Málfríður - 15.05.1991, Blaðsíða 12

Þyri Árnadóttir:
NAMSKEIÐ FYRIR
DÖNSKUKENNARAÁ
SCHÆFFERGÁRDEN
Hér birtast loksins nokkur stðbúðin
orð um velheppnað námskeið fyrir
framhaldsskólakennara í dönsku sem
Félag dönskukennara gekkst fyrir í
Danmörku í fyrrasumar. Námskeiðið
fór fram á Schæffergárden í Gentofte,
dagana 30. júlí — 10. ágúst sl. undir
styrkri stjórn Erlu Elínar Hansdóttur
og Michaels Dahl úr stjórn Félags
dönskukennara. Þátttakendur voru
alls 24 frá 13 skólum, 4 karlar og 20
konur. Schæffergárden er rómaður
meðal þeirra sem þar hafa dvalist og
hefur ágæti hans sem námskeiðsstað-
ar þegar verið lýst á síðum Málfríðar.
Hér er þvi látið nægja að staðfesta að
ekkert hefur þar verið ofsagt um lysti-
semdir í mat og drykk, prýðilegan að-
búnað og fegurð umhverfis.
Námskeiðið sem reyndar hófst hér
heima á íslandi með töluverðum
heimalestri áður en lagt var upp, var
hvað vinnu áhrærir býsna strembið,
ekki síst þegar tekið er tillit til þess að
mikil hitabylgja gekk yfir Sjáland
megnið af námskeiðstímanum. Nám-
skeiðið byggðist upp á fyrirlestrum,
umræðum og ýmiss konar hópvinnu
frá 9—16 dag hvern, auk nokkurs
heimalestrar á kvöldin. Boðið var upp
á leikhús- og safnferðir utan kennslu-
stunda og Dansklærerforeningen stóð
fyrir dálítilli bókakynningu í nám-
skeiðslok.
Fjórir fyrirlesarar voru á námskeið-
inu og fjölluðu þeir um eftirtalin efni:
Karen Risager: Kulturformidling
i fremmedsprogsundervisningen.
Sem dæmi um danska menningu
og staðhætti sem vert væri að fást við
í dönskukennslunni fjallaði Karen Ri-
sager einkum um ýmislegt er varðar
danskan landbúnað svo sem matvæla-
framleiðslu, landfræðilega staðhætti,
loftslag, innflutning og útflutning
landbúnaðarvara, svo og matarvenjur
Dana. Hún byggði einkum á efni um
Slagteriskolen í Roskilde. Óblandn-
asta hrifningu þátttakenda vakti hátíð-
arsöngur um ágæti danskra pylsu-
garna, „Tarmvisen om den skonne
svinetarm“. Var kvæðið kyrjað af inn-
lifun, þó að söngur um mjólkurísfram-
leiðslu hefði ef til vill átt betur við í
hitanum.
Knud Anker Jensen: Sprogind-
læring og sprogundervisning.
Knud Anker hélt sig mest við hina
fræðilegu þætti tungumálakennslunn-
ar. Hann fjallaði um muninn á er-
lendu máli og öðru máli (máli 2), út
frá kennslufræðilegu sjónarmiði.* Fyr-
irlestur hans skiptist íþrjá meginþætti:
— hvernig nemandi tileinkar sér er-
lent mál,
— samtal um kennsluaðferð þar sem
nemandinn er í brennidepli, svörun
og viðbrögð kennara,
— kennsluefni og aðferðir í tungu-
málakennslu.
Erik Skyum-Nielsen: Fortæller-
kunsten i 80erne, pá baggrund
af romanen i 60erne og 70erne
og Lyrik pá papir, plade og video.
Fagnaðarfundir urðu með Erik Sky-
um-Nielsen og gömlum nemendum
og öðrum f hópi þátttakenda sem
kunnugir voru honum frá lektorstíð
hans við Háskóla íslands, enda er
hann mjög líflegur og áheyrilegur fyr-
irlesari með sérstaka þekkingu á að-
stæðum í dönskukennslunni hér. í
erindi sínu um bókmenntir nfunda
áratugarins fjallaði Erik um fjölmarg-
ar skáldsögur, auk nokkurra ljóða,
dægurlagatexta og vídeómynda, sem
hann taldi geta nýst í dönskukennsl-
unni f framhaldsskólum hér á landi.
12