Feykir - 23.10.2019, Qupperneq 2

Svarið við því er ekki einhlítt enda persónubundið hverjum
og einum. Ég velti þessu fyrir mér um daginn þegar einn
ágætur Íslendingur sagði frá því á einhverjum miðlinum að
hann væri fluttur til Spánar eða Tenerife því hann gæti ekki
með nokkru móti náð endum
saman á Íslandi. Taldi hann
upp allt það sem hann gat
keypt sér fyrir mun minni
upphæð en gerðist á skerinu
norður í ballarhafi. Leigan var
lág, maturinn ódýr, bjórinn
kostaði nánast ekkert, hvað þá
rauðvínið. Sem sagt algjört
sældarlíf í sólinni.

Ég kannaðist alveg við þetta
eftir að hafa sjálfur farið nokkra daga til Tene fyrir einhverum
misserum. Mér fannst það alveg ágætt að geta keypt bjórinn í
næstu matvöruverslun og geta farið út að borða á hverju kvöldi
fyrir sömu upphæð og pylsa með öllu kostar hér heima. Ekki
var heldur amalegt að spóka sig í hitanum þær tvær vikur sem
ég staldraði þar við. Þá skemmti það sumum í kringum mig
hvað hinar ýmsu merkjavörur voru ódýrari í verslunum þar en
hér heima.
En hvernig skyldi standa á því að vörur og þjónusta séu
svona mikið ódýrari þar en hér. Ekki er ég neinn sérfræðingur
í þeim málum en mér dettur fyrst í hug að kaup og kjör
almennings séu ekki sambærileg og hér tekur ríkið helminginn
af því sem launagreiðandi þarf að punga út fyrir hvern og einn.
Á Íslandi hefur almenningur, að mestu, það mjög gott. Kaupið
er víðast í lagi þó svo að allir vilji hafa það hærra. Vinnandi fólk
á Íslandi þarf ekki að reiða sig á þjórfé til að afla tekna. Fyrir
vikið þarf launagreiðandi, t.d. veitingasali, að verðleggja
þjónustuna inn í matarverðið. Bjórinn og rauðvínið hækkar
auðvitað líka, en mest fær þó ríkið í sinn vasa sem skattleggur
þá neysluvöru í hæstu hæðir.
Það er misjafnt hvað fólki finnst matvara dýr en
mjólkurlítrinn á 140 kall á Íslandi er ekki mikið miðað við
vatnið sem hægt er að kaupa á 100% hærra verði, ef ekki 200%,
eða lambalærið sem kostar rúmlega 1200 kall miðað við
flatböku með kryddbjúga á yfir 2000 krónur. Verð og aðgengi
að bjór og rauðvíni er bara pólitískt mál sem hægt væri að
breyta með samstilltu átaki. Húsnæðisverð og leigukostnaður
er hár á Íslandi og alveg sérstaklega á höfuðborgarsvæðinu. Þar
gæti ég trúað að margan svíði undan. En af hverju eru þá svo
margir að hrúgast á það svæði?
Nú hefur litið dagsins ljós ný Sóknaráætlun fyrir Norðurland
vestra fyrir árin 2020-2024 þar sem unnið er út frá fjórum
lykilmálaflokkum: Atvinnuþróun og nýsköpun, menningar-
málum, umhverfismálum og að síðustu menntun og
lýðfræðilegri þróun. Í hverjum málaflokki eru sett markmið og
jafnframt tilgreind dæmi um aðgerðir. Þetta er spennandi
verkefni sem vert er að gefa gaum. Á Norðurlandi vestra er gott
að búa og ekkert sem ætti að vera því til fyrirstöðu að íbúatalan
hækki ef vel er á málum haldið. Þá gæti líka verið best að búa á
Norðurlandi vestra.
Páll Friðriksson
ritstjóri
LEIÐARI
Hvar er best að búa?
Mikill afli barst á land á Sauðárkróki í síðustu viku en þá var landað rúmlega 1.000 tonnum
þar og átti togarinn Arnar HU stærstan hluta þess afla eða rúm 530 tonn. Rúm 128 tonn
bárust til Skagastrandar og á Hvammstanga var landað 4,3 tonnum. Heildarafli vikunnar á
Norðurlandi vestra í síðustu viku var 1.147.529 kíló. /FE
Aflatölur 13. – 19. okt. 2019
Arnar HU með 531 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Dúddi Gísla GK 48 Lína 17.357
Elfa HU 191 Handfæri 1.464
Geirfugl GK 66 Landbeitt lína 19.380
Gulltoppur GK 24 Landbeitt lína 9.473
Hafdís HU 85 Handfæri 1.078
Hafrún HU 12 Dragnót 33.154
Hjalti HU 313 Handfæri 1.278
Húni HU 62 Handfæri 559
Kristinn SH 812 Landbeitt lína 36.371
Loftur HU 717 Handfæri 339
Ragnar Alfreðs GK 183 Handfæri 307
Sara KE 11 Handfæri 479
Alls á Skagaströnd 128.378
HVAMMSTANGI
Sjöfn SH 707 4.300
Alls á Hvammstanga 4.300
SAUÐÁRKRÓKUR
Arnar HU 1 Botnvarpa 531.048
Dagur SK 17 Rækjuvarpa 7.790
Drangey SK 2 Botnvarpa 215.565
Guðrún GK 47 Lína 20.372
Hafborg SK 54 Þorskfiskinet 5.487
Kristín GK 457 Lína 69.419
Málmey SK 2 Botnvarpa 131.332
Maró SK 33 Handfæri 342
Onni HU 36 Dragnót 19.243
Óskar SK 13 Handfæri 333
Þorleifur EA 88 Dragnót 13.920
Alls á Sauðárkróki 1.014.851
SKAGASTRÖND
Auður HU 94 Landbeitt lína 3.454
Bergur sterki HU 17 Lína 2.436
Blíðfari HU 52 Handfæri 545
Bragi Magg HU 70 Handfæri 704
Húnaþing vestra
Vatnsnesvegur kominn
á samgönguáætlun
Sigurður Ingi Jóhannsson, samgöngu- og
sveitarstjórnarráðherra, hefur kynnt endurskoðaða
samgönguáætlun fyrir árin 2020-2034. Segir ráðherra
að ávinningur af samgönguáætluninni sé aukið öryggi,
stytting vegalengda og efling atvinnusvæða.
Endurskoðuð samgönguáætlun fyrir árin 2020 til 2034
er nú komin í samráðsgátt og gerir ráðherra ráð fyrir að
hún verði lögð fram á þingi um miðjan nóvember.
Á fyrsta tímabili áætlunarinnar er gert ráð fyrir
framkvæmdum við Þverárfjallsveg um Refasveit og
Skagastrandarveg um Laxá. Hönnun þeirrar
framkvæmdar var nýlega boðin út og stendur nú yfir.
Þá er Vatnsnesvegur nú loksins komin inn á áætlun en
gert er ráð fyrir þremur milljörðum króna í endurbætur
á veginum á þriðja tímabili áætlunarinnar.
Á vef SSNV, Samtaka sveitarfélaga á Norðurlandi
vestra, kemur fram að þessar framkvæmdir báðar
voru nefndar í nýlegri Samgöngu- og innviðaáætlun
Norðurlands vestra og skilgreindar sem forgangs-
verkefni í landshlutanum og sammæltust öll sveitarfélög
starfssvæðis SSNV um þessa forgangsröðun. Í
samráðsgátt stjórnvalda má finna drög að fimmtán ára
samgönguáætlun 2020-2034 og fimm ára aðgerða-
áætlun 2020-2024. /FE
Endurbætur á Vatnsnesvegi eru nú komnar inn á
samgönguáætlun. MYND: FE
Sveitarfélagið Skagaströnd
Fellir niður gatnagerðargjöld
Sveitarstjórn Skagastrandar hefur auglýst afslátt allra
gatnagerðargjalda vegna bygginga á lóðum við þegar
tilbúnar götur. Er það gert í framhaldi af samþykkt
sveitarstjórnar frá 20. ágúst sl. Umsóknarfrestur um
lóðirnar er til 1. maí 2020 og skulu byggingar-
framkvæmdir á lóðunum hafnar innan árs frá úthlutun.
Samþykkt fundarins hljóðar svo:
Sveitarstjórn Skagastrandar samþykkir að auglýsa
sérstaklega byggingarlóðir við þegar tilbúnar götur
þannig að veittur verði afsláttur allra gatnagerðagjalda
vegna bygginga á lóðunum.
Umsóknir skulu berast eigi síðar en 1. maí 2020, en
umsóknir sem berast innan umsóknarfrests verða
afgreiddar af hafnar- og skipulagsnefnd eftir því sem
efni standa til og gildir röð umsókna um nýtingu
fyrrgreinds afsláttar.
Við úthlutun lóðanna skulu gilda ákvæði um að
byggingarframkvæmdir skuli hafnar innan árs frá
úthlutun og að byggingar hafi hlotið fokheldisvottorð
innan tveggja ára. Að öðrum kosti fellur niður ákvæði
um afslátt gatnagerðargjalda.
Nánari upplýsingar um byggingarlóðir er að finna á
vef Skagastrandar. /FE
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Auglýsingastjóri:
Sigríður Garðarsdóttir, siggag@nyprent.is & 4557171,
Áskriftarverð: 555 kr. hvert tölublað með vsk. Lausasöluverð: 685 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
2 40/2019