Bæjarins besta - 02.12.1987, Page 10

10
BÆJARINS BESTA
Finnbogi R. Jóhannesson:
Eðlileg byggðaþróun
á ísafirði
Á RÁÐSTEFNU um byggðamál
sem haldin ver á Selfossi lýsti
bæjarstjóri ísafjarðar skoðun
sinni og væntanlega bæjarstjórn-
ar á þeim vanda er stendur eðli-
legri byggðarþróun fyrir þrifum
hér á ísafirði.
í áliti bæjarstjóra kemur fram
að megin vandinn í byggðarmál-
um sé að húsnæði vanti fyrir um
100 manns. Þetta sé sá hópur sem
atvinnulífið vanti nú þegar. Hins
vegar er vandamálið það, hver
skuli nú byggja þessar íbúðir því
ekki eiga hugsanlegir íbúar að
gera það eins og hefur tíðkast í
áratugi bæði hér og annars staðar.
Þennan ósið á nú að leggja niður,
og bíða menn nú eftir Jóni Bald-
vin og Jóhönnu Sigurðar að þau
komi með heimild og fjármagn til
framkvæmda, þegar það hefur
gerst fjölgar ísfirðingum um 100
manns, og framtíðin því björt.
Hver trúir þessu? Að vandinn
sé falinn í 100 íbúðum? Sú um-
ræða sem verið hefur undanfarna
áratugi um vanda landsbyggðar-
innar hefur ávallt leitt til þrenns
konar niðurstaðna á meðal póli-
tíkusa, þ.e.: Auka verði húsbygg-
ingar heima í héraði (auka
framboð). Stöðva verða peninga-
.streymi frá landsbyggðinni til
Reykjavíkur. Koma verði upp
öflugu framhaldsskólabákni
heima í héraði.
En svo einkennilega hefur hag-
að til að þó svo að eitthvað af
þessu þrennu hafi verið bætt,
breytir það engu um fólksfækkun
á ísafirði. Hver skyldi vera
skýringin á því? Atvinnumögu-
leikar háskólamenntaðs fólks?
Sífellt fleiri unglingar stefna nú
á framhaldsnám, og hverfa því í
burtu um nokkurra ára skeið, við
því er ekkert að segja því það er
ósköp eðlilegt og aldrei hægt að
koma í veg fyrir það. Hitt er öllu
verra að þegar námi lýkur er eng-
in atvinna til staðar í viðkomandi
fagi, og lítill eða enginn áhugi til
þess að nýta þá þekkingu sem afl-
að hefur verið.
Aðrir landsfjórðungar hafa
gert sér grein fyrir þessu og haga
nú uppbygginngarstefnu sam-
kvæmt því, þannig get ég nefnt
Eyjafjarðarsvæðið sem hefur
komið sér upp þróunarfélagi,
þetta er gert til jress að styrkja
starfandi fyrirtæki með faglegri
aðstoð, og til eflingar nýsköpun í
atvinnulífinu. Þetta hefur gefist
mjög vel og á örugglega stóran
þátt í stöðugt blómlegri atvinnu
uppbyggingu við Eyjafjörð. Hér
hefur það hins vegar vafist fyrir
mönnum að ráða einn iðnráð-
gjafa í 4-5 ár, þar sem ríkið komi
ekki til með að greiða laun hans,
bæjarfulltrúar sem berjast fyrir
gengi ísfirskra fyrirtækja, hafa
ekki hugmynd um að yfirleitt er
vinna þessara manna seld og er
nú reynt að láta þá starfa sem
mest þannig að þeir standi undir
sér. A meðan unga fólkið fær
ekki atvinnumöguleika hér við
sitt hæfi snýr það ekki aftur, frek-
ar en það fólk af öðrum lands-
hlutum- snúi hingað úr hærra
launuðum störfum. Húsnæði
breytir hér engu um. Þegar fólk
sem hefur menntað sig fær at-
vinnumöguleika, snýr það aftur
að námi loknu og byggir þá sín
hús eins og verið hefur.
Höfundur er starfsmaður á dval-
arheimilinu Hlíf.
„Á meðan unga fólkið fær
ekki atviiiiin við sitt hæfí
snýr það ekki aftur.66
Vélsmiðian Þór:
Fyrsti
lyftarinn
afhentur
YÉLSMIÐJAN Þór er far-
in að selja Toyota lyftara. Er
þar með komið fyrsta lyftara-
umboðið hér í bæinn. Hingað
til hefur ekki verið hægt að
kaupa lyftara án þess að
greiða hann fyrst og láta síðan
panta hann fyrir sig frá verk-
smiðju.
Nú ætla þeir í Þór að fara að
hafa lyftara á lager. Að sögn
Bergmanns Ólafssonar sölu-
stjóra er ætlunin sú að strax
eftir áramótin geti þeir haft
fyrirliggjandi bæði rafmagns
og diesel lyftara. Einnig verða
þeir með þríhjóla lyftara sem
eru nú að verða hið mesta
þarfaþing um borð í togurun-
um eftir að farið var að notast
við kör í lestum þcirra.
Reyndar hefur þegar verið
Hér má sjá Steinar Kristjánsson taka við lyklunum að hinum
nýja lyftara fyrir hönd Bakka h.f. úr hendi Bergmanns Ólafs-
sonar sölustjóra hjá Yélsmiðjunni Þór h.f.
seldur einn slíkur lyftari hing-
að í bæinn fyrir milligöngu
þeirra í Þór.
Það var síðastliðinn föstu-
dag sem fyrsti lyftarinn hjá
Þór var formlega afhentur.
Var það rækjuverksmiðjan
Bakki h.f. sem keypti hann.