Skessuhorn - 06.05.2020, Blaðsíða 4

MIÐVIKUDAGUR 6. MAí 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Afleit stjórnsýsla
Sú óvenjulega staða kom upp á lokadegi aprílmánaðar að sjávarútvegs-
ráðherra bannaði grásleppuveiðar við landið. Þá ákvörðun byggði hann
á því að veiðarnar hafi í vetur gengið svo vel fyrir norðan land að nán-
ast væri búið að veiða upp í ráðgjöf Hafrannsóknastofnunar, sem er 4.646
tonn. Grásleppusjómenn við vestan- og norðvestanvert landið voru um
leið skildir eftir með sárt ennið, illa sviknir. Fjölmargir hafa lagt í mikinn
kostnað við báta og veiðarfæri, kostnað sem á hverju ári er auk þess lotterí
að veiðist upp í. Fyrirfram er sjaldnast vitað um veður, veiðar og verð áður
en taka verður ákvörðun um fjárfestingar til úthaldsins. En nú þegar grá-
sleppa veiðist í meira mæli en nokkru sinni fyrr, er það stjórnleysi yfir auð-
lindinni sem verður þess valdandi að vestlenskum sjómönnum er stillt upp
við vegg, án bjargar.
Það er í mínum huga forkastanleg stjórnsýsla sem sýnd er í þessu máli.
Að stöðva hrognkelsaveiðar fyrirvaralaust vegna ofveiði við Langanes er
gerræði, þegar veiðar eru nýbyrjaðar í Faxaflóa og alls ekki hafnar í Breiða-
firði. Benda má á að fram til þessa hefur Stykkishólmur verið stærsta lönd-
unarhöfn hrognkelsa og þar er ekki búið að veiða eina grásleppu á þessu
vori. Því sjá menn fram á annað hrun í Stykkishólmi, fyrst í ferðaþjónustu
og nú í grásleppuveiðum og -vinnslu. Þessa gerræðislegu ákvörðun byggir
ráðherrann á þeirri staðreynd að grásleppukarlar á norður- og norðaustur-
landi eru búnir að veiða nær allan þann kvóta sem til skiptanna var sam-
kvæmt ráðgjöf Hafrannsóknastofnunar. Strax í mars fóru að koma tíðindi af
ótrúlegum veiðum fyrir norðan og því hefði ráðherranum getað verið í lófa
lagið að stöðva veiðar fyrir norðan land löngu fyrir lokadag apríl.
Nú er einsýnt að hrognkelsaveiðar verði settar í kvóta og því mikil-
vægt fyrir veiðimenn að afla sér frekari veiðireynslu. Ég velti því fyrir mér
hvernig staða vestlenskra grásleppusjómanna verði í þeirri úthlutun! Mun
kvótasetning byggja á mokveiði í kjördæmi ráðherrans fyrir norðan á þess-
ari vertíð og heimamenn þar njóta? Það óttast ég mjög og sporin hræða
vissulega þegar tiltekinn ráðherra á í hlut.
Það er ljóst að hrognkelsaveiðar í Faxaflóa og Breiðafirði hafa aldrei far-
ið vel í gang fyrr en í maí. Breiðfirskir sjómenn hafa auk þess samið um að
halda sig til hlés þar til æðarfuglinn er minna á ferðinni. Nú er hættan sú að
þeim verði refsað fyrir þá gæsku sína. Jafnvel þótt veiðar verði heimilaðar
í allt að tvær vikur eftir 20. maí er einsýnt að kvótinn sem til þeirra veiða
er nánast upp urinn. Það er því vafasamt að það taki því fyrir sjómenn á
Breiðafirði að leggja netin fyrir örfá óveidd tonn. Sjálfsagt velja þeir marg-
ir að fara fremur á strandveiðar, jafnvel þótt þorskverð sé í lágmarki. Þeir
eiga engan góðan kost annan en að vona að ráðherra hafi manndóm til
að auka við kvótann. Fengsælustu grásleppuveiðimið íslands eru nefnilega
ennþá óveidd á þessari vertíð. Stjórnmálamönnum bíður erfitt hlutskipti
að ákveða hvort og þá hvernig veiðiheimildum í grásleppu verður réttlátt
skipt. Ég trúi því ekki að þeir láti Kristján Þór einan um að ákveða næsta
skref.
Ljóst er að mælingar á magni hrognkelsa eru vanmáttugar í ljósi þess
að seiðatalning fer helst fram í togararalli úti á rúmsjó. Meira að segja ég
veit að grásleppan hrygnir upp við land og alast seiðin upp á grunnslóð,
víðs fjarri öllum trollum togara. Raunverulega er því engin vísbending um
stofnstærð hrognkelsa, önnur en orð sjómanna sem segja að sjórinn sé full-
ur af þessum fiski. Það liggur því fyrir að ástand hrognkelsastofnsins er
betra en það hefur verið í manna minnum. Ekki einungis norðan við land,
heldur einnig hér á Faxaflóa og Breiðafirði.
Magnús Magnússon
Drangey SK 2 skreið inn Grundar-
fjörð á fögru vorkvöldi laugardag-
inn 2. maí síðastliðinn. Sólin var að
setjast og fjörðurinn spegilsléttur og
fagur. Aflinn var 225 tonn en lönd-
un hófst morguninn eftir og skipið
sigldi svo aftur á miðin seinnipart-
inn á sunnudaginn. Systurskipin
Runólfur og Sigurborg komu svo
bæði með fullfermi á sunnudegin-
um, segir á vefsíðu Grundarfjarðar-
hafnar, sem gerir byrjunina á maí-
mánuði ansi góða á höfninni.
tfk
Tveggja metra djúp og eins og hálfs
metra breið hola myndaðist við
brúna yfir Norðurá í síðustu viku.
Ekkert slys eða tjón varð af völdum
hennar og skiptu þar miklu snör
viðbrögð vegfarenda, verktaka og
starfsmanna Vegagerðarinnar. Að-
eins sex klukkustundum eftir að til-
kynnt var um holuna var búið að
laga veginn, að því er fram kemur
á vef Vegagerðarinnar.
Holan myndaðist vegna óvenju-
legra aðstæðna. Leysingar hafa ver-
ið miklar, vatnsagi og klakahröngl
hafði hálfstíflað flæðið undir Norð-
urárbrú. Við það myndaðist mikill
vatnsþrýsingur milli steina í grjót-
garðinum og vatnið holaði sig að
lokum í gegnum styrktarlag vegar-
ins við brúarvegginn. Smám saman
gróf vatnið síðan undan klæðningu
vegarins, en efninu skolaði út neð-
an við brúna og mótaði röst í árfar-
veginn. Lítið gat sem var í klæðn-
ingu vegarins stækkaði til muna og
varð 1,5 metri þvermál. Holan sjálf
var tæplega tveggja metra djúp.
Það var vegfarandi sem kom að
holunni og tilkynnti um hana þeg-
ar í stað. Hann stóð vörð um hana
á veginum þar til starfsmenn Vega-
gerðarinnar í Borgarnesi, sem voru
við blettamerkingar skammt frá,
komu á vettvang örfáum mínútum
síðar. Starfsmenn Vegagerðarinnar
lokuðu akreininni og kölluðu eft-
ir aðstoð. Borgarverk kom síðan
með gröfu og vörubíl með efni til
að laga veginn. „Öll aðgerðin gekk
vel. Starfsmenn Vegagerðarinnar
komu á svæðið kl. 15 og klukkan 21
var búið að laga veginn,“ segir á vef
Vegagerðarinnar.
kgk/ Ljósm. Vegagerðin/ Ómar
Kristófersson.
Síðastliðinn miðvikudag var til-
kynnt um uppsagnir 15 starfsmanna
hjá Vigni G Jónssyni á Akranesi. „í
ljósi samdráttar á sölu afurða vegna
Covid faraldursins og loðnubrests
síðustu tveggja ára, neyðist félagið
að segja hluta starfsfólks síns upp
störfum og fara í aðrar hagræðinga-
arðgerðir á næstu vikum og mán-
uðum. Alls missa 15 starfsmenn
Vignis G. Jónssonar ehf. störf sín,
en eftir uppsagnir starfa enn yfir 30
manns hjá félaginu,“ sagði í tikynn-
ingu frá fyrirtækinu. „Farsóttin og
óvissar markaðsaðstæður hafa gert
stöðu félagsins erfiða og þá munar
um loðnubrest tvö ár í röð, en af-
urðir úr loðnuhrognum hefur ver-
ið ein helsta söluvara félagsins um
langt árabil. Það er okkar von að
markaðsaðstæður breytist til hins
betra og að loðna fari aftur að veið-
ast við landið, þannig að félagið
geti haldið áfram starfsemi sinni
af sama krafti og áður,“ segir í til-
kynningunni.
„Þessi uppsögn hjá Vigni G.
Jónssyni eru enn eitt risahöggið
sem við Akurnesingar verðum fyrir
hvað varðar atvinnumissi tengdum
vinnslu sjávarafurða, en formanni
félagsins reiknast til að uppund-
ir 300 fiskvinnslustörf hafi tapast
í byggðarlaginu á síðustu tveimur
og hálfa ári eða svo,“ skrifaði Vil-
hjálmur Birgisson formaður VLFA
á vef félagsins eftir að tíðindi þessi
lágu fyrir. En eins og flestir vita
töpuðust öll störf þegar HB Grandi
ákvað að hætta vinnslu á Akranesi,
á svipuðum tíma misstu allir vinn-
una hjá hausaþurrkunarfyrirtækinu
Laugafiski og fyrir tveimur mán-
uðum varð fiskvinnslufyrirtækið
ísfiskur gjaldþrota. „Núna ofan á
þetta allt missir þriðjungur starfs-
manna hjá Vigni G. Jónssyni vinn-
una,“ bætti Vilhjálmur við.
mm
Drangey SK 2 liggur við landfestar
í sólsetrinu og flutningabílar bíða
löndunar til að flytja aflann til vinnslu
á Sauðárkrók.
Drangey kom í kvöldsólinni
Ingi kannar holuna nánar.
Risahola myndaðist í þjóðveginum
Ingi B. Reynisson, verkstjóri á starfsstöð Vegagerðarinnar í Borgarnesi, mátar sig
við holuna.
Þriðjungi starfsmanna sagt upp
hjá Vigni G Jónssyni á Akranesi