Morgunblaðið - 16.12.2020, Blaðsíða 8

8 FRÉTTIRInnlent
MORGUNBLAÐIÐ MIÐVIKUDAGUR 16. DESEMBER 2020
Þorgerður Katrín Gunnarsdóttir,formaður Viðreisnar, er komin í
kosningaham eins og heyra mátti á
Alþingi í fyrradag þegar hún kvart-
aði hástöfum undan því í fyrir-
spurnartíma að til
stæði að auka stuðn-
ing við landbúnað og
kvartaði undan toll-
um og höftum í því
sambandi. Kristján
Þór Júlíusson, sjávar-
útvegs- og landbún-
aðarráðherra, benti
á að flest ríki styddu
framleiðslu sína og
að til stæði að fara út
í ýmsar aðgerðir hér,
enda þekkt að kór-
ónuveirufaraldurinn
hefur haft mjög slæm
áhrif á bændur. Í því
sambandi nefndi ráð-
herra að verð á kjöti
á heimsmarkaði hefði lækkað um
14% og þekkt er að hér hefur fækkun
ferðamanna haft sérstaklega mikil
áhrif.
  
Þorgerður gaf sig ekki og kvartaðiundan þessari „gömlu úreltu
leið ríkisstjórnarinnar“ og sagði ekk-
ert land í Evrópu fara þessa leið. Það
er undarleg blinda að halda að tolla-
bandalagið ESB leggi ekki tolla á inn-
flutning matvæla. Athyglisverðast
var þó hve illa fyrirspyrjandinn brást
við þegar Kristján Þór nefndi að þeg-
ar Þorgerður sjálf „gegndi stöðu
landbúnaðarráðherra var engin at-
laga gerð að því að breyta því kerfi
sem við erum að setja aftur á núna.
Þetta er ekki alvarlegra en það. Þessi
ríkisstjórn breytti úthlutun tollkvóta
frá því kerfi sem var við lýði þegar
háttvirtur þingmaður gegndi því
starfi sem ég gegni í dag. Meiri er
breytingin ekki.“
  
Getur verið að formaður Við-reisnar telji að heimsfarald-
urinn sé rétti tíminn til að breyta
þessu kerfi, og að hún trúi því að ESB
hafi fellt niður tollvernd sína?
Þorgerður Katrín
Gunnarsdóttir
Ekkert gert
í hennar tíð
STAKSTEINAR
Kristján Þór
Júlíusson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Júpíter og Satúrnus verða þétt saman á himni
næstkomandi mánudagskvöld. Raunar hafa þær
ekki verið svona nálægt hvor annarri, frá jörðu
séð, síðan 16. júlí árið 1623, segir Sævar Helgi
Bragason á Stjörnufræðivefnum.
Pláneturnar liggja best við athugun um klukkan
17 á mánudaginn, en þá verða þær mjög lágt á lofti
í suðvestri. Þegar orðið verður nógu dimmt í
Reykjavík verða stjörnurnar aðeins 3 gráður fyrir
ofan sjóndeildarhring. Á Akureyri verða þær
helmingi lægra á lofti eða 1,5 gráðum yfir sjón-
deildarhring á sama tíma. Pláneturnar hverfa
undir sjóndeildarhring um klukkan 18. Sævar
skrifar að því miður sé nánast útilokað fyrir flesta
Íslendinga að berja dýrðina augum, þó ögn meiri
möguleikar fyrir Sunnlendinga en fólk nyrðra.
Í haust hafa pláneturnar smám saman færst
nær hvor annarri á himninum og á mánudags-
kvöld verður bilið á milli þeirra minnst. Þær virð-
ast snertast, en í raun skilja þó næstum 800 millj-
ónir kílómetra þær að. Satúrnus er nú um stundir
1,6 milljarða km frá jörðu en Júpíter tæpar 900
milljónir km frá okkur, segir á vefnum.
Júpíter og Satúrnus þétt saman
 Nánast útilokað að sjá
stjörnurnar frá Íslandi
Jólastjörnur Satúrnus og Júpiter virðast snert-
ast, en í raun skilja þær næstum 800 milljónir km.
Þeir sem hafa lagt leið sína um
Sundahöfn undanfarna daga hafa
tekið eftir skipi sem er á stöðugum
ferðum frá Viðeyjarsundi út að
Engey.
Hér er á ferðinni sanddæluskipið
Taccola, sem hóf dýpkun á Viðeyj-
arsundi síðastliðinn laugardag.
Unnið er á vöktum allan sólarhring-
inn og er áætlað að verkið taki tæp-
ar tvær vikur ef ekkert óvænt kem-
ur upp á, að því er Magnús Þór
Ásmundsson hafnarstjóri Faxaflóa-
hafna tjáði blaðinu.
Taccola kom til landsins um miðj-
an nóvember en dýpkunin hófst
þegar undirbúningi og mælingum
lauk á sundinu.
Taccola er mjög öflugt dæluskip,
4.683 brúttótonn. Það „sýgur“ efnið
upp af botninum og um borð í skip-
ið. Það siglir svo með efnið á los-
unarsvæðið við Engey og losar það
niður um skrokk skipsins. Taccola
er í eigu belgíska fyrirtækisins Jan
De Nul, sem átti langlægsta tilboðið
í dýpkunina á Viðeyjarsundi.
sisi@mbl.is
Taccola „sýgur“ upp
sandinn dag og nótt
Morgunblaðið/Guðmundur Árnason
Á Viðeyjarsundi Skipverjar Taccola gera klárt fyrir dælingu af hafsbotni.