess
að gefa íbúunum færi á að segja
sína skoðun varðandi ýmis
málefni. Annars eru umhverfis-
málin mér alltaf ofarlega í huga.
Hvaða mál færðu oftast að
ræða eða heyra um hjá íbúum?
-Skólamálin ber oft á góma, auk
þess sem staða landbúnaðarins
skiptir okkur öll máli enda
Akrahreppur mikið landbún-
aðarhérað. Svo eru umhverfis-
mál, s.s. sorphirðan, eitthvað
sem varðar okkur öll.
Ef þú mættir framkvæma og
þyrfti ekki að hafa áhyggjur af
kostnaði þess, hvert yrði það
verkefni? -Þá yrði viðhald og
uppbygging grunnskólans og
leikskólans í Varmahlíð sett í
forgang, ekki spurning.
Hvaða áhugamál áttu fyrir utan
pólitíkina? -Hestamennska og
útivist. Lífið er best úti.
Hver er uppáhalds tónlistar-
maðurinn? -Við fjölskyldan
hlustum mikið á tónlist en af
öllum góðum mönnum og
konum, þá stendur Nick Cave
upp úr.
Hver er uppáhalds kvikmynd-
in? -Þær eru margar góðar. Ætli
ég svari ekki bara að hver sú
mynd sem stuðlar að því að við
fjölskyldan skemmtum okkur
öll jafnvel, sé svolítið uppáhalds.
Hvað gerðir þú í sumarfríinu?
-Við mæðgur fórum í skemmti-
lega hestaferð með góðum
vinum og erum farnar að hlakka
til næstu ferðar á komandi
sumri. Feðgarnir njóta sín á
kajak á meðan. Annars höfum
við fjölskyldan verið dugleg við
að taka frekar haustfrí þó ekki
hafi gefist tími til þess sl. haust.
Eitthvað í lokin? -Ég þakka fyrir
tækifærið að fá að kynnast
sveitarstjórnarmálum betur og
hlakka til samstarfsins með
fólkinu mínu í Akrahreppi og
öðrum sveitarfélögum einnig.
UMSJÓN
Páll Friðriksson
Ég tók þeirri áskorun frá
henni Heiðu systur að munda
pennann, eða í þessu tilfelli,
pikka á lyklaborðið. Að vera
brottfluttur Skagfirðingur er
ákveðinn „status“. Ég bjó í
Skagafirðinum í 21 ár; lengst
af í Ketu í Hegranesi, þar
sem foreldrar mínir búa enn.
Ég er elst fjögurra systkina
og hjálpaði til við öll helstu
sveitastörfin frá því ég fór að
geta gert gagn. Þegar ég fór að heiman
vantaði mig vinnu, fyrst
með skólanum og síðan
fulla vinnu. Þá var ég svo
einstaklega heppin að fá
vinnu í Versluninni Tindastól
við Hólaveginn sem átti sinn
þátt í að móta mig og gera
mig að þeirri konu sem ég er
í dag. Að kynnast því frábæra
fólki sem þar var í vinnu og
öllum þeim einstaklingum
sem komu og versluðu við
kaupmanninn á horninu var
ómetanlegt. Þegar ég hugsa
um þennan tíma sem varði
alveg frá árunum 1986 til
1990, get ég ekki varist
brosi. Það var yfirleitt alltaf
gaman í vinnunni, Erling og
Sigrún algjörlega frábærir
yfirmenn og þau treystu
manni einhvern veginn alltaf
og sýndu það bæði í orðum
og verki. Silló heitin var
einnig liðtæk þegar maður
þurfti einhverja aðstoð og
hún þreyttist aldrei á að
aðstoða og hvetja.
Það má segja að Erling
heitinn hafi svo verið stór
áhrifavaldur í mínu lífi þegar
ég ákvað að flytja í burtu frá
Króknum og kanna ókunnar
slóðir, eða kannski mætti
frekar kalla hann örlagavald.
Eftir stúdentspróf vissi ég
ekkert hvað ég vildi verða
þegar ég yrði stór og langaði
að gera eitthvað allt annað
en ég hafði verið að gera,
kynnast nýju fólki og fara
úr þeim aðstæðum sem ég
var í. Þetta var sumarið/
vorið 1990 og ég með
ársgamalt stúdentspróf
upp á vasann, sem gerði
mér kleift að sækja um
eina af þeim óteljandi
stöðum leiðbeinanda í
grunnskóla sem fylltu
allar atvinnuauglýsingar í
Mogganum. Ég sá það í
hyllingum að prófa að kenna
í grunnskóla (en vildi alls
ekki kenna í Skagafirðinum).
Ég var því eitthvað að bera
mig upp við Erling einhvern
tímann í vinnunni og sagði
honum að ég vissi ekkert
hvar ég ætti að sækja um,
það eina sem ég væri búin
að ákveða væri að sækja um
einhvers staðar......þá sagði
hann (og ég sé hann alveg
fyrir mér þegar hann sagði):
„Viltu ekki bara sækja um
á Þingeyri, það er svo ansi
hreint góður harðfiskurinn
sem við kaupum af
honum Nonna,“ – sem var
harðfiskverkandi á Þingeyri,
sem við seldum harðfisk frá.

Ég tók hann á orðinu, sótti
um við Grunnskólann á
Þingeyri, fékk stöðuna og
fór vestur um haustið að
kenna 5. bekk fyrir hádegi
og 3. bekk eftir hádegi.
Þarna fann ég mína hillu
og minn stað; því ég hef
búið á Þingeyri nánast alveg
síðan. Ég fór í fjarnám við
Kennaraháskóla Íslands til
að ná mér í réttindi, því þetta
starf höfðaði til mín – þarna
var mín hilla.
Nú, 29 árum og nokkrum
háskólagráðum síðar, bý
ég enn á Þingeyri með
eiginmanninum sem er
Dýrfirðingur í húð og hár,
kenni enn við Grunnskólann
á Þingeyri og hef alið upp
þrjú börn hér, Dýrfirðinga,
sem öll eru flogin úr hreiðrinu
og er m.a.s. orðin tveggja
barna amma. Á þessum
tæplega 30 árum hef ég
einnig verið áhrifavaldur
í lífi nokkurra ungmenna
alveg eins og Erling var í
mínu lífi. Fyrir það er ég
endalaust þakklát. En það er
magnað að vera „skagfirskur
Dýrfirðingur“ – það verð
ég þá daga sem ég á eftir
ólifaða :o)
Virðingarfyllst, Jónína Hrönn
Símonardóttir (Ninna).
- - - - -
Ég skora á bekkjarsystur
mína úr Gagganum á Krók,
Evu Hjörtínu Ólafsdóttur að
rita næsta pistil.
ÁSKORENDAPENNINN
Jónína Hrönn Símonardóttir brottfluttur Skagfirðingur
Áhrifavaldur eða örlagavaldur?
UMSJÓN
Páll Friðriksson
Jónína Hrönn, eða Ninna, ásamt fjölskyldu sinni á Þingeyri.
AÐSEND MYND
8 08/2019