Morgunblaðið - 22.09.2020, Page 11

FRÉTTIR 11Innlent
MORGUNBLAÐIÐ ÞRIÐJUDAGUR 22. SEPTEMBER 2020
Stærðir: 18–24
Verð 10.995
Margir litir
Biomecanics-skórnir auðvelda börnum að taka fyrstu skrefin.
Aukinn stuðningur frá hliðunum bætir jafnvægi og eykur
stöðugleika. Börnin komast auðveldar áfram og af meira
öryggi þökk sé sveigjanlegum sóla og sérstyrktri tá.
í fyrstu skónum frá Biomecanics
SKOÐAÐU ÚRVALIÐ Á VEFSÍÐUNNI OKKAR
www.skornirthinir.is
ÖRUGG SKREF
ÚT Í LÍFIÐ
SMÁRALIND
www.skornir.is
Júlíus Kristjánsson,
framkvæmdastjóri og
kennari á Dalvík, er lát-
inn, níræður að aldri.
Júlíus fæddist í
Efstakoti á Upsaströnd
16. september 1930,
sonur hjónanna Krist-
jáns E. Jónssonar og
Þóreyjar Friðbjörns-
dóttur. Júlíus lauk fiski-
mannaprófi frá Stýri-
mannaskólanum í
Reykjavík árið 1954 og
var til sjós um nokkurn
tíma auk þess að starfa við netagerð
hjá Netjamönnum á Dalvík. Árið
1965 stofnaði hann Netagerð Dalvík-
ur hf. ásamt fleirum og hafði með
höndum framkvæmdastjórn fyrir-
tækisins en hann lauk meistaranámi í
netagerð um svipað leyti.
Um nokkurn tíma annaðist Júlíus
sjóvinnukennslu sem boðin var sem
valgrein við Dalvíkurskóla og þá ann-
aðist hann ýmist kennslu eða próf-
dæmingu á skipstjórnarnámskeiðum
til 30 tonna skipstjórnarréttinda á
ýmsum stöðum norðanlands. Árið
1981 var stofnuð skipstjórnarbraut í
framhaldsdeildum Dalvíkurskóla og
var Júlíus ráðinn sem aðalkennari
brautarinnar og starfaði sem slíkur
til nokkurra ára ásamt því að hafa
með höndum framkvæmdastjórn
Netagerðarinnar. Hann hafði mikinn
metnað fyrir hönd nemenda sinna og
starfsemi námsbrautarinnar. Út-
skrifaðist fjöldi nem-
enda með 1. og 2. stigs
skipstjórnarréttindi frá
Dalvíkurskóla.
Júlíus var marg-
fróður um upphaf og
sögu heimabyggðar
sinnar, var ættfróður og
leituðu margir upplýs-
inga til hans um ætt
sína og uppruna. Hann
sat í sögunefnd Dalvík-
ur sem annaðist útgáfu
á Sögu Dalvíkur sem
kom út í fjórum bindum
árin 1978-1985 en Kristmundur
Bjarnason frá Sjávarborg var höf-
undur. Þá ritaði hann greinar sem
birtust í Súlum. Hann var frum-
kvöðull að stofnun Héraðsskjalasafns
Svarfdæla og fyrsti formaður stjórn-
ar. Þá var hann meðal frumkvöðla að
stofnun Minjasafnsins Hvols á Dal-
vík. Júlíus var kjörinn í veitunefnd
Dalvíkur þegar unnið var að stofnun
Hitaveitu Dalvíkur og uppbyggingu
dreifikerfis veitunnar á Dalvík. Þá sat
hann sem varafulltrúi í bæjarstjórn
Dalvíkurkaupstaðar 1978-1982.
Júlíus átti samleið með Morgun-
blaðinu í langan tíma og var um skeið
fréttaritari þess á Dalvík. Eftirlifandi
eiginkona hans er Ragnheiður Sig-
valdadóttir og eignuðust þau þrjá
syni; Sigvalda þul, Kristján Þór ráð-
herra og Ásgeir Pál viðskiptafræðing.
Alls eru afkomendur þeirra hjóna 18
talsins.
Andlát
Júlíus Kristjánsson
Sigtryggur Sigtryggsson
sisi@mbl.is
Gerð landfyllingar við Klettagarða
við Laugarnes í Reykjavík lauk í
sumar. Á framkvæmdatímanum var
fuglalíf á svæðinu vaktað og fuglar
taldir.
„Meðan talningar fóru fram var
verið að vinna við landfyllinguna og
komu vörubílar með grjót og efni
sem þeir sturtuðu og vinnuvélar ýttu
og færðu efnið til. Það var greinilegt
að fuglarnir voru orðnir vanir fram-
kvæmdunum því skarfar og máfar
sem sátu í skerinu norður af landfyll-
ingunni kipptu sér ekkert upp við
það þótt vörubíll sturtaði grjóti
skammt frá með tilheyrandi látum,“
segir í skýrslu Verkís, sem kynnt var
á stjórnarfundi Faxaflóahafna fyrir
helgi. Verkís tók að sér verkefnið í
fyrrahaust. Fuglar voru taldir á
strandlengjunni við framkvæmda-
svæðið mánaðarlega frá síðustu ára-
mótum fram í júní.
Ekki varpsvæði fugla
Framkvæmdasvæðið sem um
ræðir er við austurjaðar hverfis-
verndarsvæðis í Laugarnesi og er
framhald landfyllingar sem er aust-
an við það. Fjaran sem fer undir
landfyllingu er að mestu manngerð
fyrir. Ekki er því um að ræða að
varpbúsvæði fugla fari undir land-
fyllingu og rask af hennar völdum,
heldur mun eitthvað af svæðum sem
nýtt eru til fæðuöflunar fara undir
fyllinguna, segir í skýrslu Verkís.
Gögn sem til eru um fugla á svæðinu
eru helst úr vetrartalningum fugla-
áhugamanna sem Náttúrufræði-
stofnun Íslands hefur haft umsjón
með. Talningar þessar hófust 1952
og hafa því staðið yfir í áratugi á
mörgum svæðanna og m.a. á strand-
lengju Reykjavíkur.
Nokkra breytingu má sjá á fugla-
lífi við ströndina eftir talningadög-
um. Áberandi mikið var af skörfum í
vetrarfuglatalningunni um áramótin
og aftur í febrúar. Erfitt var að
greina skarfana til tegunda að vetri
og í febrúar var mikil hreyfing á
þeim, þeir flugu og köfuðu þannig að
flestir þeirra féllu í flokk ógreindra
skarfa. Líklegt er þó að þeir hafi
flestir verið dílaskarfar, líkt og í des-
ember, en níu af tíu greindum skörf-
um í febrúar voru dílaskarfar. Skörf-
unum hafði svo snarfækkað í mars
og eftir það. Líklegt er að í desember
til febrúar hafi verið nóg æti handa
þeim þarna, einhver fiskigengd. Í
febrúar voru þeir greinilega að eltast
við æti og mikil hreyfing á þeim. Í
mars hafa skarfarnir horfið og eru
þá farnir að vitja varpstöðvanna um
það leyti. Skarfarnir nýta sér skerin
norður af landfyllingunni (Skarfa-
sker) sem setstað, en þeir þurfa að
koma á land til að þurrka haminn og
standa þá með útbreidda vængi.
Mikið var einnig af bjartmáfum í
vetrarfuglatalningunni en lítið eftir
það. Bjartmáfar eru vetrargestir hér
og ræður fæðuframboð líklega
mestu um dreifingu þeirra. Því er
líklegt að í lok desember hafi verið
nægt fæðuframboð sem svo hefur
minnkað, en bjartmáfar éta helst
smáfiska og dýr úr yfirborði sjávar.
Æðarfugl er algengur við ströndina
um veturinn en þegar kemur fram á
vor og svo um sumarið er minna af
honum. Talsvert æðarvarp er í eyj-
unum norður af Reykjavík en þær
eru Akurey, Engey, Viðey, Þerney
og Lundey. Í lok apríl eru æðarfugl-
arnir væntanlega farnir að vitja
varpstöðvanna. Lítið var af æðar-
fugli í júní og af fimm æðarkollum
voru þrjár með unga og leituðu að
æti fyrir þá við fjöruborðið í grjót-
hleðslunum og við fjöruna í Laug-
arnesi. Slæðingur var af öðrum máf-
um en bjartmáfum, helst voru það
hvítmáfur, silfurmáfur og svartbak-
ur í desember og svo koma hettu-
máfar og sílamáfar í mars til júní.
Minna er af öðrum tegundahópum.
„Landfyllingin fer nærri skerjum
sem eru norður af henni og þar er
setstaður skarfa og máfa. Ef vel er
staðið að hleðslum þannig að fólk
komist nærri skerjunum án mikillar
truflunar gæti gefist þar gott tæki-
færi til að skoða þessa fugla í meira
návígi en víða,“ segir í skýrslu Verk-
ís.
Fuglarnir létu sér ekki bregða
 Fuglalíf við nýja
landfyllingu í
Sundahöfn var vakt-
að í nokkra mánuði
Morgunblaðið/Árni Sæberg
Skarfasker Ysti hluti nýju landfyllingarinnar við Klettagarða nær langleiðina að skerjunum. Þarna hefur fólk gott tækifæri til skoða fuglana í návígi.
Morgunblaðið/Eggert
Landfyllingin Lokið var við gerð hennar í sumar. Til stendur að reisa þarna
nýjar höfuðstöðvar Faxaflóahafna. Einnig verður þar lægi fyrir dráttarbáta.