Bæjarins besta - 13.06.2001, Side 12

12 MIÐVIKUDAGUR 13. JÚNÍ 2001
Stakkur skrifar
Sjómannadagurinn og forsetinn Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Hefur hátt
bensínverð
áhrif á bif-
reiðanotkun
þína?
Alls svöruðu 328.
Já sögðu 233 eða 71,04%
Nei sögðu 87 eða 26,52%
Veit ekki sögðu
8 eða 2,44%
Að venju var sjómannadagurinn haldinn hátíðlegur, nú 10. júní þar eð hvíta-
sunnudag bar upp á fyrsta sunnudag í júní að þessu sinni. Nú brá svo við að sjó-
menn í Reykjavík afþökkuðu hátíðarræðu sjávarútvegsráðherra. Var hann bor-
inn þeim sökum að hafa staðið fyrir lagasetningu til þess að binda enda á verk-
fall sjómanna. Í sjónvarpi mátti sjá ráðherra meðal almennra gesta á hátíð sjó-
manna í heimabyggð sinni Hafnarfirði. Í stað hans var kona í fyrsta sinni ræðu-
maður við hátíðahöldin í Reykjavík og hvatti hún sjómenn og fjölskyldur
þeirra til þess að sýna afstöðu sína til ríkisstjórnar Davíðs
Oddssonar í næstu kosningum. Greinilegt er að enn ólgar
undir í flokki sjómanna.
Margt kann að skýra ónægju sjómanna, en laun þeirra
hækka nú með fallandi gengi, á meðan tekjur flestra annarra lækka af sömu
sökum. Hins vegar kemur það illa við sjómenn, útgerðina og reyndar alla lands-
menn að þorskkvótinn hefur verið skertur og verður aðeins 190 þúsund tonn á
næsta fiskveiðiári. Vestfirðingar líta kvíðafullir fram á veginn, einkum eftir að
kvóti hefur verið settur á smábátana, þótt rök megi vissulega færa bæði með og
á móti. Hátíðarhöld fóru fram með hefðbundnum hætti á Vestfjörðum og þó
voru þau frábrugðin að þessu sinni að því leytinu, að meira var lagt í hátíðar-
höldin á Patreksfirði en fyrr nú með frönskum blæ. Á Ísafirði flutti forseti Ís-
lands hátíðarræðu við sjómannamessu í Ísafjarðarkirkju. Hann kom að þeirri
stöðu sem uppi er með núverandi skipan fiskveiði og setti fram þá spurningu
hvort menn hefðu fyrir áratugum getað verið svo framsýnir að sjá fyrir, að það
ástand skapaðist að ekki yrði kleift að nýta til fulls þá kosti, sem byggju í ná-
lægð fiskimiðanna og þekkingu vestfirskra sjómanna. Lausn vandans sem nú
blasir við byggðum Vestfjarða hljóti að vera fólgin í þeirri lýðræðishefð sem
tryggði Íslendingum sjálfsforræði, en þar með er vísað til sjálfstæðis og lýð-
veldis, sem fengust án stríðs í venjulegum skilningi þess orðs, og án blóðsút-
hellinga. Án nokkurs efa hefur mönnum vaxið bjartsýni á
Vestfjörðum upp á síðkastið, en gerbreyttir möguleikar smá-
bátanna til fiskveiða, auk minnkandi kvóta, hefur á ný sett
ugg að mörgum. Forseti Íslands hefur rétt fyrir sér þegar hann
vísar til þess að leysa verði aðsteðjandi vanda á grunni þess lýðræðis sem Ís-
lendingar hafa tamið sér og þeirri hefð sem skapast hefur í pólitískum efnum.
Á Vestfirðingum brennur óttinn um skerta möguleika til lífsafkomu. Sú staðreynd
blasir við að Vestfirðingar hafa frá árinu 1995 dregist langt aftur úr öðrum
landshlutum varðandi laun eða sem svarar 460 þúsund krónum að meðaltali á
fjórum árum. Þá voru atvinnutekjur hér um slóðir 11% yfir meðaltali, en 1999
voru þær orðnar lægstar á á Vestfjörðum, 7% undir landsmeðaltali. Enn skapar
sjávarútvegur drýgstan hlut tekna Íslendinga. Það er að vonum að líta til lýð-
ræðishefðarinnar og treysta því að lausn finnist.
Félagsmót Hestamannafélagsins Hendingar á Ísafirði
Auður Björnsdóttir
kjörin knapi mótsins
Félagsmót Hestamannafé-
lagsins Hendingar á Ísafirði
var haldið í blíðskaparveðri á
Búðatúni í Hnífsdal á laugar-
dag. Fjörtíu skráningar voru í
mótið í ár og var keppt var í A
og B flokki gæðinga, opinni
töltkeppni og kappreiðum. Sú
hefð hefur skapast að velja
knapa og hest mótsins og var
Auður Björnsdóttir valinn
knapi mótsins og hestur móts-
ins var Myrkvi sem er í eigu
Karls Geirmundssonar.
Keppni hófst í B-flokki
gæðinga og þar komust í úrslit
þau Indriði Hilmarsson og
Bragur, Dorothee Lubecki og
Kolskeggur, Árný Herberts-
dóttir og Þinur, Pétur Jónsson
og Þruma og Linda Jónsdóttir
og Bylur. Í úrslitakeppninni
sigruðu Indriði og Bragur með
8,30 í einkunn, í öðru sæti
urðu Árný og Þinur með 8,23
og í þriðja sæti urðu Pétur og
Þruma með 7,93.
Í A-flokki gæðinga komust
í úrslit Auður Björnsdóttir og
Droni, Jón Magnússon og
Úði, Sævar Þorvarðarson og
Hlynur, Arnar Heiðarsson og
Venus, Rögnvaldur Ingólfs-
son og Brá. Auður og Droni
stóðu efst með 8,06, önnur
urðu Jón og Úði með 7,87 og
þriðju urðu Arnar og Venus
með 7,83. Þess má geta að í
A- og B-flokki kepptu gestir
frá Þingeyri og Bolungarvík
og fengu sýningar þeirra mjög
góða dóma.
Næst var opin töltkeppni
þar sem allir hafa þátttökurétt.
Þar komust í úrslit Svala Ein-
arsdóttir og Smyrill, Guð-
mundur Bjarni Jónsson og
Frá keppninni í Hnífsdal á laugardag.
Ræll, Karl Geirmundsson og
Myrkvi, Sævar Þorvarðarson
og Krummi og Sigríður Jóns-
dóttir og Valur. Í úrslitum urðu
Guðmundur og Ræll í fyrsta
sæti með 7,79 í einkunn, í
öðru sæti voru Svala og Smyr-
ill með 7,75 og í þriðja sæti
voru Karl og Myrkvi með
7,66.
Árgangur ’37 í Bolungarvík hélt upp á 50 ára fermingarafmæli sitt um helgina. Hópur-
inn kom saman á föstudagskvöld hjá einni af fermingarsystrunum þar sem hópurinn
var „hristur“ saman. Var mjög góð mæting enda mættu allir fyrir nema tveir sem ekki
áttu heimangengt. Á laugardagsmorgun fóru fermingarsystkinin í kirkjugarðinn í
Bolungarvík þar sem lögð voru blóm á leiði þriggja fermingarsystkina sem þar hvíla.
Var síðan farið með rútu til Ísafjarðar þaðan sem farið var í Vigur með Sjóferðum Haf-
steins og Kiddýar. Þegar komið var til baka var brunað á ný til Bolungarvíkur þar sem
höfð voru fataskipti fyrir kvöldið. Um kvöldið var haldið í mat og drykk í Félagsheimilinu
í Bolungarvík og dansað á eftir. Á sunnudag var komið saman á Blómsturvöllum í
Skálavík, heima hjá Ármanni Leifssyni, og drukkið kaffi. Eftir velheppnaða helgi í
góðu veðri var síðan kvaðst að sinni. Meðfylgjandi mynd var tekin af hópnum áður en
hann lagði að stað út í Vigur.
50 ára fermingarsystkini
Nefnd um aukinn hlut kvenna í stjórnmálum
Hvetja konur til
þátttöku í pólitík
Nefnd um aukinn hlut
kvenna í stjórnmálum hélt
námskeið í Þróunarsetri Vest-
fjarða á Ísafirði á fimmtudag
og föstudag. Yfirskrift nám-
skeiðisins var „Efling stjórn-
málakvenna“ og sóttu það tólf
vestfirskar konur. „Konurnar
voru úr öllum helstu stjórn-
málaöflunum á Vestfjörðum“
segir Una María Óskarsdóttir,
verkefnisstjóri nefndarinnar.
„Konurnar lærðu um fram-
komu í ræðustól, hvernig setja
eigi fram mál í ræðu og riti og
hvernig samskiptum við fjöl-
miðla sé best háttað.“
Hlutur kvenna í sveitar-
stjórnum á Vestfjörðum er
27%, en landsmeðaltalið er
29%. „Nefndin mun fara um
landið allt í haust og kvetja
konur til þátttöku í sveitar-
stjórnarkosningum sem verða
næsta vor. Þess má geta að
nefndin tók til starfa árið 1998
og í síðustu alþingiskosning-
um hækkaði hlutfall kvenkyns
þingmanna úr 25% í 35%“,
segir Una María.
Að loknu námskeiðinu í
Þróunarsetrinu var haldinn
opinn fundur um þátttöku
kvenna í stjórnmálum. „Þar
ræddum við um hversu miki-
lvægt það er að jafna hlut
kynjanna, hvort sem það er á
Alþingi eða í sveitarstjórn-
um“, segir Una María Óskars-
dóttir.
Frá námskeiðinu í Þróunarsetri Vestfjarða.
24.PM5 19.4.2017, 09:3412