Málfríður - 15.11.1988, Síða 3

Efnisyfirlit:
Bls.
Bókmenntir í tungumálakennslu
Auður Torfadóttir........ 5
Is reading caught and not taught?
Jacqueline Friðriksdóttir . 8
Lestrarþjálfun í dönsku í 5.
og 6. bekk
Svandís Ólafsdóttir...... 11
Um tungumálakennslu
Gerður Guðmundsdóttir . 13
Ráðstefna í Edinborg
Guðrún Jónsdóttir
Ingi Viðar Árnason ..... 18
Ráðstefna í Umeá.......... 20
Frá alþjóðaþingi frönskukenn-
ara í Þessaloniku
Sigurlaug Bjarnadóttir ... 22
Frönskunámskeið
Sigurlaug Bjarnadóttir ... 22
Tungumálakennsla í grunnskóla
Þyrí Árnadóttir......... 23
Námskeið á Schœffergárden
Anna Sigríður Árnadóttir
Þórhildur Oddsdóttir .... 26
Námskeið þýskukennara
Eva Jónasson ........... 27
Enskunámskeið
Sigríður Guttormsdóttir . 28
Formannaskipti............ 30
Málfríður Tímarit samtaka
tungumálakennara
2. tbl. 4. árg. nóvember 1988
Utgefandi: Samtök
tungumálakennara á íslandi
Ábyrgðarmaður: Auður
Torfadóttir
Ritnefnd: Ásmundur
Guðmundsson
Brynhildur
A. Ragnarsdóttir
Margrét
Guðlaugsdóttir
Sigþrúður
Guðmundsdóttir
Prófarkalestur: María Gréta
Guðjónsdóttir
Setning, prentun og bókband:
Prentstofa G. Benediktssonar
Heimilisfang Málfríðar er:
Pósthólf 8247
128 Reykjavík.
RHstjómarrabb
Ágætu lesendur!
Þegar þið nú hafið sjöunda tölublaðið af Málfríði undir höndum eru
liðin þrjú ár síðan hafist var handa um útgáfu þessa blaðs. I dimmasta
skammdeginu fyrir þremur árum settust átta manneskjur niður til að
gefa út blað fyrir samtök tungumálakennara. Óhætt er að segja að
ýmislegt hafi lærst á þessum þremur árum. I byrjun störfuðu tveir
fulltrúar frá hverju aðildarfélaganna að útgáfunni en fljótlega kom í
ljós að svo fjölmenn ritnefnd var óþörf. Hafa því að jafnaði fimm
annast blaðið undanfarið. Ritnefnd hefur og alla tíð notið góðs af
samstarfi við stjórn STÍL og er fráfarandi formanni, Hafdísi Ingvars-
dóttur, þakkað ágætt samstarf undanfarin þrjú ár um leið og við
bjóðum nýkjörinn formann, Berthu Sigurðardóttur, velkominn til
starfa.
Það er hins vegar öllum ljóst sem að blaði þessu hafa starfað að
útgáfa sem þessi er umfangsmeiri en svo að hægt sé að bjóða fólki að
starfa við hana án annarrar greiðslu en örlítillar þóknunarfyrir fundar-
setur. Ritnefnd hefur því farið þess á leit við stjórn STÍL að ráðinn
verði ritstjóri að blaðinu sem annist útgáfu þess að öllu leyti en hafi
ráðgefandi ritnefnd sér til aðstoðar. Fari svo mun núverandi ritnefnd
annast útgáfu vorblaðsins 1989 en fela Málfríði svo í hendur nýráðins
ritstjóra.
Frá því að síðasta tölublað kom út hafa þær breytingar orðið á
ritnefnd að Fanny Ingvarsdóttir og Gerður Guðmundsdóttir sem starf-
að höfðu í nefndinni frá upphafi hafa látið af störfum og er þeim
þakkað ánægjulegt samstarf. í þeirra stað komu Margrét öuðlaugs-
dóttir og Sigurbjörg Eðvarðsdóttir og eru þær hér með boðnar vel-
komnar til starfa.
Samkvæmt venju sem tekin var upp í fyrra er í haustblaðinu lögð
áhersla á eitt megin efni er varðar tungumálakennslu. í þessu tölublaði
er tekinn fyrir lestur í tungumálakennslu. Fékk ritnefnd þær Auði
Torfadóttur, Jacqueline Friðriksdóttur og Svandísi Ólafsdóttur til að
fjalla um þetta efni. Brugðust þær allar vel við erindinu og má sjá
afraksturinn í þremur myndarlegum greinum í þessu tölublaði. Reynd-
ar er ritnefnd skylt að þakka höfundum greina í þessu blaði frábært
samstarf því frestur til að skila handriti var stuttur í mörgum tilvikum.
Málfríði finnst hins vegar oftast heldur dapurlegt að kíkja í pósthólf
sitt því þar er nánast aldrei annað að finna en blöð sem ekki hafa komist
til skila. Finnst henni kominn tími til að lesendur láti í sér heyra þó ekki
væri nema til að tilkynna breytt heimilisfang þegar það á við. Gaman
þætti henni að frétta af snjöllum hugmyndum sem reynst hafa vel í
kennslu, góðum kennslugögnum og að ekki sé minnst á fregnir frá
tungumálakennurum í námi hérlendis og erlendis.
Að síðustu óskar Málfríður að geta þess að konan hressilega á
forsíðunni heitir einnig Málfríður og er ein aðalpersónan í barnabók
sem heitir „Kuggur“ eftir Sigrúnu Eldjárn.
3