Málfríður - 15.05.1991, Blaðsíða 19

sömu fréttina í mismunandi blöðum,
mikilvægi mynda o.s.frv. Námskeið-
inu lauk svo með hringborðsumræð-
um þátttakenda og kennara, þar sem
gengið var út frá grein eftir Wilga
RIVES um hin 10 boðorð í kennslu og
námi tungumála.
Námskeiðið þótti takast vel í alla
staða og var mjög vel sótt enda var fyr-
irgreiðslu endurmenntunarnefndar
og skólameistara hinna fjölmörgu
skóla svo fyrir að þakka. Þó má geta
þess að sérstaklega bar á því að
skólameistarar á höfuðborgarsvæð-
inu gæfu kennurum ekki frí til þess
að fara á þetta námskeið. Það er baga-
legt en að vísu var námskeiðið ekki
haldið á hefðbundnum tíma en fyrir
því voru þær ástæður að kennarar
námskeiðsins komu einnig til þess að
kenna við frönskudeild H.í. Á nám-
skeiðum sem þessu er einn aðalkost-
urinn að kennarar hittast, skiptast á
reynslu, aðferðum og upplýsingum
að því ógleymdu að félagslegi þáttur-
inn er mjög vel ræktur. Nú í lok janú-
ar sl. komu Mme Michele Verdelhan
og M Luis Gomez-Pescie aftur hingað
til lands, boðað var til fundar til að
ræða næsta námskeið. En fyrirhugað
er námskeið í Montpellier frá 10.—27.
júní nk. fyrir frönskukennara á öllum
skólastigum. Efni þessa námskeiðs
verður málfræðikennsla, lestur í
tungumálanámi og jafnvel verður þátt-
takendum boðið upp á einhverja æf-
ingakennslu því samhliða.
Það má geta þess að franska sendi-
ráðið og þá sérstaklega franski menn-
ingarfulltrúinn, M Philippe Girerd
hafa verið mjög hjálpleg við að gera
okkur kleift að taka þátt í þessu nám-
skeiði, en franska ríkið greiðir uppi-
hald og gistingu fyrir þátttakendur
meðan á námskeiðinu stendur.
Þess má geta að lokum að nám-
skeiðið var mjög skemmtilegt og gagn-
legt og við hlökkum öll til næsta
námskeiðs.
Petrina Rós Karlsdóttir
ME
Gerður Guðmundsdóttir:
#
VETTVANGSNAM
Eitt af svokölluðum þróunarverk-
efnum í framhaldsskólum er vett-
vangsnám en þar er tvinnað saman
námskeiðum og faglegum vinnufund-
um. Að því standa Félagsvísindadeild
Háskóla íslands og Endurmenntunar-
nefnd Háskóla íslands. Drög að
verkefni þessu voru lögð fyrir nokkr-
um árum og þá ákveðið að byrja með
erlend mál vegna þess að þar var fag-
þekking talin góð. Undirbúningur
hófst þó ekki af alvöru fyrr en síðastlið-
inn vetur.
Hugmyndin er sú að kennarar í er-
lendum málum úr tveimur til þremur
skólum samtímis sæki námskeið
tvisvar til þrisvar sinnum yfir vetur-
inn, einn til þrjá daga í senn. Nám-
skeiðin verða haldin utan kennslu-
tímabila í skólunum. Síðan vinna
kennarar, hver í sínum skóla, að því
að hagnýta sér það sem gert var á
námskeiðunum. Fulltrúar úr hópi
kennara halda starfinu gangandi yfir
veturinn og eru þeir kallaðir oddvitar.
Óskir um verkefni af þessu tagi hafa
oft heyrst frá kennurum, því að þótt
sumarnámskeið séu góð, sækja þau
oft fáir kennarar úr hverjum skóla og
síðan vantar eitthvert afl til að nýta
hugmyndir sem þar fást.
í vettvangsnámi er reynt að fella
inn í kennsluefnið helstu hugmyndir
sem fram hafa komið á síðustu tveimur
áratugum. Þetta er því tækifæri til að
endurskoða kennsluefni og leita leiða
til að gera kennslu skilvirkari og
markvissari. Til að vettvangsnám nái
tilgangi sínum þurfa þrír fjórðu af
kennurum í erlendum málum við
skólann að vera með.
Umbun til þeirra sem taka þátt í
þessu hefur verið sem hér segir:
— 1 kennslustund í afslátt af kennslu
á viku í einn vetur,
— einingar sem nýtast til launahækk-
unar samkvæmt stigamati í
kjarasamningum,
— matur, þátttakendum að kostnaðar-
lausu, meðan námskeið standa yfir.
í vetur hefur þetta starf farið fram í
Flensborgarskóla í Hafnarfirði. Einnig
ætluðu kennarar við Fjölbrautaskóla
Vesturlands á Akranesi að vera með
en féllu frá þeirri ákvörðun vegna
bráðabirgðalaganna sem samþykkt
voru sl. sumar.
Á þessari stundu er ekki annað að
sjá en að vettvangsnámið í Flensborg
gangi ákaflega vel. Kostir og gallar
verða þó ekki ljósir fyrr en í vor þegar
því lýkur.
Næsta vetur verður farið af stað
með vettvangsnám í tveimur til þrem-
ur skólum öðrum, bæði í Reykjavík og
utan hennar. Ekki er ennþá alveg ljóst
hvaða skólar það verða.
í haustblaði Málfríðar verður hægt
að greina nánar frá hvernig til hefur
tekist. Þá verður hægt að tfunda
reynslu Flensborgara og hvernig nýj-
um þátttakendum líst á.
Ef einhverjum finnst þetta spenn-
andi verkefni og hefðu áhuga á því að
vera með 1992—1993 eða seinna eða
hafa áhuga á nánari upplýsingum þá
er hægt að hafa samband við undirrit-
aða, bréflega eða símleiðis.
Gerður Guðmundsdóttir
Félagsvísindadeild Háskóla íslands
Odda v/Sturlugötu, 101 Reykjavik
Sími 91-694578
19