Bæjarins besta - 24.07.2002, Blaðsíða 8

8 MIÐVIKUDAGUR 24. JÚLÍ 2002
Stakkur skrifar
Þú skalt á Suðureyri! Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Ætlar þú á
útihátíð um
verslunarmanna-
helgina?
Alls svöruðu 444.
Já sögðu 56 eða 12,61%
Nei sögðu 346 eða 77,93%
Óvíst sögðu
42 eða 9,46%
Niðurstöður mælinga og
þakkir til hjúkrunarfræðinga
Jóhann Kárason, formaður Félags
hjartasjúklinga á Vestfjörðum skrifar
,,Góður göngutúr
í sumarblíðunni
hressir alla og kætir“
Laugardaginn 8. júní s.l. var
boðið upp á mælingu á blóð-
þrýstingi og blóðfitum (heild-
arkólesteróli) ásamt útreikn-
ingi á líkamsþyngdarstuðli, á
heilsugæslustöð Heilbrigðis-
stofnunar Ísafjarðarbæjar. Var
mælingin í boði Félags hjarta-
sjúklinga á Vestfjörðum í til-
efni aðalfundar félagsins, í
samvinnu við Landssamtök
hjartasjúklinga og SÍBS.
Fyrir hönd ofangreindra að-
ila vil ég þakka þeim sjö hjúkr-
unarfræðingum er stóðu að
mælingunum en framkvæmd
þeirra og fyrirkomulag tókust
með miklum ágætum. Einnig
vil ég þakka fyrir þá góðu að-
stöðu sem við fengum á
heilsugæslustöðinni. Sam-
skonar mælingar hafa farið
fram víða um landið en er það
mál manna að sjaldan hafi jafn
vel tekist til og nú.
Niðurstöður úr þessum
mælingum liggja nú fyrir. Rétt
er að geta þess að niðurstöður
mælinganna voru á engann
hátt persónugreinanlegar. Á
þeim fjórum klukkutímum
sem mælingarnar stóðu yfir
komu alls 103 gestir. 72 konur
og 31 karl, á aldrinum 21 til
88 ára. Meðalaldur var 52 ár.
Þegar á heildina er litið má
segja að mælingarnar á blóð-
þrýstingi og kólesteróli hafi
komið vel út. Efri mörk blóð-
þrýstings voru að meðaltali
126.5 mmHg og neðri mörkin
77 mmHg. Æskilegt er að
vera sem næst 120 mmHg í
efri mörkum og 80 mmHg í
þeim neðri. Gildið á heildar-
kólesteróli var að meðaltali
4.93 mmol/L en æskilegt er
að vera undir 5 – 5.5 mmol/L.
Þegar skoðaður er munur milli
kynja kemur í ljós að karlarnir
voru að jafnaði með hærri
blóðþrýsting en konurnar með
hærri gildi á kólesteróli.
Af þeim 103 sem voru
mældir greindust tæp 13 %
með háþrýsting en einungis
ein þeirra reyndist vera ný
greining. 59 % gestanna
reyndust vera með heildarkól-
esteról undir 5 mmol/L, 27 %
með 5 – 6 mmol/L og 14 %
með yfir 6 mmol/L. Hjá sam-
tals 10 einstaklingum var um
áður óþekkta hækkun á kól-
esteróli að ræða. Þessi góða
útkoma á gildum blóðþrýst-
ings og kólesteróls gæti að
einhverju leiti falist í því að
rétt tæpur helmingur gestanna
notaði að jafnaði blóðþrýst-
ings- og / eða blóðfitulækk-
andi lyf.
Niðurstöður útreikninga á
líkamsþyngdarstuðli (BMI)
voru ekki eins jákvæðar. Þar
reyndust fæstir vera í kjör-
þyngd eða samtals 24 %. 43
% gestanna flokkuðust í of-
þyngd og 33 % áttu við offitu
að stríða. Algengara var að
karlar væru í ofþyngd á meðan
konurnar reyndust í fleiri til-
vikum vera ýmist í kjörþyngd
eða með offitu.
Ég vil nota hér tækifærið
þakka fyrir góða þátttöku í
mælingunum og hvetja fólk
til þess að nota sumarið til að
huga að heilsunni. Góður
göngutúr í sumarblíðunni
hressir alla og kætir og styrkir
hjarta- og æðakerfið. Auk þess
vil ég benda á blóðþrýstings-
mælingu og ráðgjöf hjúkrun-
arfræðings á heilsugæslustöð-
inni, fyrsta mánudag hvers
mánaðar, milli kl. 17 og 19,
öllum að kostnaðarlausu.
Vegna verslunarmannahelgar-
innar verður næsta mæling 12.
ágúst n.k.
Að lokum vil ég óska þeim
níu hjúkrunarfræðingum er út-
skrifuðust frá Háskólanum á
Akureyri í Ísafjarðarkirkju
þann 17. júní s.l. hjartanlega
til hamingju og óska þeim vel-
farnaðar í starfi. Það er
ánægjulegt til þess að vita að
þær hafi allar átt þess kost að
starfa hér í byggðarlaginu.
Skemmtileg tilviljun að það
skildi einmitt vera Ísfirðing-
urinn Þórarinn Sigurðsson
deildarforseti heilbrigðis-
deildar HA, er lengi átti heima
hér, sem brautskráði þær við
hátíðlega athöfn.
Varðveit hjarta þitt því þar
er uppspretta lífs þíns !
Fyrir hönd Félags hjarta-
sjúklinga á Vestfjörðum,
Landssamtaka hjartasjúkl-
inga. Jóhann Kárason.
Sveitarstjórnir eru sá þáttur stjórnsýslunnar sem gjarnan er talað um í sömu
andránni og nauðsyn þess að færa ákvaraðanatöku nær íbúum sveitarfélaganna.
Nú er svo komið að sveitarstjórnir bera ábyrgð á rekstri grunnskóla eftir að sá
verkþáttur var fluttur frá til þeirra frá ríkinu. Ýmislegt hefur verið rætt um þann
tilflutning enda mátti öllum vera ljós sú staðreynd að sveitarfélög á Íslandi eru
mjög misjöfn að gerð. Íbúafjöldi þeirra er frá nokkrum tugum til þess að telja á
annað hundrað þúsund. Á Vestfjörðum er nú svo komið að heildarfjöldi íbúa nær
ekki átta þúsundum. Enn eru sveitarfélögin þar þó 11 talsins.
Ísafjarðarbær er hið fjölmennasta og tekur til svæðis sem áður
taldi þegar mest lét 11 sveitarfélög. Fyrir sameiningu 1996 voru
þau þó aðeins sex. Snæfjallahreppur hafði áður sameinast Ísa-
fjarðarkauspstað og Auðkúluhreppur sömuleiðis Þingeyrarhreppi. Enn fyrr hafði
Eyrarhreppur sameinast Ísafirði og Grunnavíkurhreppur Snæfjallahreppi og síð-
ar var eyðihreppurinn Sléttuhreppur lagður undir Ísafjörð.
Hvað hefur þessi þróun að gera með flutning grunnskólanas til sveitarfélaganna?
Svarið er einfalt. Til þess að vera fær um taka að sér verkefni þurfa sveitarfélögin
að hafa burði og getu til þess að ráða fram úr vandamálum og viðfangsefnum sem
upp koma. Krafa íbúa til þjónustu grunnskólans hefur heldur vaxið við flutninginn.
Deilur þær sem nú eru uppi sýnast glöggt dæmi um það. Foreldrar barna á Suður-
eyri sætta sig ekki við þá ákvörðun skólayfirvalda í Ísafjarðarbæ að grunnskólabörn
þar eigi að sækja skólann á Suðureyri og megi því ekki sækja grunnskólann á
Ísafirði. Sú ákvörðun að gera grunnskólanemendum á Suðureyri skylt að sækja
skólann þar er að mörgu leyti skiljanleg. Meðan grunnskóla er haldið uppi þar er
það eðlileg tilætlun sveitarstjórnar að grunnskólanemendur á Suðureyri sæki
skólann á staðnum. En af hverju nú? Ef litið er til þess að átta börn þaðan hafa sótt
skólann á Ísafirði undanfarin ár verður þessi tilskipan eftitektarverð. Ekki er að
sjá að neitt hafi breyst nema ef vera skyldi að aukin ásókn nemenda frá Suðureyri
sé í Grunnskólann á Ísafirði. Nú munu vera átján Suðureyrarbörn
sem óska grunnskólagöngu á Ísafirði.
Tvennt vekur sérstaka athygli. Hið fyrra er að skólastjórinn
á Suðureyri virðist koma af fjöllum. Hið síðara er er fullyrðing
þeirra foreldra sem nú lýsa óánægju sinni með breytt fyrirkomulag. Þau segja
fullum fetum að ekki sé tekið á einelti í grunnskólanum á Suðureyri. Einelti er nú
orðið viðurkennt vandamál og enn fremur talið hafa áhrif til framtíðar á þau börn
sem fyrir því verða. Sérfræðingar telja að taka þurfi á þessu mikla vandamáli
strax og af fullri alvöru. Hvað sem öðru líður er brýnt að skólayfirvöld upplýsi
hvað er á ferðinni og skýr svör fáist við því hvort ekki skuli ríkja jafnræði með
nemendum grunnskóla í Ísafjarðarbæ óháð búsetu.
Fullyrðing stendur gegn fullyrðingu, en með hag grunnskólans og nemenda
hans að leiðarljósi verður að upplýsa málið.
Ögurballið haldið um helgina
Hið árlega Ögurball verður
haldið á laugardag. Böll þessi
hafa ætíð þótt nokkuð sérstök,
ekki síst fyrir þær sakir að
ballgestir fá rabbabaragraut
með rjóma á miðjum dansleik.
Að sögn Leifs Halldórsson-
ar, annars tveggja skipuleggj-
enda dansleiksins, er það hús-
freyjan í Ögri, María Guðröð-
ardóttir, sem eldar grautinn.
„Það munu allir fá góðan
skammt af graut á ballinu“,
segir Leifur.
Undanfarin ár hefur hefð
skapast fyrir því að menn sigli
að Ögri og leggi þar bátum
sínum. Skipuleggjendur dans-
leiksins vona að sem flestir
sjá sér fært að sigla, því bátar
á legufæri gefa Ögri skemmti-
legan blæ. Að þessu sinni
munu Þórunn og Halli leika
fyrir dansi í samkomuhúsinu
í Ögri.
Um 200 manns mættu á
ballið í fyrra og er búist við
svipaðri aðsókn í ár.
Boðið upp á
rabbabara-
graut og rjóma
Ögur við Ísafjarðardjúp.
Júlíus Geirmundssyni
kom til hafnar á Ísafirði á
mánudag með um 230
tonn af afurðum eftir 24
daga að veiðum á Hamp-
iðjutorginu.
Verðmæti aflans, sem
samanstendur að mestu af
grálúðu, er 60 milljónir
króna. Skipstjóri í veiði-
ferðinni var Ómar Ellerts-
son. Áætlað er að Júlíus
haldi aftur til veiða á föstu-
dag.
Andey kom til hafnar í
Súðavík á sunnudag með
33 tonn af rækju og Fram-
nesið kom á mánudag með
um 38 tonn.
Ísafjörður
Júlíus með
60 milljón
króna afla-
verðmæti