Málfríður - 15.11.1991, Side 14

HAUSTNÁMSKEIÐ FYRIR
DðNSKUKENNAR
Læreren til eleven: „Ku‘ du ikk1 tænke dig eventuelt at lukke vinduet lidt op?“
Hvað finnst þér um setningu
sem þessa, lesandi góður?
Slíkar setningar eru algengari
en við gerum okkur grein fyrir
eins og fram kom á námskeiðinu,
sem haldið var í Norræna húsinu
dagana 15.-17. ágúst. Þátttakend-
ur voru 20 flestir af Stór-
Reykjavíkursvæðinu en starfandi
við hinar ýmsu menntastofnanir
(jafnvel Vinnueftirlit ríkisins).
Væntingar okkar við upphaf
námskeiðsins voru að sjálfsögðu
ólíkar. Sumir komu aðallega til
þess að hitta aðra starfsbræður
og -systur og til þess að forvitnast
um hugmyndir þeirra varðandi
komandi skólaár. Aðrir komu
fyrst og fremst vegna áhuga
þeirra á notkun myndbanda í
tungumálakennslu en kynningin á
efni námskeiðsins gaf von um
slíkt. Enn aðrir væntu þess að hér
væri á ferðinni umfjöllun um þjálf-
un munnlegrar færni.
Leiðbeinandi á námskeiðinu,
sem haldið var á vegum Dönsku-
kennarafélagsins og Endurmennt-
unardeildar Háskólans, var John
E. Andersen frá Kaupmannahafn-
arháskóla. Hann er mörgum
dönskukennurum að góðu kunnur
frá námskeiði sem haldið var á
Schæffergárden í fyrra.
Yfirskrift námskeiðsins var
„Samtalsgreining og málaðgerð-
ir“. Greind voru samtöl af ýmsum
toga, rauntextar og textar úr bók-
menntum. Unnum við bæði með
ritað mál og myndbönd.
Fjallað var um efnið út frá ýms-
um hugmyndum:
Strax í upphafi gerðum við okk-
ur ljóst, hve mál okkar byggist
mikið á þeim hefðum er ríkja
hverju sinni. Ein þessara hug-
mynda fjallaði einmitt um þær
kurteisisvenjur sem við búum við.
Upphafssetning þessarar greinar
er til dæmis einkennandi fyrir þá
manngerð sem hefur tekið kurt-
eisina óþarflega hátíðlega. Eitt
viðfangsefnið var einmitt að setja
okkur í spor fjögurra mismunandi
kvenna, en rannsóknir hafa sýnt
að konur hafa verið heftari en
karlar af hefðbundnum kurteisis-
venjum í málnotkun sinni. Sé öll-
um kurteisisreglum sleppt yrði
beiðnin til dæmis á þessa leið:
,,Luk vinduet op“. Hér fer ekki á
milli mála til hvers er ætlast.
Þetta eru dæmi um öfgarnar á
sinn veginn hvor en konur hafa
verið hvattar til þess að vera
beinskeyttari í málnotkun. I sam-
skiptum kennara og nemenda er
mjög mikilvægt að boðin séu skýr,
að nemendur viti til hvers er ætl-
ast af þeim en að sjálfsögðu þarf
kurteisin að vera með í ráðum.
Setningin okkar gæti þá hljóðað
þannig: „Luk venligst vinduet op“.
Einn af léttari þáttum nám-
skeiðsins var persónuleikapróf.
Niðurstaða prófsins var skoðuð
út frá nokkrum hugtökum sem
kynnt höfðu verið. Gengið var út
frá þeim öflum sem stjórna því
sem við segjum, það er að segja
barninu í okkur, foreldrinu og hin-
um fullorðna.
Kennslan var lifandi og þægi-
leg. Skiptust þar á fyrirlestrar leið-
beinanda og hagnýt vinna þátttak-
enda, ýmist sem einstaklings-,
para- eða hópvinna. Sem nemend-
um voru okkur þannig gefin tæki-
færi til þess að átta okkur betur á
fræðilegu inntaki efnisins.
Námskeiðinu lauk með því að
sumir skemmtu öðrum og sjálfum
sér með því að lifa sig fullkomlega
inn í hlutverkaleik.
Gyða Bentsdóttir, Fjölbrautaskóla
Vesturlands á Akranesi
Ingunn Anna Jónasdóttir,
Brekkubæjarskóla Akranesi
Magnús Guðnason, Fjölbrauta-
skóla Vesturiands á Akranesi
NORRÆNA HÚSIÐ
menningarmiðstöð við Hringbraut
Bókasafn:
Norrænar bækur, tímarit, plötur, grafík.
Opið mánudaga— laugardaga kl. 13—19.
Sunnudaga kl. 14—17.
Kaffistofa:
Opin alla virka daga kl. 9—17, laugardaga kl. 9—19,
sunnudaga kl. 12—19
Anddyri og sýningarsalir:
Sýningar á norrænni list og list
Opið kl. 14—19
í vetur verður kennurum og
nemendum I dönsku, norsku
og sænsku sérstaklega boðið
að koma og kynnast starfsemi
hússins og norrænni samvinnu
Verið velkomin í Norræna hús
14