Morgunblaðið - 21.05.2020, Síða 4

H
já Golfklúbbi Mosfellsbæjar er lögð
áhersla á gott og öflugt barna- og
unglingastarf og viljum við gera öll-
um kleift að komast í golf. Davíð
Gunnlaugsson er yfirþjálfari Golf-
klúbbs Mosfellsbæjar. Davíð er Mosfellingur í
húð og hár og hefur verið meðlimur í GM í 20
ár. Síðastliðin 5 ár hefur hann gegnt stöðu yfir-
þjálfara hjá klúbbnum. Davíð leggur áherslu á
að andrúmsloftið í klúbbnum sé gott og létt-
leikinn hafður í fyrirrúmi.
„Hér hjá okkur í GM er virkilega góður og
skemmtilegur andi. Við höfum reynt að við-
halda gömlu góðu fjölskyldustemmningunni
og því persónulega. Sem gerir það að verkum
að kylfingum okkar og gestum líður vel þegar
þeir koma í golf og að hér er alltaf létt og gott
andrúmsloft. Við viljum að léttleikinn sé í fyr-
irrúmi og að fólk finni það að hér sé gott að
vera.
Við erum með tvö golfvallasvæði sem eru
gerólík. Í Bakkakoti höfum við lítinn og fal-
legan golfvöll. Þar eru 9 holur og völlurinn er
ekki langur. Hann hentar einkar vel fyrir byrj-
endur og þar hafa margir kylfingar stigið
fyrstu skref sín. Þar er virkilega gaman að
spila og fá sér svo hressingu í skálanum að leik
loknum innan um virkilega fallega náttúru.
Svo erum við með Hlíðavöll, 18 holu glæsi-
legan keppnisvöll, sem er virkilega skemmti-
legur og krefjandi golfvöllur. Þess má geta að
Íslandsmótið í golfi verður haldið á Hlíðavelli í
sumar og hlökkum við mjög til að taka á móti
bestu kylfingum landsins.
Á Hlíðavelli er eitt allra fallegasta klúbbhús
landsins að mínu mati sem við erum virkilega
stolt af, það er vel staðsett og úr því er ein-
stakt útsýni. Þar er veitingastaðurinn Blik og
þar er frábær matur og einnig þetta skemmti-
lega andrúmsloft sem ég kom inn á áðan. Það
myndast oft mikil stemmning hér hjá okkur úti
á svölum eða inni í klúbbhúsi að leik loknum og
ég held að sérstaða okkar kristallist akkúrat í
því. Hér þekkja nánast allir alla og fólki líður
vel og finnst gaman að sitja, spjalla og borða
góðan mat að leik loknum.“
Nýtt fjölskyldugjald
Hvaða áherslur eruð þið með í barna- og ung-
lingastarfi?
„Við viljum fyrst og fremst að krökkunum
finnist gaman í golfi. Við rekum virkilega öfl-
ugt og metnaðarfullt starf og hér æfa hjá okk-
ur um 100 krakkar allt árið um kring. Sú tala
hækkar svo talsvert á sumrin og þá sér-
staklega með golfskólanum okkar. Hann er
ávallt vinsæll og þar stíga margir krakkar
fyrstu skref sín í golfíþróttinni.
Við tókum nýlega upp nýtt fjölskyldugjald
hjá okkur í GM sem virkar þannig að ef báðir
foreldrarnir eru skráðir í klúbbinn borga börn
þeirra upp að 18 ára aldri ekkert árgjald.
Þetta á einnig við um einstæða foreldra. Þetta
nýja gjald hefur fengið frábærar viðtökur hjá
okkur og það hafa um það bil þrjátíu ungmenni
bæst í klúbbinn okkar nú þegar, ásamt mökum
sem voru ekki í golfi fyrir en sjá sér nú fært að
byrja að stunda golf án þess að það sé of dýrt.
Með þessu vonumst við til að fá til okkar fleiri
krakka í golf og að öll fjölskyldan verði dugleg
að koma saman úti á golfvelli og njóti samver-
unnar.“
Auðvelda aðgengi
Davíð segir aðstöðuna góða í Mosfellsbænum
og bendir á að inniaðstaðan muni batna til mik-
illa muna á næstunni.
„Við bjóðum upp á virkilega góða aðstöðu.
Hér eru tveir golfvellir sem eru gjörólíkir og
það finna allir eitthvað við sitt hæfi. Einnig er-
um við með æfingasvæði þar sem kylfingar
geta komið og æft sig. Á æfingasvæði okkar
eru allir velkomnir og fólk getur nýtt sér það
án þess að vera meðlimir í klúbbnum. Svo er-
um við að taka í notkun á næstu dögum glæsi-
lega inniaðstöðu í íþróttamiðstöðinni okkar
sem gerir það að verkum að kylfingar okkar
geta stundað golf allt árið um kring.
Markmið okkar er að auðvelda aðgengi að
golfi fyrir alla aldurshópa. Ekkert mál er að
fá lánaðar kylfur hjá okkur án endurgjalds til
þess að prófa á æfingasvæðinu áður en farið
er í fjárfestingu á búnaði. Í sumar stefnum
við síðan að því að hafa barnagolfsett til láns í
Bakkakoti án endurgjalds. Það ætti því að
einfalda foreldrum að taka börnin með á völl-
inn og auka enn frekar á aðgengi barna að
golfíþróttinni,“ segir Davíð Gunnlaugsson.
Fjölskyldustemningunni viðhaldið
Tveir vellir í boði fyrir kylfinga í
Mosfellsbænum
Ljósmynd/GM
Hin glæsilega 10. braut á Hlíða-
velli í Mosfellsbæ og í baksýn
má sjá klúbbhúsið sem tekið
var í notkun sumarið 2017.
4 MORGUNBLAÐIÐ FIMMTUDAGUR 21. MAÍ 2020
Af hverju fóruð þið að æfa golf?
Bjarni Freyr: Foreldrar okkar komu
okkur á fyrstu æfingarnar og okkur
fannst þetta svo gaman að við héldum
áfram.
Hvað hafið þið æft lengi?
Egill Orri: 6-7 ár held ég.
Hvaða högg finnst ykkur skemmti-
legast að æfa?
Bjarni Freyr: Járnahögg.
Egill Orri: Drive.
Hvar þurfið þið helst að bæta ykkur í
golfinu?
Bjarni Freyr: Vera stöðugri.
Egill Orri: Chip.
Uppáhaldskylfan í pokanum?
Bjarni Freyr: Pitching wedge.
Egill Orri: Driverinn.
Hvenær náðuð þið fyrst að fara undir
100 högg á hring?
Bjarni Freyr: 12 ára.
Egill Orri: 12 ára.
Besta skorið á 18 holu hring?
Bjarni Freyr: 69 högg.
Egill Orri: 74 högg.
Snýst allt um golf hjá ykkur bræðr-
unum?
Nei, ekki allt, en það skiptir miklu máli
fyrir okkur.
Er mikil keppni á milli ykkar á golf-
vellinum?
Já alltaf.
Hvert er besta golfráðið?
Bjarni Freyr: Að halda góðu tempói í
öllum höggum.
Egill Orri: Að klára sveifluna.
Hver er fyrirmyndin í golfinu?
Bjarni Freyr: Rory McIlroy.
Egill Orri: Rory McIlroy.
Hvert er draumahollið?
Bjarni Freyr: Brooks Koepka, Rickie
Fowler, Rory McIlroy.
Egill Orri: Jim Furyk, Matthew Wolfe,
Rory McIlroy.
Hvað ráðleggið þið krökkum sem
langar að æfa golf?
Að byrja … geggjuð íþrótt með
skemmtilegu fólki.
Hvað er skemmtilegast við golfið?
Bjarni Freyr: Þegar þú veist að þú slóst
klikkað högg og færð að horfa á eftir
því.
Egill Orri: Innáhöggin (þegar þau
heppnast).
Iðkendur í barna- og unglingastarfi GR
Ljósmynd/GR
Bræðurnir Egill Orri Valgeirsson 17 ára
og Bjarni Freyr Valgeirsson 19 ára