Morgunblaðið - 06.05.2020, Síða 6

6 FRÉTTIRInnlent
MORGUNBLAÐIÐ MIÐVIKUDAGUR 6. MAÍ 2020
Er ferðavagninn rafmagnslaus?
TUDOR TUDOR
Bíldshöfða 12 • 110 Rvk • 577 1515 • skorri.is
Mikið úrval - Traust og fagleg þjónusta
Veldu
örugg
t
start
með
TUDO
R
Frístunda rafgeymar
í miklu úrvali,
AGM þurr rafgeymar
eða lokaðir
sýrurafgeymar.
SVIÐSLJÓS
Kristján H. Johannessen
khj@mbl.is
„Það er í raun ótrúlegt hvað menn
byrja seint að hreinsa götur hérna,
en sem dæmi má nefna að sam-
kvæmt plani Reykjavíkurborgar
stendur ekki til að byrja að hreinsa
síðustu hverfin í Grafarvogi fyrr en
11. júní. Þá er nú bara nánast byrj-
að að hausta aftur,“ segir Ólafur
Kr. Guðmundsson, varaborgar-
fulltrúi Sjálfstæðisflokksins og íbúi
í Grafarvogi, í samtali við Morg-
unblaðið.
Byrjað var að hreinsa húsagötur
í Reykjavík 30. apríl síðastliðinn og
hófst verkið í póstnúmeri 116, Kjal-
arnesi. Farið er hverfaskipt um
höfuðborgina og er breytilegt eftir
árum í hvaða hverfi vinnan hefst.
Að þessu sinni eru síðustu göturnar
Garðsstaðir, Brúnastaðir, Bakka-
staðir og Barðastaðir í póstnúmeri
112 en sem fyrr segir á hreinsun
þar ekki að hefjast fyrr en 11. júní.
Ljóst er að Ólafur er ekki eini
íbúi hverfisins sem er ósáttur með
þetta fyrirkomulag því á Facebook-
síðu Reykjavíkurborgar hafa íbúar
í Grafarvogi og öðrum hverfum lýst
yfir vonbrigðum sínum.
„Þessi þrif hjá RVK ganga allt of
hægt og byrja allt of seint. Gatan
hjá mér í 112 þrifin í júní. Allar
götur og stígar búnir að vera auðir
síðan í mars,“ segir einn. Annar
íbúi segist ósáttur við að Grafar-
vogur sé nú annað árið í röð síðasta
hverfið til að vera tekið í gegn. Enn
annar íbúi í Reykjavík bendir á að
gangstígar séu „viðbjóðslegir“ í
Vesturbergi í Breiðholti og þá vill
sá fjórði „mánaðarleg þrif til að
binda ryk eins og í öðrum borgum“.
Óþolandi óþrifnaður í borginni
Ólafur segir gagnrýnivert að
Reykjavíkurborg skuli ekki leggja
meiri áherslu á hreinsun gatna árið
um kring, líkt og margar aðrar
borgir gera. Þess í stað er hreinsað
á vorin og haustin.
„Víða erlendis er þetta gert í
hverjum einasta mánuði. París ger-
ir þetta til að mynda aðra hverja
viku. Í Prag eru allar götur þrifnar
einu sinni til tvisvar í mánuði. Ef
þú myndir keyra Strandveg núna
fyrir framan Gylfaflöt þá er ekkert
nema drullutaumurinn meðfram
öllu þar og ef þú ferð í hann þá
þyrlast upp ryk í allar áttir,“ segir
Ólafur og heldur áfram: „Það er
óþolandi að þurfa að búa við svona
óþrifnað. Bíllinn minn er drullugur
alla daga og það er alveg sama
hversu oft ég þríf hann, það er
komið ryk og drulla á rúðurnar aft-
ur eftir eina nótt. Það má sjá ryk-
tauma á eftir öllum bílum hér, ekki
síst þegar horft er á eftir stræt-
isvagni keyra Ártúnsbrekkuna.
Svona óþrifnað sér maður til að
mynda ekki í Kaupmannahöfn.“
Þá segir Ólafur einnig sérstakt
að hjólastígar í Grafarvogi séu enn
óhreinsaðir eftir sandausturinn í
vetur.
„Ég skellti mér á hjólið um
helgina og þessir stígar eru enn
ósópaðir. Maður þarf því að hafa
varann á í hverri einustu beygju.
Svona er þetta á nánast öllum stíg-
um. Reykjavíkurborg er bara ekki
að standa sig þegar kemur að
hreinsun. Ég minnist orðið á þetta
á hverju einasta ári og ég er bara
orðinn hundleiður á því að þurfa að
benda á hið augljósa,“ segir hann.
Veðurgluggar ekki nýttir
Rögnvaldur Guðmundsson er
framkvæmdastjóri Hreinsitækni
sem sér um götuþrif í Reykjavík og
annars staðar á höfuðborgarsvæð-
inu. Hann segir öll sín tæki á fullu
um þessar mundir og að starfs-
menn sínir leggi hart að sér við
hreinsun gatna. Aðspurður segist
hann kannast vel við þær
gagnrýnisraddir sem telja að hægt
sé að byrja götuhreinsun fyrr á
árinu og klára verkið á skemmri
tíma.
„Ég held að fólk átti sig ekki al-
veg á umfanginu; að sópa og þvo
hverja einustu götu og stétt í
Reykjavík. Við höfum oft byrjað
forsóp í mars en núna var það ekki
hægt út af veðurfari. Við sópum jú
ekki í snjó og frosti,“ segir hann og
bendir á að til að sópa þurfi allur
snjór að vera farinn og hitastig yfir
frostmarki.
Rögnvaldur bendir hins vegar á
að á árum áður hafi veðurgluggar
verið nýttir á veturna til að halda
skítnum í lágmarki og létta um leið
undir með vorverkunum. Það sé þó
ekki stefna Reykjavíkurborgar
lengur.
„Þegar það myndaðist rigning og
þíða gátum við farið út á göturnar
til að taka aukaþrif yfir veturinn.
Og það flýtti auðvitað fyrir vor-
hreinsuninni, en það er töluvert
síðan menn hættu þessu,“ segir
hann og bætir við að fyrirtæki hans
sé þó reiðubúið til að taka að sér
þrif á veturna þegar veðurgluggar
myndast, hafi Reykjavíkurborg
áhuga á því.
Þá segir Rögnvaldur starfs-
menn Hreinsitækni nú reyna hvað
þeir geta til að halda áætlun
Reykjavíkurborgar um götu-
hreinsun í sumar.
„Við gætum þó lent í vandræðum
eins og ástandið er núna. Þannig
gæti til dæmis bilað gatnasópur, en
það gæti tekið allt upp í 30 daga
núna að fá varahlut sem vanalega
tekur um tvo daga að fá hingað frá
útlöndum.“
Kallar eftir þrifum allt árið
Aldís Jónsdóttir er formaður
Samtaka lungnasjúklinga. Hún seg-
ir marga eiga erfitt með að fara út
úr húsi vegna mikils svifryks og
kallar eftir því að borgin leggi
meiri áherslu á götuþrif árið um
kring. Ástandið sé gjarnan verst á
vorin.
„Hún er búin að vera voðalega
drullug og svona er þetta alltaf á
hverju einasta vori. Í svona veðri
þurfum við alltaf að vera inni og
sumir hafa neyðst til þess að setja
blautar tuskur í glugga og falsa til
að koma í veg fyrir að svifryk ber-
ist inn. Við verðum alltaf að vera á
varðbergi gagnvart þessu og auð-
vitað eru þetta skert lífsgæði að
komast ekki út úr húsi,“ segir hún
og heldur áfram:
„Borgin ætti að sjálfsögðu að
nýta tækifærin. Ef það væri þrifið
jafnt og þétt þá væri vandinn ekki
uppsafnaður á vorin. Það má ekki
gleyma því að þetta er mál sem
snertir alla, ekki bara lungnasjúk-
linga. Þetta skiptir máli fyrir lífs-
gæði barna og fullorðinna.“
Nánar má lesa um þetta mál á
mbl.is í vefútgáfu Morgunblaðsins.
Borgin leggi meiri áherslu á þrif
 Það er óþolandi að þurfa að búa við svona óþrifnað, segir íbúi í Grafarvogi  Ekki verður sópað hjá
sumum íbúum Reykjavíkur fyrr en 11. júní  Borgin ætti að nýta veðurglugga á veturna til að hreinsa
Morgunblaðið/Árni Sæberg
Kærkomið Þessi sópari var við vinnu í Hraunbæ í gær en hverfi Reykjavíkur eru skítug eftir sandaustur í vetur.
Skannaðu kóðann
til að lesa meira
um þetta á mbl.is
Framkvæmdir við Hús íslenskunnar
hafa gengið vel það sem af er ári og
eru á áætlun. Vont veður dró heldur
úr framkvæmdahraða í lok síðasta
árs og fram í mars en undanfarnar
vikur hefur fyrsta hæð hússins tekið
á sig mynd og sporöskjulaga form
byggingarinnar farið að sýna sig.
Að því er fram kemur á vef Fram-
kvæmdasýslu ríkisins er fyrsta hæð-
in svo til fullsteypt og unnið er að því
að járnbinda gólfplötu annarrar
hæðar.
Húsi íslenskunnar er ætlað að
vera fullbyggt haustið 2023, en þá
verður starfsemi Árnastofnunar og
íslenskudeildar Háskóla Íslands
flutt í bygginguna.
Eins og margir muna gekk fram-
kvæmd þessi lengi undir nafninu
„hola íslenskra fræða“ sökum þess
hve lengi grunnur hennar stóð
óhreyfður. Samningur um byggingu
hússins var undirritaður í ágúst síð-
astliðnum og framkvæmdir hófust í
kjölfarið.
Ljósmynd/Framkvæmdasýsla ríkisins
Framkvæmdir Hús íslenskunnar rís nú á Melunum í Vesturbæ Reykjavíkur.
Hús rís upp úr „holu
íslenskra fræða“
 Fyrsta hæðin er nú svo til fullsteypt