Víðförli - 15.11.1999, Blaðsíða 7

NÓVEMBER 1999
VÍÐFÖRLI
Trúarbrögð á íslandi
Kristnihátíð
Málþing hjá Miðstöð nýbúa
Trúarbrögð á íslandi var yfirskrift málþings sem haldið var
á vegum Miðstöðvar nýbúa hinn 4- nóvember sl. Sr. Tos-
hiki Toma, prestur nýbúa, hafði umsjón með málþinginu
sem fjallaði um mismunandi trúarbrögð sem iðkuð eru á ís-
landi. Hann flutti inngangserindi um trúarbrögð, trúar-
kenningar, menningu og þjóðtrú og gaf síðan fulltrúum
Islam, Bahá'i og Búddadóms orðið. Tilgangur málþingsins
var að ræða saman um trúarbrögðin, skoða hvað er líkt og
ólíkt og hvernig koma má í veg fyrir árekstra mismunandi
trúarhópa.
Þetta er annað málþingið í þingröð hjá Miðstöð nýbúa.
Stefnt er að málþingum mánaðarlega í vetur í miðstöðinni
við Skeljanes og hefjast þau klukkan 19.30.
Næsta málþing er 2. desember og fjallar um menntun
aðfluttra barna á íslandi. Þar verður ástandi menntunar-
mála nýbúabarna lýst, leitað ástæðna fyrir brottfalli úr
skóla, afleiðingum þessa brottfalls lýst, rætt um mikilvægi
móðurmálskennslu o.fl.
6. janúar verður málþing um kynþáttafordóma. Rýnt
verður í kjölinn á kynþáttafordómum og spurt hvort þeir
séu til staðar á íslandi. Er hægt að vinna fyrirbyggjandi að-
gerðir gegn kynþáttahatri og -fordómum? Hvað geta upp-
eldisaðilar og kennarar gert til að vinna gegn slíku? Sýnd
verða dæmi um leiki sem nota má við umfjöllun um for-
dóma.
Leikmannaskólinn
Næstu námskeið
10. nóvember 1999. Helgisiðir og táknmál kirkjunnar. Sr.
Kristján Valur Ingólfsson kennir fjóra miðvikudaga kl.
18-20. Kennt í HÍ, aðalbyggingu, stofu 5.
17. nóvember 1999. Kirkjusaga. Dr. Hjalti Hugason
kennir fjóra miðvikudaga kl. 20-22 í HÍ, aðalbyggingu,
stofu 5.
Bókasafn Biskupsstofu
Fræðsluefni til útláns
Bókasafn Biskupsstofu hefur til útláns ýmiss konar efni sem
að gagni getur komið í safnaðarstarfi kirkjunnar. Sem dæmi
má nefna glærur, leikbrúður, litskyggnur, snældur og mynd-
bönd. Einnig á safnið til bækur sem m.a. fjalla um kristilegt
uppeldi og fræðslu. Erlend tímarit eru keypt til safnsins í
nokkrum mæli og er hægt að fá greinar ljósritaðar upp úr
þeim.
Safnið er opið alla virka daga klukkan 8.00-16.00. Sím-
inn er 535-1567.
KRlSTNI
í ÞÚSUNDÁR
Nóvember. Reykjavíkurprófastsdæmi.
Kirkjugöngur alla laugardaga. Lagt af
stað frá Umferðarmiðstöðinni.
13. nóvember. Kirkjuganga. Dóm-
kirkjan, Fríkirkjan, Aðventukirkjan,
Hallgrímskirkj a.
14. nóvember. Reykjavíkurprófasts-
dæmi. Kristniboðsdagurinn, sérstök
dagskrá.
19. nóvember. Fríkirkjan í Reykja-
vík 100 ára. Málþing um Fríkirkjuna og
kirkjuskilning.
20. nóvember. Kirkjuganga. Hallgrímskirkja, Fíladelfía,
Háteigskirkja.
20. nóvember. Reykjavíkurprófastsdæmi. Kristin trú í
nútíma þjóðfélagi, ráðstefna um boðun kristinnar trúar í sal
KFUM & K við Holtaveg.
21. nóvember. Hátíðarguðsþjónusta í Frfkirkjunni vegna
100 ára afmælis hennar.
21. nóvember. Reykjavíkurprófastsdæmi. Opnun sýn-
ingar í Laugarneskirkju: Tími og trú. Trúarleg verk sjö lista-
kvenna. Verkin hafa öll skírskotun til yfirskriftarinnar og
byggja á ítarlegri könnun á táknmáli og sögu kristninnar og
hinna ýmsu þátta trúarinnar.
27. nóvember. Kirkjuganga. Háteigskirkja, Kirkja
Oháða safnaðarins, Laugarneskirkja.
3. desember kl. 20.00 og 4- desember kl. 17.00. Jóla-
söngvar í Kvos. Atthagakórar, kirkjukórar og fleiri tón-
listarmenn syngja og leika til styrktar Hjálparstarfi
kirkjunnar.
25. og 26. desember. Reykvíkurprófastsdæmi, Lang-
holtskirkja. Kór og kammersveit Langholtskirkju flytja
fyrsta hluta jólaoratoríu J.S. Bach þann 25. desember, ann-
an og þriðja hluta þann 26. desember.
Jobsbók og
mannleg þjáning
The Book of Job and Human Suffering er yfirskrift námskeiðs
í Skálholtsskóla 17.-18. nóvember. Dr. Daniel Simunds-
son, prófessor í Gamlatestamentisfræðum við Luther
Seminary í Minnesota flytur fyrirlestra um Jobsbók og
þjáninguna og stýrir umræðum.
Dr. Simundsson er Vestur-íslendingur og dvelur hér á
landi þetta misseri meðan hann vinnur að bók um
spámanninn Amos. Auk Gamlatestamentisfræða hefur
hann kennt sálgæslu út frá Jobsbók og hafa nokkrir
íslenskir prestar notið góðs af leiðsögn hans við Luther
Seminary. Hann hefur einnig kennt í Leikmannaskóla
þjóðkirkjunnar í vetur.
Námskeiðið fer fram á ensku.
7