Morgunblaðið - 19.10.2020, Síða 9

Ljósmynd/Borgarbyggð
Slökkvibíll Eldur kviknaði í Borgarfirði í gærkvöldi.
Eldur kviknaði í íbúðarhúsi í uppsveitum Borgar-
fjarðar í gærkvöldi. Bærinn sem um ræðir er skammt
frá Reykholti.
Slökkviliðsmenn frá öllum stöðvum voru sendir á
vettvang eftir að tilkynning um eldinn barst skömmu
fyrir klukkan sex.
Bjarni Kristinn Þorsteinsson slökkviliðsstjóri sagði
í samtali við mbl.is þegar slökkvistarfi var að ljúka að
húsið hefði um tíma verið alelda. Ekki væri vitað til
þess að neinn hefði verið í því þegar eldurinn kvikn-
aði.
Slökkvilið Borgarbyggðar hefur starfsstöðvar á
Bifröst, Borgarnesi, Hvanneyri, Laugargerði og
Reykholti.
Alelda hús í Borgarfirði
 Ekki talið að neinn hafi verið í húsinu þegar bruninn varð
FRÉTTIR 9Innlent
MORGUNBLAÐIÐ MÁNUDAGUR 19. OKTÓBER 2020
HVER restaurant á Hótel Örk
er fyrsta flokks veitingastaður,
fullkominn fyrir notalegar
gæðastundir með vinum,
fjölskyldu eða vinnufélögum.
GIRNILEGUR
OG SPENNANDI
MATSEÐILL
Pantaðu borð í síma 483 4700 | www.hverrestaurant.is
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.
Hundruð hafa tekið þátt í samfélags-
miðlaherferð Ungra athafnakvenna
og deilt ofurkonunum í lífi sínu á
samfélagsmiðlum, undir myllumerk-
inu #ofurkona. Tilgangur herferðar-
innar er að endurskilgreina hugtakið
ofurkona á jákvæðan hátt með því að
minna á að ofurkonan þarf ekki að
uppfylla kröfur samfélagsins.
„Við viljum sýna fram á að konur
geta verið ofurkonur fyrir að taka
pláss, vera góðar vinkonur, einlæg-
ar, hugrakkar eða að segja sína
skoðun. Allar konur hafa eiginleika
sem gera þær að ofurkonum,“ sagði
Vala Rún Magnúsdóttir, formaður
UAK, við mbl.is í gær.
Vefráðstefnan Ofurkonan þú, í
samstarfi við Hugrúnu geðfræðslu-
félag, verður haldin á morgun.
„Þar munum við meðal annars
fjalla um gamla hugtakið „ofur-
kona“, sem leiðir til kulnunar og
streitu. Við ætlum að taka pressuna
af konum og gera þeim kleift að
þekkja einkennin á kulnun og láta
þeim líða eins og þær þurfi ekki að
gera allt heldur sinna því sem þær
eru að gera hverju sinni,“ sagði Vala.
Ofurkonur þurfa að
passa sig á kulnun
 Samfélagsmiðla-
herferð sýnir ofur-
konuna í nýju ljósi
Ljósmynd/UAK
Ofurkona Vala Rún Magnúsdóttir
er formaður Ungra athafnakvenna.
Sigtryggur Sigtryggsson
sisi@mbl.is
Borgarráð hefur fallist á ósk
menntamálaráðuneytisins um að
ganga til viðræðna um sameiginlega
framkvæmd ríkisins og Reykjavík-
urborgar til að leysa húsnæðismál
Menntaskólans í Reykjavík (MR).
Framkvæmdasýsla ríkisins hefur
samið greinargerð um frumathugun
vegna húsnæðismála skólans. Þar
er miðað við að leysa þarfir skólans
með 2.220 fermetra nýbyggingu og
endurbyggja 400 fermetra friðaðan
hluta húss sem kallað hefur verið
Casa Christi. Nýrri hluti hússins
verði friðaður. Heildarkostnaður er
talinn verða 2,626 milljónir króna,
sem gerir um eina milljón á fer-
metra. Innifalin í þeirri tölu eru
kaup á búnaði.
Í lögum um framhaldsskóla frá
2008 skal kostnaðarskipting vera
þannig að ríkissjóður greiðir 60%
en sveitarfélagið 40%. Miðað við
kostnaðaráætlun Framkvæmda-
sýslunnar yrði hlutur ríkissjóðs því
1.575 milljónir króna og Reykjavík-
urborgar 1.050 milljónir.
Framkvæmdasýslan áætlar að
flytja þurfi starfsemi skólans annað
meðan á 4-5 ára framkvæmdatíma
stendur og að kostnaður við leigu,
breytingar og rekstur á um 4.000
fermetra bráðabirgðahúsnæði verði
750-900 milljónir króna. Sá kostn-
aður fellur á ríkissjóð.
Í samþykkt borgarráðs segir að
ljóst sé að greina þurfi á milli ný-
framkvæmda og eiginlegs stofn-
kostnaðar annars vegar og endur-
gerðar eldra húsnæðis sem fellur
undir viðhald hins vegar. Sömu
sjónarmið eiga við varðandi end-
urnýjun á búnaði. Semja þurfi um
hver greiðsluþátttaka er, hvernig
greiðslur dreifist miðað við fram-
vindu og hvernig haldið skuli á
kostnaðarfrávikum og fram-
kvæmdaáhættu.
Kennt í sjö húsum í dag
Menntaskólinn í Reykjavík er
framhaldsskóli þar sem boðið er
upp á þriggja ára nám til stúdents-
prófs á tveimur brautum. Skólinn
er starfandi í 10 húsum og fer
kennsla fram í sjö þeirra. Húsin
mynda litla þyrpingu, sem afmark-
ast af Lækjargötu, Amtmannsstíg,
Þingholtsstræti og Bókhlöðustíg.
Menntaskólinn í Reykjavík hefur
verið í Reykjavík síðan 1846 en á
rætur að rekja allt aftur til ársins
1056.
Morgunblaðið/Styrmir Kári
Skólasetning Nemendur MR ganga fylktu liði til skólasetningar. Í bak-
grunni er hin sögufræga aðalbygging skólans sem tekin var í notkun 1846.
Nýbygging MR
mun kosta 2,6
milljarða króna
 Skólastarfið flutt annað meðan á
framkvæmdum stendur í 4-5 ár