Víðförli - 15.10.1999, Side 4
VÍÐFÖRLI
OKTÓBER 1999
Hjálparstarf
kirkjunnar
Hjálparstarf kirkjunnar sendir
2 milljónir króna til Eþíópíu
Starfssvæði íslensku kirkjunnar
illa leikið af þurrkum
„Orike Chilo veit það vel að maturinn sem hún er
að elda fer illa í börnin hennar. En það eina sem hún
hefur náð í er illgresi sem hún fann fyrir utan þorpið.
Orike býr í Konsó, í Suður'Eþíópíu, og er ein þeirra
rúmlega fimm milljóna manna sem svelta vegna
uppskerubrests. Fullkomið vonleysi er greipt í andlit
hennar þar sem hún bograr yfir pottinum þar sem
rauð blöð illgresisins sjóða. Fólkið í Konsó er nú ah
gerlega háð utanaðkomandi mataraðstoð.“ Þetta seg-
ir Sophia Mwangi, starfsmaður Christian Aid í Bret-
landi, en hún var nýlega á ferð í Eþíópíu.
ACT ráðgerir að hjálpa 1,7 millj. manna
Litlar fréttir hafa borist til Islands af yfirvofandi
hungurdauða þessa fólks. Neyðin er þó engu minni.
Ottast er að hungrið magnist verði ekkert að gert en
í hungursneyð árið 1984-1985 dó um ein milljón
manna vegna þess hve aðstoð barst seint. Þá mynd-
uðu kirkjur á svæðinu ráð sem falið var að fylgjast
með uppskeru og afkomu fólksins og bregðast við
eftir þörfum. Lútherska heimssambandið á sæti í
ráðinu sem í heild býr yfir mikilli þekkingu og
reynslu. Því hefur verið falið að sjá um að ráðstafa
aðstoð sem berst í gegnum ACT. Framlögum frá ís-
landi verður ráðstafað til kaupa á korni en ACT
gerir ráð fyrir að hjálpa 1,7 milljón manna. Hjálpar-
starf kirkjunnar er aðili að Lútherska heimssam-
bandinu og ACT. Næstu rigningar ættu að koma í
febrúar og standa fram í apríl. Bregðist þær ekki má
búast við uppskeru í júní árið 2000. Aðstoð þarf að
vera stöðug fram að því, bæði til að næra fólkið og
eins til að koma í veg fyrir að fólk selji búfé sitt og
eigur og hafi þá ekki forsendur til að sá og rækta
þegar tíminn kemur.
Tekið við framlögum
Margir þekkja nöfnin Konsó, Voító og Ömó - og
ekki bara af landakorti. Þessir staðir standa okkur
nær, þarna hafa Islendingar boðað trú
og stundað hjálparstarf í nær 50 ár.
Þeir sem vilja leggja fólkinu lið greiði
framlög sín á reikning H.k. í SPRON
1150-26-9800.
Tómasarmessa
Tómasarmessa dregur heiti sitt af postulanum Tómasi sem
ekki vildi trúa upprisu Drottins nema hann fengi sjálfur að
sjá hann og þreifa á sárum hans. I Tómasarmessunni er
reynt að gera þátttakendum auðveldara að skynja návist
Drottins, einkum í máltíðinni sem hann stofnaði og í
bænaþjónustu og sálgæslu. Tómasarmessan einkennist af
fjölbreytilegri tónlist, söng og þátttöku leikmanna. Um 30
manns, prestar og leikmenn, standa að undirbúningi
hverrar messu og verða þær haldnar í hverjum mánuði í
vetur að jólamánuði undanskildum. Næsta Tómasarmessa
verður sunnudaginn 31. október klukkan 20.00 og eru allir
hjartanlega velkomnir.
Kirkjan á ári aldraðra
Mánudaginn 27. september stóðu ellimálanefnd og fræðslu'
og þjónustudeild kirkjunnar fyrir ráðstefnu í Vídalínskirkju í
Garðabæ undir yfirskriftinni „Kirkjan á ári aldraðra“. Að
nokkru var litið yfir farinn veg en einnig horft til framtíðar.
I fyrirlestrum kom skýrt fram hversu mikilvægt það er fyrir
kirkjuna að sinna trúarlegum þörfum aldraðra og að finna
leiðir til að nálgast einstaklinginn svo hann geti opnað sig
og rætt um trú sína og það sem hvílir á honum. Helgihald
er mikilvægt í þessu starfi. Einn fyrirlesara sagði að kirkjan
ætti að flytja fólki gleðiboðskap til þeirra sem vilja undirbúa
þriðja æviskeiðið. Þá kom einnig fram hversu mikilvægt er
að styðja fólk í að ná sáttum við fjölskyldu sína, sjálft sig, líf'
ið og Guð. Sálgæsla meðal aldraðra gæti stuðlað að því með
því m.a. að boða fyrirgefninguna. Kirkjan þarf að fylgja fólki
eftir sem er einangrað og bent var á mikilvægi heimsóknar-
þjónustunnar í því sambandi.
I upphafi fjallaði Valgerður Gísladóttir, framkvæmda-
stjóri Ellimálaráðs Reykjavíkurprófastsdæma, um stefnu-
mörkun f þessu starfi og sr. Halldór Gröndal talaði um trú-
arlegar þarfir aldraðra. Þá skoðaði Guðrún Þórsdóttir
djákni ýmsar aðstæður aldraðra sem áskorun til kirkjunnar.
Lilja Sigurðardóttir hjúkrunarfræðingur fjallaði um líðan
aldraðra og Sigurlaug Björnsdóttir öldrunarfulltrúi og sr.
Gylfi Jónsson komu með sjónarhom úr starfinu.
I ár eru 20 ár frá því að ellimálanefnd kirkjunnar hóf
starf sitt. Margt hefur breyst á þessum tíma og mikil þróun
orðið í starfi meðal aldraðra, bæði innan kirkjunnar og
samfélagsins. I Neskirkju var snemma byrjað að starfa með
öldruðum og sagði sr. Frank M. Halldórsson frá því, en
Anna Sigurkarlsdóttir öldrunarfulltrúi kynnti núverandi
starf kirkjunnar. Aldraðir tóku virkan þátt í ráðstefnunni
með kórsöng og dansi. Var mikil ánægja með svo lifandi
dæmi úr starfinu og var þátttakendum boðið upp í dans
áður en matur var borinn fram.
Sr. Hans Markús Hafsteinsson annaðist helgistund í lok
ráðstefnunnar.
4