Bæjarins besta - 05.02.2003, Síða 12
12 MIÐVIKUDAGUR 5. FEBRÚAR 2003
Er hægt að snúa við?
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
SPURNINGIN
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Ertu fylgjandi
vetrarfríi í
grunnskólum?
Alls svöruðu 629.
Já sögðu 306 eða 48,65%
Nei sögðu 288 eða 45,79%
Alveg sama sögðu
35 eða 5,56%
bb.is
Þar sem púlsinn slær...
Námskeið
Námskeið um gerð viðskiptaáætlana, á
vegum þjóðarátaks um nýsköpun, verður
haldið í Þróunarsetri Vestfjarða, fimmtudag-
inn 6. febrúar kl. 17:15 - 20:30. Þátttökugjald
er kr. 1.500.- fyrir kaffi og léttan málsverð.
Skráning er á www.nyskopun.is og í síma
450 3000.
MENNINGARMÁLANEFND
ÍSAFJARÐARBÆJAR – STYRK-
VEITING-AR Á ÁRINU 2003
Menningarmálanefnd Ísafjarðarbæjar
auglýsir til umsóknar styrki nefndar-
innar á árinu 2003. Allir þeir er starfa
að lista- og/eða menningarmálum í
Ísafjarðarbæ (einstaklingar, félaga-
samstök eða stofnanir) eiga möguleika
á styrkveitingu samkvæmt nánari
ákvörðun nefndarinnar.
Umsóknarfrestur er til 28. febrúar.
Umsóknum ber að skila skriflega á
skrifstofu Ísafjarðarbæjar að Hafnar-
stræti 1 á Ísafirði, merkt: Menningar-
málanefnd, styrkveitingar 2003.
Formaður menningarmálanefndar.
Hagfræðistofnun Háskóla Íslands hefur gefið út nýja skýrslu, sem okkur
landsbyggðar(áhuga)mönnum er brýnt að kynna okkur og brjóta til mergjar,
því ekki er boðskapur hennar, eða öllu fremur niðurstaða, upplífgandi. Höf-
undarnir þrír komast að niðurstöðu sem ótvírætt hlýtur að teljast mjög vond
og niðurdrepandi fyrir okkur sem búum á Vestfjörðum og viljum halda því
áfram. En svo virðist að við séum að verða örlítilill minnihlutahópur, sem
neitar að horfast í augu við þróun, sem skýrð er með einföldum og einkar
auðskiljanlegum hætti í skýrslunni. Við virðumst sumsé vera að súpa seyðið
af skuttogaravæðingunni á áttunda áratugnum, en hún var undirstaða eina
vaxtarskeiðsins á seinni hluta tuttugustu aldarinnar á Vestfjörðum og reyndar
á landinu öllu utan suðvesturhornsins, og stóð í 7 ár.
Ein alversta niðurstaðan er sú, að landsbyggðin hafi ekki aðdráttarafl fyrir
menntað fólk. „Vesturland, Vestfirðir, Norðurland vestra og Austurland hafa
misst frá sér 60-70% af þeim sem fæddust á árunum 1968-72, bjuggu þar
1988 og tóku lán hjá LÍN til framhaldsmenntunar. Allir þéttbýliskjarnar úti á
landi hafa neikvæðan flutningsjöfnuð fyrir menntað ungt fólk gagnvart
Reykjavík og nágrenni Reykjavíkur.“
Um er að ræða meira en aldargamla þróun, að fólk flytjist úr sveit í þéttbýli.
Stjórnmálaflokkar, og þar af leiðandi Alþingi og ríkisstjórnir, börðust áratugum
saman gegn þéttbýlismyndun á síðustu öld. Nær hefði verið að styrkja
byggðarkjarna á landsbyggðinni, en í þeim efnum snerust heimamenn
öndverðir. Nægir þar að nefna ráðstefnu Byggðastofnunar og Sambands
íslenskra sveitarfélaga á Selfossi síðla hausts 1987, en þá voru sveitarfélög
enn á þriðja hundraðið á Íslandi, um 220, en munu nú vera um 105. And-
staðan við hugmyndinni, sem kynnt var á ráðstefnunni um eflingu byggðar-
kjarna, fékk mesta andstöðu fulltrúa minnstu sveitarfélaganna af öllu Ís-
landi, en þeir voru að sjálfsögðu langfjölmennastir á stefnunni.
Baráttan hefur því alla tíð verið rekin á röngum forsendum. Sveitamenn
vildu ekki missa „völdin“ sem tign oddvita og hreppstjóra færði þeim. Nú
blasir við, að sú valdafíkn kemur niður á byggðinni utan Reykjavíkur. Önn-
ur athyglisverð niðurstaða er sú, að bættar samgöngur vinni gegn dreifbýli.
Þjónustu- og verslunarfyrirtæki verði undir í samkeppninni. Á þetta atriði
var minnt hér fyrir viku. Samgöngur vinni helst með byggðum í einnar til
tveggja klukkustunda fjarlægð frá Reykjavík. Þangað leiti fólk út úr
borgum, en ekki lengra. Enn eitt atriðið er að höfundar telja áhrif kvótakerfis
á byggðaþróun ofmetin. Staðan sé hreinlega sú, að sjávarútvegur og úr-
vinnsla hafi stöðugt minni þörf fyrir vinnuafl vegna bættrar tækni. Varað er
við rómantískum væntingum um að landsbyggðin verði eins konar safn
fyrir þéttbýlisbúa. Þörf er algerlega nýrrar hugsunar af okkar hálfu. Annars
verður svarið við spurningunni að ofan nei.
Opið bréf til fréttamanna
Ríkisútvarpsins á Ísafirði
Ingi Þór Ágústsson, bæjarfulltrúi skrifar
,,Mér finnast vinnu-
brögð fréttamanna
RÚVÍS óvönduð...“
Föstudaginn 24. janúar sl.
var lesin frétt í Svæðisútvarpi
Vestfjarða sem kom mér í
opna skjöldu. Í fréttinni var
því haldið fram að ég væri
félagi í Samfylkingunni. Ég
verð að játa það að ég heyrði
ekki fréttina þegar hún var
lesin heldur var hringt í mig
daginn eftir og mér bent á að
lesa síðu 147 í Textavarpinu.
Ég las fréttina og var brugðið,
því ég hef aldrei verið flokks-
bundinn í Samfylkingunni. Í
fréttinni var því haldið fram
að þeir einstaklingar sem áður
tilheyrðu þeim flokkum, sem
mynda Samfylkinguna í dag,
hafi sjálfkrafa verið skráðir í
Samfylkinguna við myndun
hennar og þyrftu að skrá sig
út af þeim lista sjálfir.
Nú er það ekkert launungar-
mál, og var vel auglýst í kosn-
ingabaráttunni fyrir bæjar-
stjórnarkosningarnar í vor, að
ég hef setið í Stúdentaráði Há-
skóla Íslands fyrir hönd Rösk-
vu og sem formaður Röskvu
seinasta árið mitt í Háskólan-
um. Á þeim tíma sem ég starf-
aði fyrir Röskvu tók ég aldrei
þátt í neinu flokksstarfi fyrir
flokka sem nú tilheyra Sam-
fylkingunni og hef aldrei beð-
ið um að vera settur á félags-
lista neins af þeim flokkum.
Það sama gildir um Samfylk-
inguna. Til að fá það staðfest
sendi ég tölvupóst til Karls
Th. Birgissonar, fram-
kvæmdastjóra Samfylkingar-
innar. Karl sendi mér bréf um
hæl þar sem hann staðfesti
það sem ég vissi – ég hef
aldrei verið skráður félagi í
Samfylkingunni.
Mér finnast vinnubrögð
fréttamanna RÚVÍS óvönduð
við undirbúning þessarar frétt-
ar og veit hreinlega ekki hvað
þeim gekk til. Ef fréttamenn
heyra orðróm sem þennan, þá
hefði ég haldið að staðfest-
ingu þyrfti til að geta birt hann.
Ég veit ekki mikið um frétta-
mennsku, en eitt veit ég þó að
orðrómur er ekki frétt nema
hún fáist staðfest. Minnsta
mál hefði verið að hafa sam-
band við mig til að fá álit mitt
á henni eða, líkt og ég gerði,
senda tölvupóst til fram-
kvæmdastjóra Samfylkingar-
innar og fá orðróminn stað-
festan.
Í svæðisútsendingu RÚVÍS
föstudaginn 31. janúar var
beðist velvirðingar á þessum
fréttaflutningi og vil ég þakka
fyrir það. Ég vonast þó til þess
að forstöðumaður RÚVÍS
birti bréf á þessum vettvangi
þar sem hann biður mig form-
lega afsökunar á ofangreindri
frétt.
Með bestu kveðjum og lifið
heil.
– Ingi Þór Ágústsson,
flokksbundinn sjálfstæðis-
maður, bæjarfulltrúi Sjálf-
stæðisflokksins í Ísafjarð-
arbæ.
Gerð svæðisskipulags fyrir alla Vestfirði í deiglunni
Fjórðungssamband Vest-
firðinga hefur sent öllum
sveitarfélögum á Vestfjörðum
bréf þar sem leitað er við-
bragða við þeirri hugmynd að
gert verði svæðisskipulag fyr-
ir Vestfirði í heild. Bæjarráð
Ísafjarðarbæjar samþykkti á
fundi sínum í fyrradag að
leggja til við bæjarstjórn að
Ísafjarðarbær taki þátt í gerð
sameiginlegs svæðisskipu-
lags fyrir Vestfirði. Halldór
Halldórsson bæjarstjóri segir
þetta vera mikið hagsmuna-
mál fyrir svæðið og tækifæri
til að leggja áherslu á sérstöðu
Vestfjarða sem hreinasta hluta
landsins.
„Við hjá Ísafjarðarbæ höf-
um mikinn áhuga á þessu
verkefni. Þetta er tækifæri til
að skerpa á sérstöðu hvers
hluta Vestfjarða fyrir sig og
móta þeim grunni heildarsýn
fyrir Vestfirði sem einstakan
hluta þessa lands“, segir bæj-
arstjóri.
Á stjórnarfundi í Fjórðungs-
sambandi Vestfirðinga fyrir jól
var samþykkt að sambandið
hafi forgöngu um að koma
þessu verkefni af stað og kanni
leiðir til fjármögnunar. Sum
sveitarfélög á svæðinu hafa
haft gerð slíks skipulags til
athugunar og mun sú vinna
víða vera komin vel á veg.
Kostnaður vegna gerðar
svæðisskipulags er greiddur
til helminga af Skipulags-
stofnun og hlutaðeigandi
sveitarfélögum í samræmi við
samning sem gerður er þeirra
á milli. Sveitarfélögin á höf-
uðborgarsvæðinu hófu vinnu
við gerð svæðisskipulags af
þessu tagi árið 1998.
Tækifæri til að skerpa á sérstöðu
hvers hluta Vestfjarða fyrir sig
05.PM5 18.4.2017, 10:2312