Bæjarins besta - 24.05.2000, Síða 2

Tíu erlend skemi
- þrjú skipanna koma
tvisvar í sumar
Tíu erlend skemmtiferðaskip koma til Isafjarðar í sumar.
Tíu erlend skemmtiferða-
skip eru væntanleg til ísafjarð-
ar í sumar í þrettán ferðum.
Nokkur þeirra munu leggjast
að bryggju í Sundahöfn en
önnur munu verða við legu-
færi fyrir utan Norðurtangann.
Fyrsta skipið, MV Victoria,
sem er 27.670 brúttótonn að
stærð, kemur 11. júní og
stoppar í sex klukkustundir.
MV Explorer sem er 2.398
tonn að stærð kemur 16. og
20. júní, MV Royal Princess,
sem er stærsta skipið sem
kemur í sumar, 44.348 tonn,
kemur 4. júlí og daginn eftir,
7. júlí, er MS Shearwater
væntanlegt, en það er 2.162
tonn að stærð. Tvö skip eru
væntanleg 16. júlí, annars
vegar MV Europa sem er
28.600 tonn að stærð og hins
vegar MV Vistamar sem er
7.498 tonn.
Þann 28. júlí kemur MTS
Saga Rose, sem er 24.474 tonn
að stærð og daginn eftir koma
tvö skip, annars vegar MS
Hanseatic sem er 8.378 tonn
og hins vegar MV Arion sem
er 5.632 tonn. Þann 31. júlí er
síðan M V ClipperAdventurer
væntanlegt en það skip er
5.750 brúttótonn. MTS Saga
Rose kemur síðan aftur 26.
ágúst og MS Shearwater
kemur aftur 11. september.
Þegar eru farnar að berast
tilkynningar vegna 2001.
Fjölþrautahátíð Ungmennafélags Bolungarvíkur
r
Iþróttaálfurinn bregður á leik
- „hátíðin gekk vonum framar,“ segir Helga Jónsdóttir formaður Ungmennfélagsins
Á laugardag gekkst Ung-
mennafélag Bolungarvíkur
fyrir fjölþrautahátíð fyrir alla
fjölskylduna. Hátíðin var í
tengslum við Listadaga í Bol-
ungarvík, sem nú standa yfir
og lýkur á sunnudaginn. Gest-
ur Ungmennafélagsins var
Magnús Scheving, sem nú-
orðið er kannski betur þekktur
undir heitinu íþróttaálfurinn.
Um 220 manns, bæði börn
og fullorðnir, mættu fyrir inn-
an íþróttahúsið í blíðskapar-
veðri. Byrjað var á ratleik.
Leitað var að íþróttaálfinum
víðs vegar um bæinn og vís-
bendingamar voru persónur
úr leikritinu Latabæ. Að því
loknu fór fram dagskrá með
álfinum innan við íþróttahús-
ið. Góð stemmning myndaðist
og auðséð að þátttakendum
fannst gaman. Hátíðinni lauk
sfðan með grilli.
Iþróttaálfurinn skemmtir gestum ásamt ungu samstarfsfólki.
Fjörinu er ekki alveg lokið
íbili hjáUngmennafélagi Bol-
ungarvfkur, því laugardaginn
27. maí er ISI-dagurinn sem í
ár ber nafnið Skref 2000.
Ungmennafélagið ætlar að
standa að honum og býður
öllum að taka þátt í þægilegri
göngu. Reyndar eru í boði
krefjandi göngur fyrir þá sem
þess óska. Mæting er við
íþróttahúsiðkl. 13:00. Þennan
dag verður frítt í sund.
Þá er tilvalið að fara í ljóða-
sund. Sundlaugin er nefnilega
skreytt með ljóðum á meðan
Listadagar standa yfír.
@ n
ÍSAFJARÐARBÆR
ÚTBOÐ: ÁSGEIRSGATA, LAGNIR
wmmssm Tæknideild ísafjarðarbæjaróskareftir
tilboðum í lagningu frárennslis- og
vatnslagna ásamt jarðvinnu við
Ásgeirsgötu á Isafirði, milli Sindra-
götu og Suðurgötu.
Helstu magntölur:
Lagnaskurðir: 133m.
Frárennslislagnir: 270m.
Vatnslagnir: 135m.
Aðkeyrt fyllingarefni: 1,640m3
Útboðsgögn verða seld á bæjarskrif-
stofu frá og með mánudeginum 29.
maí nk. á kr. 3.000,- eintakið.
Tilboð verða opnuð á tæknideild,
þriðjudaginn 13.júnínk. kl. 11:00.
Tœknideild Isafjarðarbœjar.
STÖRF VAKTMANNA
Laus eru til umsóknar störf vaktmanna
í sorpbrennslunni Funa. Bæði er um
að ræða fast starf og afleysingu.
Laun eru samkvæmt samningum FOS
Vest og ísafjarðarbæjar.
Upplýsingar um starfíð veitir stöðvar-
stjóri í síma 456 5218 eða 894 5959.
Umsóknarfrestur er til 15. júní.
Stöðvarstjóri Funa.
Innilegar þakkir fyrir auðsýnda samúð og hlýhug við andlát og útför
móður okkar, stjúpmóður, tengdamóður, ömmu og langömmu
Ágústínu Bernharðsdóttur
frá Kirkjubóli í Valþjófsdal
Sérstakar þakkir til starfsfólks Sjúkrahúss Bolungarvíkur
Guðm. Steinar Björgmundsson Sigríður Magnúsdóttir
Anna Kristín Björgmundsdóttir Markús Guðmundsson
Sigríður Björgmundsdóttir Sigmundur Þorkelsson
Eyjólfur Björgmundsson Berglind Rós Pétursdóttir
Edda Björgmundsdóttir Bragi Björgvinsson
Bragi Björgmundsson Guðrún Jóhannsdóttir
barnabörn og langömmubörn.
Lágkúra
Þegar umræðan um úrbætur í samgöngumálum á landsbyggðinni, þar með
talin fyrirhuguð jarðgöng milli einstakra byggðalaga, er komin niður á það plan
að farið er að reikna út hversu háa fjárhæð hver og einn íbúi viðkomandi byggðar-
laga gæti fengið í sinn hlut ef áætluðum kostnaði við gerð jarðganganna
væri skipt á milli þeirra. að ekki sé talað um hversu langar og dýrar sól-
arlandaferðir viðkomandi gætu farið í fyrir summuna, þá er ekki hægt
að komast öllu neðar í lágkúrunni í umfjöllun um fólk.
Þegar þingmaður, sem þar að auki er formaður samgöngunefndar Alþingis,
tekur svo til orða að segja megi að það hafi verið af samúð með Vestfirðingum
sem jarðgöngin undir Breiðadalds- og Botnsheiði voru grafin og því sé „ekki
hægt að segja varðandi þau (göngin) sem heild að menn hafi ekki viljað hjálpa
samfélaginu" skal spurt hvort botninum sé ekki þar með náð í þessari umræðu?
Reyndar stingur fleira í augu í viðtali við formann samgöngunefndar Alþingis í
DV sl. mánudag. Þar segir hann, eftir yfirlýsingu um að skynsamlegt hefði verið
á sínum síma að athuga vel þá hugmynd að kaupa Súgfirðinga út úr plássinu „í
stað þess að fara út í þá dýru framkvæmd að gera legginn (göngin) til Súganda-
fjarðar", að „styrkur Suðureyrar (sé) sá að þetta er sá staður á landinu sem hefur
besta aðstöðu af öllum sjávarplássum landsins til að stunda smábátaútgerð. Það-
an er stutt að sækja í blússandi mið. Þá geta menn líka valið sér ákveðið lífs-
mynstur. Jarðgöng eru ekkert lífsspursmál, þó jákvætt sé að hafa samgöngur sem
___bestar. Það getur annað komið í staðinn."
||]§ Það er rétt að fá byggð ból liggja betur við fiskimiðum en Suður-
eyri. Heimskuleg fiskveiðistjórnun, þar sem engin skil eru gerð milli
veiða á grunnslóðum og úthafsveiðum, gerir það hins vegar að verkum að Súg-
firðingar geta ekki nýtt sér nálægðina við fiskimiðin öðrum fremur. Svo er hátt-
virtum þingmönnum fyrir að þakka. Þá er ekki úr vegi að rifja upp fyrir sjálfum
formanni samgöngunefndar Alþingis, að Suðureyri er nú hluti Isafjarðarbæjar og
því vandséð hvað „annað" geti komið í staðinn fyrir samgöngur innan bæjar-
félagsins og þess að íbúar Suðureyrar hafi aðgang að ýmsu því sem aðeins er til
staðar á Isafirði, t.d. sjúkrahúsinu svo eitt dæmi sé tekið.
Þegar svo er komið að farið er að setja fólk, lífsstarf þess og tilfinningar, í
reikningsformúlur arðsemi og sólarstunda hljóta menn að spyrja hvort ekki sé
tími til að umræðan um byggðamál verði á vitrænni nótum?
s.h.
Frá útgefendum:
Umboðs-
aðilar BB
Eftirtaldir einstaklingar sjá um
sölu og dreifingu á BB á þétt-
býlisstöðum utan Isafjarðar:
Bolungarvík: Nikólína Þor-
valdsdóttir, Hjallastræti 38,
sími 456 7441. Súðavík: Sölvi
Mar Guðjónsson, Holtsgötu 3,
sími 456 4916. Suðureyri:
Deborah Anne Olafsson, Aðal-
götu 20, sími 891 7738. Flat-
eyri: Gunnhildur Brynjólfsdótt-
ir, Brimnesvegi 12a, sfmi 456
7752. Þingeyri: Valdís Bára
Kristjánsdóttir, Hlíðargötu 43,
sími 456 8263.
Útgefandi: H-prent ehf. Sólgötu 9, 400 ísafjörður, sími 456 4560, fax 456 4564 • Netfang prentsmiðju: hprent@bb.is • Ritstjóri: Sigurjón J. Sigurðsson, sími 892
5362, netfang: bb@bb.is • Blaðamaður: Hölfdön Bjarki Hölfdönsson, sími 863 7655, netfang blm@bb.is • Ljósmyndari: Halldór Sveinbjörnsson, sími 894 6125,
netfang: halldor@bb.is • Stafrœn útgáfa: www.bb.is • Lausasöluverð er kr. 200 eintakið m. vsk. • Áskriftarverð er kr. 170 eintakið m. vsk. • Veittur er afslóttur til
elli- og örorkulífeyrisþega. Einnig sé greitt með greiðslukorti • Eftirprentun, hljóðritun, notkun Ijósmynda og annars efnis er óheimil nema heimildar sé getið.
2
MIÐVIKUDAGUR 24. MAÍ 2000