Tónamál - 01.12.1976, Qupperneq 6

Nýr framkvœmdastjóri S. í
í ágústbyrjun var skipað í hið auða sæti framkvæmdastjóra
Sinfóníuhljómsveitar Islands, sem ófyllt hefur verið frá láti
Gunnars Guðmundssonar s.l. vetur. Sá sem tekur við ábyrgð-
arstöðu þessari er Sigurður Björnsson, óperusöngvari, en
hann er maður á bezta aldri ættaður úr Hafnarfirði. Hugur
hans beindist fyrst að fiðluleik og hóf Sigurður ungur fiðlu-
nám hjá Birni Olafssyni. Jafnframt stundaði hann söngnám,
sem að lokum varð fiðluleiknum yfirsterkari, enda mun Sig-
urður vera eini maðurinn, sem lokið hefur burtfararprófi í
söng frá Tónlistarskólanum í Reykjavík. Söngkennari hans
var Kristinn Hallsson. Þetta gerðist 1956. Um haustið sama
ár hélt hinn ungi söngvari til Múnchen og hóf nám við Tón-
listarskóla ríkisins. Þá þegar fór Sigurður að halda tónleika
með náminu m. a. á Spáni og Tékkóslóvakíu.
Þegar skólagöngunni lauk 1962, réðist Sigurður að Ríkis
óperunni í Stuttgart, þar sem hann dvaldist í 6 ár, en fór
þaðan til Kassel vegna stærri og betri hlutverka. Arið 1972
lá leiðin til Ríkisóperunnar í Graz í Austurríki, þar sem
Sigurður söng jafnframt í Volksoper í Vín. Vorið 1975 fór
Sigurður aftur til Múnchen.
Sigurð er í mun að hætta leik meðan hæzt stendur, auk
þess mun heimþráin eiga drjúgan þátt í því að hann kemur
heim aftur. Hann mun huga birtulega til hins nýja starfs og
er ekki að efa, að fari saman dugnaður og þýzklærð stjórn-
vizka, þá hefur Sinfóníuhljómsveit Islands fengið valinn for-
ysmmann.
Félag íslenzkra hljómlistarmanna býður Sigurð Bjötnsson
og fjölskyldu velkomin og óskar honum heilla í starfi.
Tilkynning
Hljóðfæraverzlun Sigríðar Helgadóttur mun í
framtíðinni vera með á boðstólum hið heimsþekkta
vörumerki „FIBES", en eins og kunnugt er, eru
trommusett og tilheyrandi fylgihlutir, svo sem
trommu-skinn og kjuðar framleiddir undir því vöru-
merki.
Fyrirtækið The CF Martin Organisation er fram-
leiðandi að þessum ágætu trommusettum, en þetta
6
fyrirtæki sendi einmitt mann frá sér til íslands fyrir
nokkru, til þess að annast kennslu í trommuleik á veg-
um F.Í.H.
Það er von okkar að félagsmenn F.Í.H. notfæri sér
þessa þjónustu í framtíðinni. Ef frekari upplýsinga er
óskað, vinsamlegast talið við verzlunarstjórann Ágúst
Atlason, Vesturveri, sími 11315.
Frá H.S.H.
TÓNAMÁL