Bæjarins besta - 11.04.2001, Blaðsíða 12

12 MIÐVIKUDAGUR 11. APRÍL 2001
Stakkur skrifar
Að kunna að semja í sjómannaverkfalli Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Ertu sátt(ur)
við skipulag
Vestfjarða-
hlutans í
símaskránni?
Alls svöruðu 292.
Já sögðu 101 eða 34,59%
Nei sögðu 131 eða 44,86%
Alveg sama sögðu
60 eða 20,55%
ÚTBOÐ: GATNAGERÐ Á FLATEYRI,
1. ÁFANGI
Tæknideild Ísafjarðarbæjar óskar eftir
tilboðum í endurbyggingu gatna og
lagna á Flateyri.
Um er að ræða jarðvegsskipti og lagnir
ásamt yfirborðsfrágangi. Allar götur-
nar skal fullgera með klæðningu, kant-
steinum og gangstéttum.
Helstu magntölur:
Uppúrtekt 3.680m³
Fylling 2.600m³
Lagnaskurðir 1.940m
Holræsalagnir Ø200 800m
Holræsalagnir Ø250 560m
Holræsalagnir Ø300 120m
Heimæðar Ø150 625m
Vatnslagnir Ø110 590m
Vatnslagnir Ø90 130m
Klæðning 5.450m²
Kantsteinar 1.440m
Hellulagðar gangstéttar 1.140m²
Útboðsgögn verða seld á bæjarskrif-
stofu frá og með miðvikudeginum
18. apríl nk. á kr. 7.500.- eintakið.
Tilboð verða opnuð á tæknideild
föstudaginn 4. maí 2001 kl. 11:00.
Tæknideild Ísafjarðarbæar.
Lögfræðingur
Laust er til umsóknar hjá embættinu starf
lögfræðings sem skal vera dómara til aðstoð-
ar, sbr. 17. gr. 1. nr. 15/1998. Miðað er við
að ráða í starfið frá 1. júlí nk. Laun eru sam-
kvæmt kjarasamningi Stéttarfélags lögfræð-
inga í ríkisþjónustu.
Umsóknir skal senda skrifstofu embættisins
að Hafnarstræti 1, Ísafirði, fyrir 15. maí nk.
Nánari upplýsingar veitir dómstjóri í síma
456 3112.
Héraðsdómur Vestfjarða.
Þrátt fyrir allt lifa Íslendingar að mestu af sjávarafurðum. Framlag sjávarútvegs-
ins til íslenska þjóðarbúsins er langstærsti einstaki hluturinn í útflutningstekjum,
sennilega milli 65 og 70%, þótt bæði stóriðja og ferðaþjónusta hafi vaxið. Litlu
skilar verðbréfamangið til þjóðarinnar en sennilega meiru í einstaka vasa. Mikil-
vægi sjávarútvegsins, fiskveiða og fiskvinnslu, verður ekki ofmetið. Þess vegna
er brýnt að ljúka samingum sjómanna og útgerðarmanna. Því miður virðist óra-
vegur á milli sjónamiða og sjaldan hafa sjómenn átt lengra í land, svo gripið sé
til myndlíkingar. Hið sama gildir um útgerðarmenn.
Margt kemur til. Í raun hafa sjómenn og viðsemjendur þeirra
ekki samið í undanförnum kjaradeilum. Alþingi hefur gripið
fram fyrir hendur semjenda og talið sig hafa til þess ærinn rök
á undanförnum árum. Að sumu leyti má fallast á það, en gallinn við þessa
frammítöku löggjafarvaldsins er augljós: Sjómenn og fulltrúar útgerðarinnar
kunna ekki þá list að setjast að sama borði og vinna sig í gegnum ferlið sem leiðir
til sameiginlegrar niðurstöðu, samninga um kaup og kjör.
Við sem stöndum hjá og reynum að átta okkur á því hver ásteytingarsteinninn
er í kjaradeilunni erum litlu nær þrátt fyrir fréttir. Þær eru nefnilega fáorðar um
hvað veldur að samningar takast ekki. Helst er að sjá og heyra að útgerðirnar vilji
fækka mönnum í áhöfnum vegna tækniframfara og á hinn bóginn vilji sjómenn
það ekki. Þetta hvort tveggja er auðskilið, því hver stendur ekki vörð um
hagsmuni sína? En í fréttaskýringar eða frásagnir sjómanna og útgerðarmanna
vantar útlistun á því hvað í raun er verið að tala um. Fákunnandi um sjómennsku
vita ekki annað en að sjómenn hafi það gott, þrátt fyrir allt. Kannski er það
einmitt þess vegna sem verkalýðshreyfingin í landi, sem alltaf er semja, rís ekki
upp og krefst þess með með aðgerðum af einhverju tagi, að vinnuveitendur, út-
gerðir og útgerðarmenn, ljúki samningum strax. Sú staðreynd er löngu kunn, að
fáir hafa samúð með hálaunamönnum.
Sjómenn hafa að nokkru leyti skákað í því skjólinu, að
eiga virðingu almennings fyrir erfið og mikilsverð störf sín. En
á hinn bóginn mættu þeir vera duglegri að kynna fyrir okkur í
hvað fólgið er í þeim. Orðið sjómaður hefur ekki alltaf sömu
merkingu. Sjómaðurinn á frystitogaranum býr við annað vinnuumhverfi en hinn
er sækir sjóinn á hraðbáti úr plasti. Samúð Vestfirðinga með málstað sjómanna er
vafalaust meiri en þeirra sem búa í Reykjavík og eru í snöggtum minni tengslum
við sjómennsku en hér er alvanalegt, þó mörgum þyki sérkennilegt hve margir
sjómenn á togurum, sem gerðir eru út frá Ísafirði, skuli búa syðra og greiða
þangað útsvar og opinber gjöld.
Þannig fjarlægist sjómaðurinn almenning æ meir og verður í hugum hans
aðeins andstæðingur útgerðarmannsins í kjaradeilu en ekki máttarstólpinn í
byggðinni sinni. En þeir verða samt að læra að semja, annað gengur ekki.
Leiguflug Ísleifs Ottesens hætt Vestfjarðaflugi
Sjúkraflugvél frá Mýflugi á Ísafirði
Sjúkraflugvél frá Mýflugi
kom til Ísafjarðar í síðustu
viku, eftir að samningum
við Leiguflug Ísleifs Otte-
sens var slitið. Vélin er af
gerðinni Piper P-350 Chief-
tain og hafði verið notuð til
sjúkraflutninga á Vestfjörðum
í tvö ár áður.
Mýflug er undirverktaki Ís-
landsflugs en Hálfdán Ing-
ólfsson er flugstjóri í sjúkra-
fluginu. Íslandsflug hefur
tekið við áætlunarflugi sem
LÍO hafði með höndum á
Vestfjörðum.
Nokkrum starfsmönnum sagt upp
Nokkrum starfsmönnum
Pólsins á Ísafirði hefur verið
sagt upp störfum. Að sögn
Sævars Óskarssonar fram-
kvæmdastjóra eru uppsagnir-
nar liður í endurskipulagningu
fyrirtækisins. „Það er ekkert
endilega verið að láta alla fara
fyrir fullt og allt“, segir Sævar.
„Fyrir dyrum liggur uppstokk-
un á starfsemi fyrirtækisins
og starfsfólkinu er sagt upp
svo við eigum hægara um vik
með að endurskipuleggja.“
Sævar tekur það skýrt fram
að Póllinn sé ekki að hætta
rekstri. Fyrirtækið var stofnað
í maí árið 1966 og hefur alla
tíð verið í sama húsnæði að
Aðalstræti 9.
Endurskipulagning hjá Pólnum hf. á Ísafirði
Sameiginleg æfing Ernis í Bolungarvík og Tinda í Hnífsdal
Sameiginleg æfing björg-
unarsveitanna Ernis í Bolung-
arvík og Tinda í Hnífsdal var
haldin við Steinsófæru á Ós-
hlíð á laugardagsmorgun. Þær
forsendur voru gefnar, að rúta
hefði farið þar fram af snar-
bröttum vegkantinum og fólk
væri slasað bæði niðri í flak-
inu og ofar. Við þær aðstæður
sem eru á Óshlíð um þessar
mundir er mjög erfitt að at-
hafna sig í flughálum brattan-
um.
Fljótlega komu menn úr
Erni á staðinn og vörubíll með
krana og bómunni var rennt
eins langt niður og hægt var.
Kaðlar voru lagðir og björg-
unaraðgerðir hafnar undir
stjórn Bergs Karlssonar, for-
manns Ernis. Hann var jafn-
framt í sambandi við Magnús
Helgason, formann Tinda, en
liðsmenn hans lögðu strax af
stað með bíla og búnað og
gúmmíhraðbátur var fljótlega
kominn úr Hnífsdal í fjöruna
við Steinsófæru.
Nokkuð á þriðja tug fólks
tók þátt í æfingunni eða rúmur
tugur frá hvorri björgunar-
sveit. Þessar tvær sveitir hafa
aðsetur sín hvorum megin við
Óshlíðarveginn og því koma
slys á þeirri leið fyrst til kasta
þeirra. Æfingin var ekki að-
eins ætluð til þess að prófa
búnað og þjálfa mannskapinn,
heldur einnig til að samhæfa
störf sveitanna tveggja þegar
til alvörunnar kann að koma
við aðstæður sem þessar.
Rútuslys sviðsett á Óshlíð
Frá æfingunni á Óshlíð.
15.PM5 19.4.2017, 09:2712