Morgunblaðið - 18.05.2020, Blaðsíða 10
Smitlaus helgi
0
á sjúrahúsi
10
andlát
56.875
sýni tekin
20.046
lokið sóttkví
6
virk smit
1.786
náð bata
1.802
staðfest smit
0
ný smit
852
í sóttkví
Engin ný smit kórónuveiru voru til-
kynnt um helgina og var því nýtt
smit síðast greint 12. maí síðastlið-
inn. Tilkynnt var um að samtals 656
sýni hefðu verið tekin um helgina,
flest hjá Íslenskri erfðagreiningu.
Einungis sex virk smit eru á land-
inu samkvæmt tölulegum upplýsing-
um af vefsíðunni Covid.is. Allir þeir
smituðu eru í einangrun.
582 eru í sóttkví en 20.046 hafa
lokið sóttkví. Enginn liggur á
sjúkrahúsi vegna veirunnar og hefur
enginn legið á sjúkrahúsi síðan 11.
maí vegna hennar. Tæplega 120
hafa verið innlagðir með staðfest
smit frá upphafi og þrjátíu á gjör-
gæslu.
Staðfest smit eru 1.802 talsins.
Flestir í sóttkví í Reykjavík
326 eru í sóttkví á höfuðborgar-
svæðinu, 60 á Suðurlandi, 50 á Norð-
urlandi eystra, 45 á Vesturlandi, 34
á Suðurnesjum, 20 á Vestfjörðum,
14 á Austurlandi, 8 á Norðurlandi
vestra en 25 þeirra sem eru í sóttkví
eru óstaðsett. ragnhildur@mbl.is
Engin ný smit tilkynnt um helgina
10 FRÉTTIRInnlent
MORGUNBLAÐIÐ MÁNUDAGUR 18. MAÍ 2020
Við framleiðum lausnir
Sími 577 6700 / islandshus@islandshus.is / www.islandshus.is
GLÁMUR
Dvergarnir R
Dvergurinn Glámur
er 35 cm á hæð,
vegur 65 kg og er með
innsteypta festingu fyrir 2“ rör
Öflugur skiltasteinn
fyrir umferðarskilti
Morgunblaðið/Eggert
Álfsnes Mannvirki gas- og jarðgerðarstöðvar SORPU, GAJA, eru tilbúin og verða tekin í notkun í júnímánuði.
Ágúst Ingi Jónsson
aij@mbl.is
Um miðjan næsta mánuð er áform-
að að taka nýja gas- og jarðgerðar-
stöð SORPU í notkun í Álfsnesi.
Mannvirkin þar eru fullbúin, en
þessa dagana er unnið af kappi við
uppsetningu flokkunarlínu í mót-
töku- og flokkunarstöðinni í Gufu-
nesi vegna forvinnslu fyrir stöðina
í Álfsnesi.
Að sögn Helga Þórs Ingasonar,
sem í vetur var ráðinn tímabundið
í starf framkvæmdastjóra, standa
vonir til þess að endanlegur kostn-
aður við nýju stöðina, GAJA, verði
um 6,1 milljarður króna eða innan
þeirra marka sem gefin voru upp
um það leyti er hann kom til
starfa. Inni í þeirri tölu er einnig
allur kostnaður vegna nauðsynlegs
vélbúnaðar í Gufunesi við for-
vinnslu. Í vetur kom fram að
kostnaður við byggingu stöðv-
arinnar hefði farið um 1,4 milljarða
kr. fram úr áætlun.
Fyrsta skóflustunga að GAJA
var tekin 17. ágúst 2018. Þegar
hún hefur starfsemi verður allur
úrgangur sem safnað er frá heim-
ilum á samlagssvæði SORPU for-
flokkaður í móttökustöðinni í
Gufunesi og lífrænu efnin síðan
flutt í GAJA. Lífrænu efnin verða
unnin í stöðinni í metangas og
jarðvegsbæti, en málmar og önnur
ólífræn efni svo sem plast fara til
endurnýtingar.
Markaðsþróun vegna metans
Ársframleiðsla stöðvarinnar
verður annars vegar um 3 milljónir
Nm3 af metangasi og 10-12.000
tonn af jarðvegsbæti. Með tilkomu
gas- og jarðgerðarstöðvarinnar
tvöfaldast framleiðslugeta á met-
ani hjá SORPU, en það er m.a.
notað sem eldsneyti á ökutæki.
Nokkur óvissa hefur verið um
hvernig metanframleiðsla nýju
stöðvarinnar verður nýtt. Helgi
Þór segir að unnið sé að markaðs-
þróun vegna metans, en ekki sé
tímabært að segja nánar frá því.
SORPA er byggðasamlag í eigu
Reykjavíkurborgar, Kópavogs-
bæjar, Garðabæjar, Hafnar-
fjarðarbæjar, Mosfellsbæjar og
Seltjarnarnesbæjar.
Endanlegur kostnaður um 6,1 milljarður
Ný gas- og jarðgerðarstöð SORPU í notkun í Álfsnesi í næsta mánuði Flokkunarlína í Gufunesi
Morgunblaðið/Eggert
Gufunes Unnið er að því að setja nýja flokkunarlínu saman þessa dagana.
Aron Þórður Albertsson
aronthordur@mbl.is
„Við höfum nýtt lokunina til að fara í
nauðsynlegt viðhald. Það var fjöl-
margt sem setið hafði á hakanum í
lengri tíma og nú gafst tækifæri til
að sinna því,“ segir Björn Leifsson,
eigandi World Class. Vísar hann í
máli sínu til breytinga og endurbóta
á stöðvum fyrirtækisins.
Líkt og öðrum líkamsræktar-
stöðvum var World Class gert að
loka þegar áhrifa og útbreiðslu kór-
ónuveirunnar tók að gæta hér á
landi. Hafa líkamsræktarstöðvar
sökum þessa verið lokaðar í rétt
tæplega tvo mánuði. Að sögn Björns
þýddi lítið að sitja með hendur í
skauti allan þennan tíma jafnvel þó
lokunin hafi komið illa við fyrir-
tækið. „Við þurftum að fara í fram-
kvæmdir sem ekki hefði verið hægt
að gera nema með því að loka til
dæmis baðstofunni í mánuð. Þessi
stöðvun kom hins vegar ekki á okkar
forsendum, en við gerðum gott úr
stöðunni,“ segir Björn, sem kveðst
aðspurður gera ráð fyrir að fram-
kvæmdirnar hlaupi á um 50 millj-
ónum króna. Þar af muni mest um
breytingar á baðstofunni í Laugum.
„Þetta eru í kringum 30 milljónir
sem hafa farið í baðstofuna. Við-
haldsþörf og breytingar hafa legið
lengi í loftinu þar. Við skiptum um
gólf í tveimur gufuböðum ásamt því
að rífa alveg tvö gufuböð og byggja
upp á nýtt. Þess utan rifum við niður
og löguðum loftið í sama rými,“ segir
Björn.
Nóg að gera næstu vikur
Auk framangreinda breytinga var
skipt um gólf í stöðvum World Class
í Ögurhvarfi og á Akureyri. Þá var
sömuleiðis ráðist í endurbætur á
búningsklefum í Laugum og á Sel-
tjarnarnesi. „Við skiptum um ónýtar
flísar og fúguðum upp á nýtt í klef-
um á þessum stöðum auk þess að
skipta um gólf á Akureyri og í Ögur-
hvarfi. Það hefur verið alveg gríðar-
lega mikið að gera undanfarnar vik-
ur,“ segir Björn.
Eins og áður hefur komið fram
verða líkamsræktarstöðvar opnaðar
að nýju 25. maí. Þá eru jafnframt um
tveir mánuðir liðnir frá því að þeim
var lokað. Spurður hvort ekki sé
kærkomið að opna á nýjan leik kveð-
ur Björn já við. Þá megi gera ráð
fyrir að ánægjan verði ekki síðri hjá
viðskiptavinum. „Við erum að vonast
til að það verði 100% heimtur á
kúnnum. Ég á ekki von á öðru en að
það verði mjög mikið að gera þegar
við loksins opnum,“ segir Björn.
Laugar Ráðist hefur verið í gríðarlegar endurbætur á stöðvum World Class.
Réðust í miklar
endurbætur
50 milljóna króna framkvæmdir